Bharat Bandhની ગુજરાત પર અસર : ધાનાણી-પોલીસની પકડમપટ્ટી છવાઈ, બંધને મિક્ષ પ્રતિસાદ મળ્યો

કૃષિ કાયદો રદ કરવાની માંગ સાથે પંજાબ-હરિયાણાના ખેડૂતોએ શરૂ કરેલાં આંદોલનનો આજે 13મો દિવસ છે. ખેડૂતોએ 8મી ડિસેમ્બરે, એટલે આજે ભારત બંધ રાખવાનું એલાન કર્યું છે. જેને ગુજરાતમાં પણ કંઇક અંશે સમર્થન મળ્યું છે. જેમા ખેડૂત સંગઠનોએ પણ ટેકો આપ્યો છે. બંધના પગલે રાજ્યમાં કોઈ અનિચ્છનીય બનાવ ન બને તે માટે ચુસ્ત પોલીસ બંદોબસ્ત ગોઠવવામાં આવ્યો હતો. દિવસ દરમિયાન કોૃંગ્રેસના નેતાઓની અટકાયતોનો દોર ચાલતો રહ્યો હતો. અમરેલીમાં વિરોધપક્ષના નેતા પરેશ ધાનાણીએ પોલીસને એક કલાક ગામ આખામાં દોડાવી એ દૃશ્યો સમગ્ર દિવસ દરમિયાન છવાયેલા રહ્યા હતા.