Heeraben Modi Health Updates: હીરાબાની તબીયત સ્થિર, સારવાર ચાલુ, પીએમ મોદી એરપોર્ટ જવા રવાના

ગાંધીનગર: વડાપ્રધાન નરેન્દ્ર મોદીનાં માતા હીરાબાની તબિયત નાદુરસ્ત થતા તેમને યુ.એન. મહેતા હોસ્પિટલમાં સારવાર માટે દાખલ કર્યા છે. અમદાવાદનાં યુ.એન. મહેતા હોસ્પિટલ દ્વારા જણાવ્યાં પ્રમાણે, તેમની હાલત હાલ સુધારા પર છે. નોંધનીય છે કે, હીરાબાનો જન્મ 18 જૂન, 1923ના રોજ થયો હતો.

અમદાવાદનાં યુ.એન મહેતા હોસ્પિટલ દ્વારા અખબારી સંદેશ જાહેર કરતા જણાવ્યું છે કે, માનનીય વડાપ્રધાનનાં માતૃશ્રીને યુ.એન. મહેતા ઇન્સ્ટિટ્યૂટ ઓફ કાર્ડિયોલોજી એન્ડ રિસર્ચ સેન્ટર, અમદાવાદ હોસ્પિટલમાં દાખલ કરવામાં આવ્યાં છે અને તેમની તબિયત સુધારા પર છે.

નોંધનીય છે કે, વડાપ્રધાન નરેન્દ્ર મોદીના ભાઇ પ્રહલાદ મોદીની કારનો કર્ણાટકમાં અકસ્માત થયો હતો. મીડિયા રિપોર્ટ્સ પ્રમાણે પ્રહલાદ મોદી, પુત્ર, પુત્રવધુ અને પૌત્ર સાથે મર્સિડિઝ બેન્ઝ કારમાં બાંદીપુરા જઈ રહ્યા હતા. આ દરમિયાન ગાડી ડિવાઇડર સાથે ટકરાઇ હતી. આ અકસ્માત કર્ણાટકના મૈસુરથી 13 કિલોમીટર દૂર કડાકોલા પાસે થયો હતો. પ્રહલાદ મોદીના પૌત્રના પગમાં ફ્રેક્ચર થયું છે. તેના સિવાય બધા લોકોને નજીવી ઇજા પહોંચી છે. તેમને મૈસુરની ખાનગી હોસ્પિટલમાં દાખલ કરવામાં આવ્યા છે. કોઇની હાલત ગંભીર નથી.