બફારાને કારણે ત્વચા ઘણી ઓઇલી થઇ જાય છે? તો નિખારવા અજમાઓ આ ટિપ્સ

વરસાદની મોસમ શરૂ થાય અને સૌથી વધુ ઓઇલી સ્કિનવાળા લોકો હેરાન થતા હોય છે. આ સીઝનમાં ભેજને કારણે ચહેરા પર વધારે તેલ આવવા લાગે છે. આ કારણે ચહેરા પર પિમ્પલ અને એક્નેની પ્રૉબ્લેમ પણ થવા લાગે છે. આમ તો બજારમાં ઘણાં એવા પ્રૉડક્ટ્સ મળે છે જેની મદદથી ઓઇલી સ્કિનને ક્લિન રાખી શકાય છે. આ સાથે તમે ત્વચાને નિખારવા માટે અહીં આપેલી ટિપ્સ અજમાવી જુઓ.

• દિવસમાં બે વખત કોઇ pH બેલેન્સ્ડ ક્લિન્ઝરનો ઉપયોગ કરો, ત્યારબાદ એક યોગ્ય ટોનર પણ ચહેરા પર લગાવો. આ પ્રક્રિયા વારંવાર ના કરો, કારણ કે તેનાથી ત્વચાના સુરક્ષા કવચને નુકસાન પહોંચી શકે છે.


•  ઓઇલી ત્વચાને પણ મોઇશ્ચરાઇઝિંગની જરૂર છે. એક લાઇટ, વોટર-બેઝ્ડ મોઇશ્ચરાઇઝર સારું રહેશે. નોન-કોમોડોજેનિક ફોર્મ્યૂલા પસંદ કરો, જે તમારાં રોમછિદ્રોને બંધ નહીં કરે. તેને એ જ સ્થાન પર લગાવો, જ્યાં તમને તેની જરૂરિયાત હોય.


• તે ઉપરાંત આખા દિવસમાં ચારથી પાંચવાર ફેસવોશથી ચહેરાને ધૂઓ. આમ કરવાથી ચીપચીપી ત્વચાનો પ્રશ્ન મટી જશે.


• ગરમી કે બાફની સિઝનમાં મેકઅપ લગાવો તે પહેલાં બરફનો એક ટુકડો ચહેરા ઉપર ઘસી લો. આમ કરવાથી મેકઅપ ખરાબ નહીં થાય. તેમજ આ સિઝનમાં ફાઉન્ડેશનના બદલે કોમ્પેક્ટનો ઉપયોગ વધારે પ્રમાણમાં કરો.


• વોટરપ્રૂફ મેકઅપનો ઉપયોગ પણ તમે કરી શકો છો. વોટરપ્રૂફ મેકઅપ પ્રસરશે નહીં અને ચહેરો બગડશે નહીં.

આ પણ વાંચો - ઘરે જ કોરોનાને આપી શકો છો મ્હાત, એક્સપર્ટ ડૉક્ટરે આપ્યો દરેક સવાલનો જવાબ

આ પણ જુઓ - 

• કાજલ પણ બાર કલાક સુધી પ્રસરે નહીં તેવું સારી કંપનીનું વાપરવું. તેમ છતાં કાજલ પ્રસરી જતું હોય તો તમે આ સિઝનમાં કાજલ એવોઇડ કરીને આઇલાઇનર કરી શકો છો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Beauty Tips, Lifestyle, Skin care, ચોમાસુ