મહારાષ્ટ્ર હિંસાઃ અલ્પેશે કહ્યું- 'મુંબઈ જઈને પોલીસ પાસેથી માંગીશ જવાબ'

Vinod Zankhaliya | News18 Gujarati
Updated: January 4, 2018, 3:09 PM IST
મહારાષ્ટ્ર હિંસાઃ અલ્પેશે કહ્યું- 'મુંબઈ જઈને પોલીસ પાસેથી માંગીશ જવાબ'
ગુજરાતમાં પાટીદાર આંદોલન દરમિયાન થયેલી હિંસાને આતંકી કહેનારા આંધળા ભક્તો હવે મહારાષ્ટ્રમાં બીજેપી દ્વારા જે હિંસા કરવામાં આવી છે તેના વિશે શું કહેશે?: હાર્દિક પટેલ

ગુજરાતમાં પાટીદાર આંદોલન દરમિયાન થયેલી હિંસાને આતંકી કહેનારા આંધળા ભક્તો હવે મહારાષ્ટ્રમાં બીજેપી દ્વારા જે હિંસા કરવામાં આવી છે તેના વિશે શું કહેશે?: હાર્દિક પટેલ

  • Share this:
અમદાવાદઃ મહારાષ્ટ્રમાં થયેલી હિંસા બાબતે અલ્પેશ ઠાકોરે કહ્યું છે કે દલિતો ઉપર હુમલો કરનારાઓ સામે કાર્યવાહી કરવામાં આવી નથી. મહારાષ્ટ્રની હિંસા બાબતે પરિસ્થિતિનો તાગ મેળવવા માટે તે બે દિવસમાં મુંબઈ જશે.

રાધનપુરથી કોંગ્રેસના ધારાસભ્ય અલ્પેશે કહ્યું હતું કે, 'મહારાષ્ટ્રમાં જે લોકોએ દલિતો પર હુમલો કર્યો હતો તેની સામે કોઈ કાર્યવાહી કરવામાં આવી નથી. ઉલટાનું એક્શનનું રિએક્શન કરનારાઓ સામે કાર્યવાહી કરવામાં આવી છે. બનાવની માહિતી મેળવવા માટે હું બે દિવસમાં મુંબઈ જઈશ અને મહારાષ્ટ્ર પોલીસ પાસેથી આ અંગે જવાબ માંગીશ.'

નેતાઓ સંયમ રાખે

જિગ્નેશ મેવાણી સામે થયેલી ફરિયાદ અંગે અલ્પેશ ઠાકોરે કહ્યું હતું કે, 'મને તેના ભાષણ અંગે કંઈ ખબર નથી. હું તે અંગે માહિતી મેળવીશ. નેતાઓએ પોતાની ભાષા પર સંયમ રાખવો જોઈએ. હું હિંસા ભડકાવવા માટે ક્યાંય નથી જતો. ગુજરાતમાં કોઈ હિંસા ન ફેલાઈ તે માટે દરેક સમાજે જાગૃત રહેવું જોઈએ.'

હાર્દિક પટેલ


બીજેપીએ હત્યાકાંડ કર્યોઃ હાર્દિકમહારાષ્ટ્ર બંધ અને હિંસા બાબતે પાસના નેતા હાર્દિક પટેલે ટ્વિટ કર્યું છે કે, ગુજરાતમાં પાટીદાર આંદોલન દરમિયાન થયેલી હિંસાને આતંકી કહેનારા આંધળા ભક્તો હવે મહારાષ્ટ્રમાં બીજેપી દ્વારા જે હિંસા કરવામાં આવી છે તેના વિશે શું કહેશે? અન્ય એક ટ્વિટમાં હાર્દિકે લખ્યું છે કે, આરએસએસ અને બીજેપી દ્વારા હત્યાકાંડ કરવામાં આવ્યો છે. દેવેન્દ્ર ફડણવીસ ન્યાયાધીશ દ્વારા તપાસની માંગણી કરી રહ્યા છે. હકીકતમાં લોકોનો ગુસ્સો ઠંડો પાડવા માટે આ નાટક કરવામાં આવી રહ્યું છે. આઝાદીના આટલા વર્ષો બાદ પણ દલિતો સામે આવો અત્યાચાર એ ખરેખર શરમજનક વાત છે.
First published: January 4, 2018, 2:55 PM IST
વધુ વાંચો
अगली ख़बर

તાજેતરના સમાચાર

corona virus btn
corona virus btn
Loading