Gujarat Board Exam: 14 માર્ચથી ધો.10 અને 12ની ગુજરાત બોર્ડની પરીક્ષાનો થશે પ્રારંભ

ગાંધીનગર: આગામી ૧૪ માર્ચથી ધોરણ ૧૦ અને ધોરણ ૧૨ બોર્ડની પરીક્ષાનો પ્રારંભ થશે. તો બીજી તરફ ગુજરાત શૈક્ષણિક સંશોધન અને તાલીમ પરિષદ (જીસીઈઆરટી) મુજબ આગામી ૩ થી ૨૧મી એપ્રિલ દરમિયાન ધોરણ ૩ થી ૮ના વિદ્યાર્થીઓની વાર્ષિક પરીક્ષાનું આયોજન કરવામાં આવ્યું છે.

ધોરણ ૩થી ૮ના વિદ્યાર્થીઓની આ પરીક્ષાનો કાર્યક્રમ સરકારી, ગ્રાન્ટેડ અને ખાનગી સ્કૂલોમાં સમાન રહેશે. આ સાથે તમામ સ્કૂલોનું ટાઈમટેબલ પણ એક સમાન રહેશે. તમામ શાળામાં એક સાથે પરીક્ષા લેવાનું આયોજન હોવાથી તંત્ર કવાયતમાં લાગ્યું છે. ધોરણ ૫ અને ૮ સિવાયના વિધાર્થીઓને નપાસ નહીં કરાય. ધોરણ ૩થી ૪ના વિદ્યાર્થીઓને પ્રશ્ન પત્રમાં જ જવાબો લખવાના રહેશે. જ્યારે ધોરણ ૫થી ૮ના વિદ્યાર્થીઓને અલગ ઉત્તરવહીમાં જવાબો લખવાના રહેશે.

આ પણ વાંચો: નવસારી: પતિના અન્ય સ્ત્રી સાથેના સંબંધોએ આખેઆખા પરિવારનો લીધો જીવ

રાજ્યની પ્રાથમિક સ્કૂલોમાં ધોરણ ૩થી ૮ની પરીક્ષામાં ધોરણ ૫ અને ૮માં ઈ ગ્રેડ મેળવનારા વિદ્યાર્થીઓને બે માસના સમયગાળામાં ઉપચારાત્મક શિક્ષણ કર્યા બાદ શાળા કક્ષાએ પુનઃકસોટી યોજવાની રહેશે. વિદ્યાર્થીઓ આ કસોટીમાં ગ્રેડમાં વધારો કરી આગલા ધોરણમાં જઈ શકશે. જ્યારે આ ધો.૫ અને ૮ સિવાયના કોઈ પણ વિદ્યાર્થીને આગલા ધોરણમાં જતા રોકી શકાશે નહીં. આમ ધોરણ ૫ અને ૮માં નાપાસ વિદ્યાર્થીઓએ ફરી એ જ ધોરણમાં અભ્યાસ કરવો પડશે.



નોંધનીય છે કે, બીજી તરફ રાજ્યભરમાં આગામી ૧૪મી માર્ચથી ધોરણ ૧૦ અને ધોરણ ૧૨ની બોર્ડની પરીક્ષા શરૂ થઈ રહી છે. ખાસ વાત એ રહેશે કે, ધોરણ ૩થી ૮ના વિદ્યાર્થીઓની આ વાર્ષિક પરીક્ષામાં જિલ્લા કક્ષાએ પ્રશ્ન પત્ર તૈયાર કરવામાં આવશે. ગુજરાતી, ગણિત, વિજ્ઞાન, સામાજિક વિજ્ઞાન અને પર્યાવરણ વિષયની સમાન સમયપત્રકના આધારે નિયમ  મુજબ પેપર તૈયાર કરાશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Gandhinagar News, Gujarat Education, Gujarat News