અમદાવાદ: ડિગ્રી એન્જિનિયરિંગમાં પ્રવેશ માટે પ્રથમ રાઉન્ડ પૂર્ણ, હજુ 29 હજારથી વધુ બેઠકો ખાલી

અમદાવાદ: ધોરણ 12 સાયન્સ પછી ડિગ્રી એન્જિનિયરિંગમાં પ્રવેશ માટેની સરકારની ઓનલાઇન સેન્ટ્રલાઈઝડ પ્રવેશ પ્રક્રિયા અંતર્ગત પ્રવેશ સમિતિ દ્વારા પ્રથમ રાઉન્ડનું સીટ એલોટમેન્ટ જાહેર કરવામાં આવ્યું છે. જેમાં પ્રવેશ ફાળવણીમાં હજુ 29 હજારથી વધુ જેટલી બેઠકો ખાલી રહી છે. જ્યારે 21962 વિધાર્થીઓને બેઠક પ્રવેશ ફાળવવામાં આવ્યો છે.

પ્રવેશ સમિતિ દ્વારા વિધાર્થીઓને પ્રવેશ માટે ડિગ્રી એન્જિનિયરિંગમાં સીટ એલોટમેન્ટ કરાયું છે. જે માટે 51381 સીટો પૈકી 21962 વિધાર્થીઓનું એલોટમેન્ટ કરવામાં આવ્યું છે.  જે અંતર્ગત 5 કોલેજોમાં પ્રવેશ માટે એકપણ વિધાર્થીઓએ રસ ન દાખવ્યો. જ્યારે 7 કોલેજોને 100% સીટો પર એલોટમેન્ટ કરવામાં આવ્યું છે. 77 કોલેજોમાં 50 ટકાથી ઓછું એલોટમેન્ટ થયું છે. તેવી જ રીતે સરકારી અને ગ્રાન્ટ ઈન કોલેજોમાં 11411 સીટો પૈકી 7214 સીટો ફાળવાઇ છે. જ્યારે સ્વ નિર્ભર કોલેજોની 38810 સીટો પૈકી 14748  સીટો ફાળવાઇ છે.

જોકે, પ્રવેશ સમિતિ દ્વારા જાહેર કરવામાં આવેલ યાદીમાં વિધાર્થીઓએ જે કોર્સમાં પોતાની પસંદગી કરી છે તેના નજર કરીએ તો હાલનો યુગ  ઇન્ફોર્મેશન ટેકનોલોજીનો છે. આગામી સમયમાં તેમાં કારકિર્દીની ઉજ્જવળ તકોને જોતા તમામ 339 બેઠકોની ફાળવણી કરાઈ છે. તેવી જ રીતે આર્ટિફિશિયલ ઓફ ઈન્ટેલિજન્સ એન્ડ મશીન લર્નિગની તમામ 170 બેઠકો ભરાઈ છે.

આ પણ વાંચો: છોટાઉદેપુર: ઓરસંગ નદીના પૂરમાં ફસાયો વ્યક્તિ

બાયોટેક્નોલોજીની પણ તમામ 251 બેઠકો ફળવાઈ છે. આર્ટિફિશિયલ ઈન્ટેલિજન્સ એન્ડ ડેટા સાયન્સ 331 બેઠકો 230 બેઠકો પર ફાળવણી થઈ છે. જોકે, બીજીતરફ કમ્પ્યુટર એન્જિનિયરિંગ, ઓટોમોબાઇલ એન્જિનિયરિંગ, કેમિકલ એન્જિનિયરિંગ, સિવિલ એન્જિનિયરિંગ, ઇલેક્ટ્રિકલ એન્જિનિયરિંગ તરફથી વિધાર્થીઓનો ઝુકાવ ઘટતો હોય તેવું જોવા મળ્યું છે. કમ્પ્યુટર એન્જિનિયરિંગમાં 8હજારથી 5 હજાર બેઠકો ફળવાઈ છે , ઓટોમોબાઇલ એન્જિનિયરિંગ1 હજારથી વધુ બેઠકો માંથી માંડ 149 બેઠક, કેમિકલ એન્જિનિયરિંગમાં 2હજારથી વધુ બેઠકોમાંથી 788 બેઠક, સિવિલ એન્જિનિયરિંગ 6હજારથી વધુ બેઠકોમાંથી માંડ 1100 બેઠક, ઇલેક્ટ્રિકલ એન્જિનિયરિંગની 4500 બેઠકોમાંથી માંડ 900 બેઠકો  પર પસંદગી ઉતારી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Ahmedabad news, Engineering and Technology, Gujarat News