Operation Atiq: 'હું જેલમાં સુરક્ષિત છું..' અતીક અહેમદનો ઉત્તરપ્રદેશ પોલીસ સાથે જવાનો ઈનકારઃ સૂત્ર

અમદાવાદઃ ઉમેશ પાલ હત્યાકાંડના આરોપી અતીક અહેમદ (Atiq Ahmed)ને લેવા માટે ઉત્તરપ્રદેશ પોલીસ (UP Police) અમદાવાદ આવી છે. આવામાં એક મોટી ખબર એવી આવી રહી છે કે અતીકને યુપી પોલીસની STF (Special Task Force) સાથે જવાનો ડર લાગી રહ્યો છે. સૂત્રો દ્વારા મળતી વિગતો પ્રમાણે અતીક કહે છે કે, 'હું જેલમાં સુરક્ષિત છું..' આ સાથે તેણે યુપી પોલીસ સાથે જવાનો ઈનકાર કર્યો હોવાની વિગતો સૂત્રો તરફથી પ્રાપ્ત થઈ રહી છે. અતીક અહેમદ 3 જૂન 2019થી અમદાવાદની સાબરમતી સેન્ટ્રલ જેલમાં બંધ છે. તેને ઉમેશ પાલ હત્યા કેસમાં પૂછપરછ માટે યુપી પોલીસ લેવા માટે સવારની અમદાવાદ પહોંચી છે અને જેલમાંથી તેનો કબજો મેળવવા માટે જરુરી કાર્યવાહી હાથ ધરવામાં આવી રહી છે.

યુપી પોલીસ સાથે જતા અતીકને લાગે છે ડર?

સૂત્રો દ્વારા મળતી વિગતો પ્રમાણે અતીક જેલમાંથી બહાર નીકળવાનો ઈનકાર કર્યો છે અને હું જેલમાં સુરક્ષિત છું તેવું જણાવ્યું છે. અતીકને યુપી લઈ જવા માટે ત્રણ પોલીસકર્મી જેલના વેઈટિંગ હોલમાં આદેશની રાહ જોઈને બેઠા હોવાની વિગતો મળી રહી છે.

આ પણ વાંચોઃ અતીકને લઈ જવા યુપી પોલીસ વાહનો લઈને અમદાવાદમાં

વહેલી સવારથી અતીકનો કબજો મેળવા માટે યુપી પોલીસ સાબરમતી પોલીસ સ્ટેશન પહોંચી ગઈ છે. અતીકને યુપીની બહાર કોઈ જેલમાં રાખવાનો આદેશ કર્યો હતો તે પછી વર્ષ 2019થી અતીક અમદાવાદની સાબરમતી જેલમાં બંધ છે. આ દરમિયાન વારંવાર યુપી પોલીસ અતીક અહેમદની પૂછપરછ કરવા માટે પણ અમદાવાદ આવી ચૂકી છે.

અતીક અહેમદને લઇ મોટી ખબર
અતીક અહેમદે જેલમાંથી બહાર નિકળવા ના પાડી
ઉત્તરપ્રદેશ પોલીસ સાથે જવાનો કર્યો ઇન્કાર : સૂત્રો
''હું જેલમાં સુરક્ષિત છું''#Gujarat #News18GujaratiNo1 #Ahmedabad #AtikAhmed pic.twitter.com/tVfRSaWHNX

— News18Gujarati (@News18Guj) March 26, 2023

નોંધનીય છે કે, યુપીના ચકચારી રાજુ પાલ હત્યાકાંડના મુખ્ય ગવાહ ઉમેશ પાલની હત્યાના કેસમાં અતીક અહેમદની પૂછપરછ કરવા માટે તેને તેડવા માટે પોલીસ આવી પહોંવાનું માનવામાં આવી રહ્યું છે. અતીક સામે હત્યા, ખંડણીના ઘણાં આરોપ પણ થયેલા છે. યુપી પોલીસ અતીકને તેડવા માટે ટ્રાન્ફર વોરન્ટ લઈને પહોંચી છે.

સમાજવાદી પાર્ટીના પૂર્વ સાંસદ અને ધારાસભ્ય રહી ચુકેલા અતિક અહેમદ સામે જે ગુના નોંધાયા છે તેની તપાસ માટે ઉત્તરપ્રદેશની સ્પેશિયલ ટાસ્ક ફોર્સ ટીમ અમદાવાદ આવી પહોંચી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Ahmedabad news, Ahmedabad police, Gujarat police, Sabarmati Jail, Up police