કોરોના વાયરસનો હાહાકાર, એએમસી તંત્ર હરકતમાં, બેઠકનો ધમધમાટ શરૂ


Updated: January 27, 2020, 6:12 PM IST
કોરોના વાયરસનો હાહાકાર, એએમસી તંત્ર હરકતમાં, બેઠકનો ધમધમાટ શરૂ
કોરોના વાઇરસનો હાહાકાર, એએમસી તંત્ર હરકતમાં, બેઠકનો ધમધમાટ શરૂ

ચીનમાં હાહાકાર મચાવનાર કોરોના વાઇરસ શુ છે, કોરોના વાઇરસના લક્ષણો અને ગંભીરતા વિશે શું કહે છે ડોકટર જાણો

  • Share this:
અમદાવાદ/રાજકોટ : ચીન, જાપાન અને સાઉથ કોરિયામાં કોરોના વાઇરસના પગલે હાહાકાર મચી ગયો છે. લાખો લોકો કોરોના વાયરસના ઝપેટમાં આવી ગયા છે. ત્યારે અમદાવાદ મ્યુનિસિપલ કોર્પોરેશન પણ હરકતમાં આવ્યું છે. એએમસી દ્વારા ઉસ્માનપુર ખાતે આરોગ્ય અધિકારી અને પદાધિકારીઓની ઉપસ્થિતિમાં બેઠક યોજાઇ હતી.

રાજ્ય સરકાર દ્વારા કોરોના વાયરસના પગલે એક મહત્વની બેઠક બોલાવી તમામ મહાનગરપાલિકોને સજ્જ થવા સુચના અપાઇ હતી. જે અંતર્ગત એએમસી હેલ્થ વિભાગ અને પદાધિકીરીઓ એક બેઠક પશ્ચિમ ઝોન,ઉસ્માનપુરા ખાતે મળી હતી. અહીં કોરોના વાયરસના પગલે ડોક્ટર અને પદાધિકીરી ઓને વાયરસ અંગે સમજ અપાઇ હતી.

ન્યુઝ18 ગુજરાતી સાથે વાતચીત કરતા એએમસી હેલ્થ ઓફિસર ડો. ભાવિન સોલંકી કહ્યુ હતું કે એએમસી દ્વારા સરકારી અને ખાનગી હોસ્પિટલના ડોક્ટર સાથે બેઠક મળી હતી. સરકાર દ્વારા સુચના અપાઇ છે તેનું ફોલપ લેવામાં આવી રહ્યુ છે. એએમસી વિસ્તારમાં આવેલી ખાનગી અને સરકારી હોસ્પિટલના ડોક્ટર સાથે શનિવારના રોજ મુલાકત કરી કોરોના વાયરસ મુદ્દે ચર્ચા કરાઇ હતી. તેમજ સિવિલ હોસ્પિટલ અને અન્ય એએમસી સંચાલિત હોસ્પિટલમાં અલગથી આઇસોલ્શન વોર્ડ તૈયાર કરવા સુચના અપાઇ છે.

આ પણ વાંચો - વડોદરાની યુવતી ચીનના વુહાનમાં ફસાઈ, પરિવારે સરકાર પાસે માંગી મદદ

વધુમાં ડૉં સોલંકીએ જણાવ્યું હતું, કે કોરોના વાયરસ ચીનમાં ગંભીર બન્યો છે. જેના પગલે એરપોર્ટ પરથી આવતા લોકોની પણ તપાસ કરાશે. ખાસ કરીને જે ગુજરાતીઓ જાપાન, ચીન અને સાઉથ કોરિયાથી પરત આવી રહ્યા છે. તેમની ખાસ તપાસ કરાશે. જો કોઇ પણ શંકાસ્પદ કેસ ખાનગી કે સરકારી હોસ્પિટલમાં મળશે તો તેનું રીપોર્ટ એએમસી આરોગ્ય વિભાગને કરવાનો રહેશે. જોકે હાલ અમદાવાદમાં કોઈપણ શંકાસ્પદ કેસ નોંધાયો નથી.

