અમિતાભ બચ્ચન: સારી ચાલી રહી છે સારવાર, હજુ 7 દિવસ હોસ્પિટલમાં રહેવું પડશે

એન્ટરટેઇન્મેન્ટ ડેસ્ક: અમિતાભ બચ્ચન અને અભિષેક બચ્ચન હાલમાં મુંબઇની નાણાવટી હોસ્પિટલમાં કોરોનાની સારવાર લઈ રહેલા છે. તો ઐશ્વર્યા રાય બચ્ચન અને આરાધ્યા બચ્ચન ઘરમાં જ કોરન્ટીન છે. તેમની હાલત હાલમાં સ્થિર છે અને દિનપ્રતિદિન સુધરી રહી છે.

તો બીજી તરફ અમિતાભ બચ્ચન અને અભિષેક બચ્ચનનું સ્વાસ્થ્ય પણ સારુ છે. હોસ્પિટલના એક સૂત્રે એવું જણાવ્યું કે બચ્ચન પરિવારને ભારે સારવારની જરૂર નથી કારણ કે તેમને કોરોનાનાં હળવા લક્ષણો હતાં. તેમની જે સારવાર ચાલુ હતી તેનાંથી તેમને ઘણો ફાયદો થયો છે. અમિતાભ અને અભિષેક બન્ને આઈસોલેશન વોર્ડમાં છે અને ક્લિનિકલી સ્ટેબલ છે. હાલમાં તેમને કોઈ સઘન સારવાર આપવાની જરૂર નથી.

T 3593 -
प्रार्थनाओं, सद भावनाओं की मूसलाधार बारिश ने
स्नेह रूपी बंधन का बांध तोड़ दिया है ;
बह गया, तर कर दिया मुझे इस अपार प्यार ने,
मेरे एकाकी पन के अंधेरे को जो तुमने,
प्रज्वलित कर दिया है
व्यक्तिगत आभार मैं व्यक्त न कर पाउँगा ,
बस शीश झुकाके नत मस्तक हूँ मैं 🙏

— Amitabh Bachchan (@SrBachchan) July 13, 2020

દવાઓના ડોઝ સાથે તેમની તબિયત સુધરી રહી છે. તેમને સર્પોટિવ થેરપી અપાઈ રહી છે. અભિષેક બચ્ચને ટ્વિટ કરીને એવું જણાવ્યું હતું કે જ્યાં સુધી ડોક્ટર બીજો નિર્ણય ન કરે ત્યાં સુધી મારા પિતા અને હું બન્ને હોસ્પિટલમાં છીએ. અહીં અમારે સાત દિવસો રોકાવું પડશે

My father and I remain in hospital till the doctors decide otherwise. Everyone please remain cautious and safe. Please follow all rules!

— Abhishek Bachchan (@juniorbachchan) July 12, 2020

અભિષેકે તેનાં ચાહકોને કોરોનાથી સુરક્ષિત અને સલામત રહેવાની પણ સલાહ આપી છે તેમજ સાથે કહ્યું છે કે, કૃપા કરીને નિયમોનું પાલન કરો. આ પહેલાંની એક પોસ્ટમાં અભિષેક બચ્ચને જણાવ્યું હતું કે, હું અને મારા પિતા કોરોના વાઇરસથી સંક્રમિત થયા છીએ. અમારા બંનેમાં કોરોનાનાં હળવાં લક્ષણ હોવાના કારણે હોસ્પિટલમાં દાખલ કરાયાં છે. બીએમસી અમારા સંપર્કમાં છે અને અમે તેમને સાથસહકાર આપી રહ્યાં છીએ. અમે તમામને ભયભીત ન થવા અને શાંતિ જાળવવા અપીલ કરીએ છીએ.

આ પણ વાંચો- સુશાંતનાં કૂકની ફરી 6 કલાક ચાલી પૂછપરછ, બહેનને પણ પૂછશે અંગત સવાલ

ઉલ્લેખનીય છે કે અમિતાભના બંગલે કામ કરનારા 26 જેટલા નોકર અને વર્કરનો ટેસ્ટ કરાયા હતા. આ તમામનાં કોરોના ટેસ્ટ નેગેટિવ આવ્યા હતા. સોમવારે સહાયક નગર આયુક્ત વિશ્વાસ મોટે (K વેસ્ટ વોર્ડ)નાં જણાવ્યાં અનુસાર, તમામ સ્ટાફનાં સભ્યોનો કોરોના રિપોર્ટ નેગેટિવ આવ્યો છે. મુંબઇ નગર પાલિકા (BMC)નાં જણાવ્યાં પ્રમાણે રવિવારે શહેરમાં 1174 કોરોનાનાં કેસ છે. સાથે જ મુંબઇમાં કોરોના વાયરસથી સંક્રમિત થનારાની સંખ્યા 93,894 થઇ ગઇ છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Corona Positive, Nanavati Hospital, અભિષેક બચ્ચન, અમિતાભ બચ્ચન, કોરોના વાયરસ