જાણો કોણ છે જાંબુરના હીરાબાઈ લોબી, જેમને મળવાનો છે પદ્મશ્રી પુરસ્કાર

ગીર સોમનાથ: પ્રજાસત્તાક પર્વની પૂર્વ સંધ્યાએ પદ્મ એવોર્ડ્સ જાહેર કરવામાં આવ્યા છે. જેમાં સિદ્દી આદિવાસી સમુદાયના ઉત્કર્ષ માટે નોંધપાત્ર ફાળો આપનાર ગીર સોમનાથના જાંબુરના વતની હિરાબાઇ લોબીને પદ્મ એવોર્ડનું સન્માન મળ્યુ છે. હીરાબાઈએ સીદી સમુદાયના ઉત્થાન અને વિકાસ માટે ભગીરથ કાર્ય કર્યું છે. જેથી તેમને સરકારે પદ્મશ્રીનું સન્માન આપ્યું છે.

સમાજસેવા સાથે સંકળાયેલા હીરાબાઈ નાનપણથી જ માતાપિતાની છત્રછાયા ગુમાવી ચૂક્યા હતાં. હીરાબાઈનો ઉછેર એમના દાદીમાએ કર્યો છે. હીરાબાઈ ઉદ્દાત ભાવનાથી અનેક બાલવાડી સ્થાપી સીદી સમુદાયના બાળકોને પાયાનું ભણતર પૂરું પાડ્યું છે. ઉપરાંત વર્ષ ૨૦૦૪માં મહિલા વિકાસ ફાઉન્ડેશન પ્રસ્થાપિત કરી અને સીદી મહિલાઓ આત્મનિર્ભર બને તે અંગે પણ ભગિરથ કાર્ય કર્યું છે. હીરાબાઈના આ ભગીરથ પ્રયત્નોથી જાંબુરની મહિલાઓ કરિયાણાની દુકાન, દરજીકામ વગેરે જેવા કામો કરી પરિવારને મદદરૂપ થઈ. વર્ષ ૨૦૦૬માં હીરાબાઈ જાનકીદેવી બજાજ પુરસ્કારથી પણ સન્માનિત થઈ ચૂક્યાં છે.

આ પણ વાંચો: ગુજરાતનાં આ આઠ મહાનુભાવો પદ્મશ્રી અને પદ્મ વિભૂષણથી થશે સન્માનિત

ગુજરાતના કયા લોકોને મળશે પદ્મ પુરસ્કાર?

પદ્મ વિભૂષણ

શ્રી બાલકૃષ્ણ દોશી- આર્કિટેક્ટ

પદ્મ શ્રી

શ્રી હેમંત ચૌહાણ- આર્ટ
શ્રી ભાનુભાઇ ચૈતારા- આર્ટ
શ્રી મહિપત કવિ- આર્ટ
શ્રી અરિઝ ખંભાતા- આર્ટ
શ્રી હીરાબાઈ લોબી- આર્ટ
ડો. મહેન્દ્ર પાલ- આર્ટ
શ્રી પરેશભાઈ રાઠવા- આર્ટ

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Republic Day 2023, ગીર સોમનાથ, ગુજરાત