PM મોદી અને અમિત શાહ ગુજરાતમાં ગજવશે સભા, આ રહ્યો કાર્યક્રમ

લોકસભા ચૂંટણીને લઇને હવેથી ગુજરાતમાં પ્રચાર ચરમસીમાએ છે. તમામ પક્ષોએ એડીચોટીનું જોર લગાવી દીધું છે. ત્યારે ભાજપે યુદ્ધના ધોરણે ચૂંટણી પ્રચાર કાર્યક્રમ બનાવી લીધો છે. ખાસ કરીને ભાજપ અધ્યક્ષ અમિત શાહથી લઇને રાજનાથ સિંહ, નરેન્દ્ર મોદી સહિતના નેતાઓ ગુજરાતમાં જંગી જનસભાને સંબોધશે.

પ્રાપ્ત વિગત પ્રમાણે ભાજપ રાષ્ટ્રીય અધ્યક્ષ અમિત શાહ 14 એપ્રિલે ગુજરાતમાં રોડ શો કરશે. અમિત શાહ ગાંધીનગરથી કલોલ સુધી રોડ શોનું આયોજન કરવામાં આવ્યું છે. તો ત્યારબાદ 17 એપ્રિલે આણંદ અને સુરેન્દ્રનગરમાં પીએમ મોદી સભા ગજવશે. ત્યારબાદ 20 એપ્રિલે પીએમ મોદી ઉત્તર ગુજરાતમાં ચૂંટણી પ્રચાર કરશે. અહીં પીએમ મોદી પાટણમાં જંગી જનસભા યોજી શકે છે.

અહીં ક્લિક કરી વાંચોઃ અલ્પેશે ભાજપમાં જોડાવાની સ્પષ્ટ ના પાડી, કહ્યું - 'મને છંછેડશો નહીં'

આ સિવાય ભાજપના રાષ્ટ્રીય નેતાઓ પણ ગુજરાતમાં ચૂંટણી પ્રચાર અર્થે ધામા નાખશે, જેમાં કેન્દ્રીયમંત્રી રાજનાથ સિંહ, સુષમા સ્વરાજ, નીતિન ગડકરી, સ્મૃતિ ઇરાની, વિ. કે સિંહ, દેવેન્દ્ર ફડણવીશ અને યોગી આદિત્યનાથ ગુજરાતના વિવિધ જિલ્લામાં ચૂંટણી સભા કરશે. 12 એપ્રિલે રાજનાથ સિંહ, 14 એપ્રિલે વિ કે સિંહ, 17 એપ્રિલે નરેન્દ્ર મોદી, નીતિન ગડકરી, સ્મૃતિ ઇરાન, 18 એપ્રિલે સુષમા સ્વરાજ અને યોગી આદિત્યનાથ ગુજરાત આવશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Amit shah, Election campaign, Gujarat Lok sabha election 2019, પીએમ મોદી, ભાજપ