રાજકોટના જાણીતા ENT સર્જન ડો. હિમાંશુ ઠક્કર દ્વારા કોરોના વાઇરસની વિસ્તૃત માહિતી આપવામાં આવી
રાજકોટના જાણીતા ENT સર્જન ડો. હિમાંશુ ઠક્કર દ્વારા કોરોના વાઇરસની વિસ્તૃત માહિતી આપવામાં આવી હતી.

શું છે કોરોના વાઇરસ : કોરોના વાયરસ એક કોમન વાયરસ છે જે નાક સાઇનસ અને ગળાને વધારે અસર કરે છે. કોરોના વાઇરસ સામાન્ય ફલૂ જેવો જ છે.

શું છે કોરોના વાઇરસના લક્ષણો : કોરોના વાઇરસ સામાન્ય જેવો હોવાથી તેના લક્ષણો પણ સામાન્ય જોવા મળે છે. સામાન્ય રીતે નાક માંથી પાણી પડવું, ગળામાં દુખવું, નાક બંધ થઇ જવું, તાવ આવવો, ઉધરસ થવી વગેરે તેના પ્રાથમિક લક્ષણો છે. આ ઉપરાંત વધારે ગંભીર સ્ટેજમાં શ્વાસ લેવામાં તકલીફ પડવી તથા ન્યુમોનિયા થવો તે પણ કોરોના વાઈરસના લક્ષણ બતાવે છે.

શું તકેદારી રાખવી - કોરોના વાઇરસની કોઈ વેક્સિન હજી સુધી શોધાઇ નથી. આ વાયરસ માં સામાન્ય જેવા ચિન્હો દેખાય છે જેથી તાત્કાલિક ડોક્ટરની સલાહ લેવી જોઇએ. આરામ કરવો જોઈએ, બહાર ન જવું જોઈએ, માસ્ક પહેરવું જોઈએ, હાથ મિલાવવાનું ટાળવું જોઈએ કેમ કે આ ચેપી વાયરસ છે. વારંવાર હાથ ધોવા, શરદી ખાંસી હોય તો માસ્ક પહેરવુ, કોઈપણ જાતની દવા પોતાની રીતે ન લેવી, નાક અને ગળા માંથી સ્વેબ લઈ વાયરલ કલચર તથા લેબોરેટરી તપાસ થી આ વાયરસ વિશે જાણી શકાય છે. સામાન્ય રીતે આ ચેપી વાયરસ હોવાથી નાના બાળકો, મોટી ઉંમરના લોકો, સગર્ભા મહિલાને સૌથી વધુ તકેદારી રાખવાની ડોક્ટર દ્વારા સલાહ આપવામાં આવે છે.

ચીનમાં હાહાકાર મચાવનાર કોરોના વાયરસ વિશે જાણવું ખૂબ જરૂરી બન્યું છે. ચીન બાદ આ વાઇરસ અન્ય દેશમાં ન પ્રવેશે તેની પૂરતી તકેદારી લોકો તેમજ સરકાર રાખી રહી છે. એક તરફ ભારત અને ચીનના વ્યવહારો વધુ છે જેને કારણે લોકોની અવર જવર પણ વધુ રહે છે. તેથી કોરોના વાઇરસની સૌથી વધુ ગંભીરતા ભારત દેશમાં જોવા મળી રહી છે. સૌપ્રથમ 1960માં આ કોમન કોરોના વાઇરસ શોધાયો હતો. જે બાદમાં જાન્યુઆરી 2020માં કોરોના વાઇરસ વધુ અપગ્રેડ થયો હતો. જેની પુષ્ટિ કરવામાં આવી છે. કોરોના ના અપગ્રેડ વાઈરસને 2019 નોવેલ કોરોના નામ આપવામાં આવ્યું છે.

મિડલ ઈસ્ટ રેસ્પીરેટરી સિન્ડ્રોમ MERSને લીધે 2012માં સાઉદી અરેબિયામાં આશરે 848 લોકો મૃત્યુ પામ્યા હતા. એપ્રિલ 2014માં પહેલો અમેરિકન દર્દી MERSને લીધે અમેરિકાના ઇન્ડિયાના નામના રાજ્ય માં દાખલ થયો હતો.
First published: January 27, 2020, 6:12 PM IST
વધુ વાંચો
अगली ख़बर

તાજેતરના સમાચાર

corona virus btn
corona virus btn
Loading