ગુજરાત પોલીસ રાજ્યભરમાં લોન મેળામાં કરશે આયોજન, આટલા જ ડોક્યુમેન્ટની પડશે જરૂર

ગાંધીનગર: રાજ્ય સરકારે હાલમાં જ વ્યાજખોરોને પકડી-પકડી ને જેલમાં પૂરવા તેમજ તેમની સામે ગુનાઓ નોંધવાનું અભિયાન છેડ્યું છે. આજ અભિયાનની પૂર્તતા અન્વયે હવે સામાન્ય લોકોને સરકારી યોજનાઓનો પરિચય કરાવીને તેના થકી લોન પૂરી પાડવા માટે પણ રાજ્યનો ગૃહ વિભાગ અભિયાન છેડશે. કેન્દ્ર અને રાજ્યની કેટલીયે સહાય લોન યોજનાઓ છે જેની માહિતી જ સામાન્ય જનતા પાસે નથી. એટલે જ ગુજરાત પોલીસ દ્વારા વિવિધ જિલ્લામાં સ્થાનિક પોલીસની અધ્યક્ષતામાં લોન મેળાનું આયોજન થશે. લોન મેળા થકી લોકોને માહિતી અને લોન બેય અપાશે.

ગાંધીનગરમાં પણ આ પ્રકારના લોનમેળાનું આયોજન કરાયું છે. ગાંધીનગર રેન્જ આઈજીપી અભય ચુડાસમાના માર્ગદર્શન હેઠળ જિલ્લા પોલીસવડા વડા તરૂણ દુગ્ગલની જિલ્લા પોલીસ દ્વારા આગામી તા.૧૪ મી ફ્રેબુઆરીના રોજ સવારે ૯થી ૫ કલાક સુધી લોન મેળાનું આયોજન સેકટર- ૨૭ ડીએસપી કચેરી ખાતે કરવામાં આવ્યું છે.

પોલીસ તંત્ર દ્વારા તમામ સહકારી અને ખાનગી બેંકો સાથે મળી લોનમેળાનું આયોજન કરાયું છે. જે નાગરીકને લોનની જરુરિયાત હશે તેને પ્રધાનમંત્રી સ્વનિધી યોજના, બાજપાઈ બેંક યોજના, વડાપ્રધાન રોજગાર નિર્માણ, પર્સનલ લોન યોજના, માનવ કલ્યાણ યોજના, ઔધોગીક સહકારી મંડળી જયોતિગ્રામોધોગ વિકાસ યોજના જેવી અલગ - અલગ યોજનાઓ હેઠળ લોન આપવામાં આવશે.

આ પણ વાંચો: લીંબડી-રાજકોટ હાઇવે પર ગોઝારો અકસ્માત

નાગરીકોએ લોન માટે જરુરી આધારકાર્ડ, ગેસ બિલ, લાઈટ બિલ, બેંક ડીટેઈલ, સહિતના કાગળો સાથે લાવવાના રહેશે. ગરેકાયદેસર વ્યાજે પૈસા આપતા વ્યકિતઓથી દુર રહીને વ્યાજખોરીના ખપ્પરમાં નાગરિકોને હોમાતા બચાવવા આ આયોજન કરાયુ છે.



નાની રકમની લોન મેળવવા ઈચ્છુક નાગરીકોએ ઓછામાં ઓછા જરુરી કાગળો સાથે લોન મેળામાં આવવા પોલીસ તંત્ર દ્વારા અપીલ કરાઈ છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: ગાંધીનગર, ગુજરાત, લોન