આણંદમાં એક જ દિવસે લાંચ માંગતા બે મોટા અધિકારી ACBના સકંજામા, આવી રીતે ઝડપાયા

અમદાવાદ : Acb દ્વારા (ACB Trap)આણંદમાં (Anand)એક સાથે 2 અલગ-અલગ કેસો કરવામાં આવ્યા છે. જેમાં એક આરોપી નાયબ ઈજનેર તો બીજો આરોપી નાયબ મામલતદાર (Deputy Mamlatdar)છે. ફરિયાદી તારાપુર તાલુકાના વલ્લી ગામે જમીન ભાડે રાખી કમળની ખેતી કરતા હતા. જેથી ખેતી માટે વીજ કનેકશન મેળવવા માટે તારાપુર મધ્ય ગુજરાત વીજ કંપની લિમિટેડ ખાતે જરૂરી પુરાવા સાથે અરજી કરી હતી. જે અરજીની સાથે જરૂરી ફી ભરી હતી. જે અનુસંધાને આરોપી દિલીપકુમાર મગનભાઇ વસૈયા, નાયબ ઇજનેરે ( MGVCL)જમીનની સ્થળ મુલાકાત કરી હતી અને જમીનમાં કોઇ પણ પ્રકારનુ ખેતીકામ થતું નથી. તેમજ આ જમીનમાં કમળના ઉત્પાદન માટે તલાવડી બનાવવામાં આવેલ છે. જેથી ખેતી માટે વીજ જોડાણ (Electrical connection)ના મળી શકે તેવી નોટિસ આપી હતી.

વીજ કનેકશન જોઇતું હોય તો તમારે મારો વ્યવહાર કરવો પડશે

જેથી જે નોટિસ સંદર્ભે ફરીયાદીએ આરોપીને રૂબરૂ મળતાં જણાવેલ કે તમને વીજ કનેકશન મળવા પાત્ર નથી પરંતુ વીજ કનેકશન જોઇતું હોય તો તમારે મારો વ્યવહાર કરવો પડશે. તેમ જણાવી આ કામ પેટે આરોપીએ પ્રથમ બે લાખ રૂપિયાની લાંચની માંગણી કરી હતી. જેથી ફરિયાદીએ વિનંતી કરી કંઇક ઓછું કરવા જણાવતાં રકઝકના અંતે છેલ્લે 60,000 રૂપિયા આપવાના નક્કી થયા હતા. જોકે ફરિયાદી લાંચના પૈસા આપવા માંગતા ન હોવાથી એસીબીનો (Anti Corruption Bureau)સંપર્ક કર્યો હતો. ફરિયાદીની ફરિયાદ આધારે ગોઠવેલ લાંચના છટકામાં આરોપી રંગેહાથે ઝડપાઇ ગયો હતો.

આ પણ વાંચો - અમદાવાદ : સાસુની ફોન ન વાપરવાની આદત પુત્રવધુને ભારે પડી, શખ્સે હોટલમાં બોલાવી અને પછી...

નાયબ મામલતદાર  1500 ની લાંચ લેતા પકડાયા

ત્યારે અન્ય એક કેસની વાત કરીએ તો આરોપી નાયબ મામલતદાર દિગ્વિજયસિંહ બચુભા જાડેજા ( મામલતદાર કચેરી, આંકલાવ) 1500 ની લાંચ લેતા પકડાઈ ગયા છે. ઘટનાની વાત કરીએ તો આ કામના ફરીયાદીની વડીલોપાર્જિત જમીનમાં નામો કમી કરવા માટે આ કામના આરોપીએ ફરીયાદી પાસે 10,000 રૂપિયાની લાંચની માંગણી કરી હતી. જે પછી રકઝકના અંતે તેઓએ 4000 રૂપિયા વ્યવહાર પેટેના નક્કી કરેલા અને હાલ જેટલા હોય તેટલા આપી દેવા જણાવ્યું હતું. ફરિયાદીએ તે સમયે 2000 રૂપિયા આરોપીને આપ્યા હતા અને બાકીના 2000 રૂપિયા પછી આપી જવા કહ્યું હતું.

આ પણ વાંચો - આ ગુજરાતી પરિવારે છપાવી અનોખી કંકોત્રી, તમે પણ કરશો તેની પ્રશંસા

ફરિયાદી 2000ની લાંચની રકમ આરોપીને આપવા માંગતા ન હતો જેથી એસીબીનો સંપર્ક કરી ફરિયાદ કરી હતી. ફરિયાદીની ફરિયાદ આધારે લાંચના છટકાનું આયોજન કરતા આ કામના આરોપીએ ફરિયાદી પાસે 2000 રૂપિયાની લાંચ માંગી હતી. તે પૈકી 2500 રૂપિયા ફરિયાદીને પરત આપી 1500 રૂપિયાની લાંચ સ્વીકારતા પકડાઇ જતા કાયદેસર કાર્યવાહીની કરવામાં આવી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: એન્ટી કરપ્શન બ્યૂરો, એસીબી ટ્રેપ, ગુજરાત