‘ભાજપ તારો એવો ખેલ, સસ્તો દારૂને મોંઘુ તેલ’ના સૂત્રોચ્ચાર સાથે કોંગ્રેસનું વિરોધ પ્રદર્શન

Home /News /gandhinagar /‘ભાજપ તારો એવો ખેલ, સસ્તો દારૂને મોંઘુ તેલ’ના સૂત્રોચ્ચાર સાથે કોંગ્રેસનું વિરોધ પ્રદર્શન

કોંગ્રેસનું વિરોધ પ્રદર્શન

Congress Protest In Assembly: પહેલા નકલી પીએસઆઇ અને બટાકા ડુંગળીના ભાવ મુદ્દે તેઓએ વિરોધ પ્રગટકર્યો હતો. જ્યારે આજે ગુજરાત વિધાનસભાની આજની કામગીરીના પ્રારંભ પુર્વે કોંગ્રેસના ધારાસભ્યોએ મોઘવારી, ગેસના ,તેલના વધતા જતા ભાવોને લઈને દેખાવો કર્યો હતો.

News18 Gujarati
Last Updated : March 03, 2023, 17:31 IST
Gandhinagar, India

ગીતા મહેતા

ગાંધીનગર: નવી ભૂપેન્દ્ર સરકારમાં વિપક્ષનું સંખ્યાબળ નહીવત છે. પરંતુ 17માં સમેટાઇ ગયેલું - કોગ્રેસના નેતાઓનું જોર હાલ ચાલી રહેલા બજેટ સેશનના ભાજપના ધારાસભ્યો સામે વધી ગયેલું જણાય છે. કારણકે 156 સામે 17ની નોંધ લેવડાવ્યા વગર હવે એમને છૂટકો પણ નથી.રોજ કાઈકને કોઈક મુદ્દે વિપક્ષ સત્તા પક્ષને ઘેરવાની રણનીતિ સાથે વિધાનસભામાં એડવાન્સ પ્રીપેર થઇને આવે છે. અગાઉ નકલી પીએસઆઇ અને બટાકા ડુંગળીના ભાવ મુદ્દે તેઓએ વિરોધ પ્રગટકર્યો હતો. જ્યારે આજે ગુજરાત વિધાનસભાની આજની કામગીરીના પ્રારંભ પુર્વે કોંગ્રેસના ધારાસભ્યોએ મોઘવારી, ગેસના ,તેલના વધતા જતા ભાવોને લઈને દેખાવો કર્યો હતો.

કોંગ્રેસના ધારાસભ્યો અને આગેવાનો દ્વારા વિરોધ પ્રદર્શન

કોંગ્રેસના અમિત ચાવડાએ ગેસનો સિલિન્ડરને ખભે લઈને સંકુલ બહાર ફર્યા હતા. ધારાસભ્યોએ બેનરો દેખાડીને સુત્રોચ્ચાર કરવામા આવ્યો હતો. દરમિયાન વિધાનસભા સંકુલની બહાર ઊભેલી પોલીસે તમામ કોંગ્રેસના આગેવાનોને ઘેરી લીધા હતા. એટલે કાર્ડ સાથે અને સિલિન્ડર સાથે પ્રવેશ આપ્યો ન હતો. ‘ભાજપ તારો કે એવો ખેલ, સસ્તો દારૂને મોંઘુ તેલ’ આ સૂત્રોચાર સાથે કોંગ્રેસના ધારાસભ્યો અને આગેવાનો દ્વારા વિધાનસભા પરિસરમાં વિરોધ કરવામાં આવ્યો હતો.

આ પણ વાંચો: પરિણીતા સાથે પતિએ કરી હેવાનિયત, ગર્ભવતી હોવા છતા શારીરિક સંબંધ માટે ક્યું હતું દબાણ

મોઘવારી મુદ્દે કોંગ્રેસનો સરકાર પર આક્ષેપ

વધતી જતી મોંઘવારી અને ખાસ તાજેતરમાં વધેલા ગેસ સિલિન્ડરના ભાવને લઈ અને વિધાનસભા પરિસરમાં કોંગ્રેસે વિરોધ પ્રદર્શન કર્યું હતું. અમિત ચાવડા કે જે વિધાનસભામાં કોંગ્રેસ પક્ષના નેતા છે. તેમણે કે સિલિન્ડર ખભા ઉપર રાખી અને વિરોધ પ્રદર્શન કર્યું હતું. યુપીએની સરકારમાં ગેસ સિલિન્ડરના ભાવ ઓછા હતા જ્યારે અત્યારે ઇન્ટરનેશનલ માર્કેટમાં ક્રૂડના ભાવ ઓછા હોવા છતાં ભારતીય જનતા પાર્ટી મોંઘવારીનો માર લોકો ઉપર નાખી રહી છે અને માત્ર ગેસ સિલિન્ડર પરંતુ તેલ શિક્ષણ સહિત મોંઘવારી વધી રહી છે.

કોંગ્રેસે કર્યા સત્તા પક્ષ પર આકરા પ્રહાર

લોકસભાની ચૂંટણી વખતે 100 દિવસમાં મોંઘવારી નાખવાની વચન આપવામા આવેલુ પણ તે ભૂલી ગયા છે. તેવો આક્ષેપ અમિત ચાવડાએ કર્યો હતો. કોંગ્રેસ દ્વારા સત્તા પક્ષ પર આકરા પ્રહારો કરવામાં આવ્યા હતા. પહેલા પેપરકાંડ પછી પીએસઆઈ કૌભાંડ અને હવે મોઘવારીને લઈને કોંગ્રેસે સરકાર પર આકરા પ્રહાર કરી આક્ષેપો કર્યા હતા.