રાજ્યના ઇન્ચાર્જ DGP તરીકે વિકાસ સહાયની નિમણૂક, 10 દિવસ બાદ DGPની જાહેરાત થશે

Home /News /gandhinagar /રાજ્યના ઇન્ચાર્જ DGP તરીકે વિકાસ સહાયની નિમણૂક, 10 દિવસ બાદ DGPની જાહેરાત થશે

વિકાસ સહાય - ફાઇલ તસવીર

રાજ્યના ડીજીપી આશિષ ભાટિયાનો આજે 31મી જાન્યુઆરીએ કાર્યકાળ પૂરો થવા જઇ રહ્યો છે. ત્યારે વિકાસ સહાયને ઇન્ચાર્જ ડીજીપી બનાવવામાં આવ્યાં છે. જ્યારે નવા ડીજીપીની જાહેરાત આગામી દસ દિવસમાં કરવામાં આવશે.

News18 Gujarati
Last Updated : January 31, 2023, 17:56 IST
Gandhinagar, India

મયુર માકડિયા

ગાંધીનગરઃ રાજ્યના ડીજીપી આશિષ ભાટિયાનો આજે 31મી જાન્યુઆરીએ કાર્યકાળ પૂરો થવા જઇ રહ્યો છે. ત્યારે નવા ડીજીપીને લઈ અનેક અટકળો ચાલી રહી છે. જો કે, ફાઇનલી ગુજરાતને આજે નવા ડીજીપી મળશે નહીં. કેમ કે, દિલ્હીમાં મળનારી યુપીએસસી બેઠક મળી નથી. ઇન્ચાર્જ ડીજીપી તરીકે વિકાસ સહાયનું નામ ફાઇનલ થઈ ચૂક્યું છે અને તેઓએ આજે મુખ્યમંત્રી ભૂપેન્દ્ર પટેલ સાથે શુભેચ્છા મુલાકાત કરી હતી. અગાઉ રાજ્ય સરકાર દ્વારા નવા ડીજીપી માટે 6 આઈપીએસની પેનલ યુપીએસસીને મોકલવામાં આવી હતી.

1. અતુલ કરવાલઃ ગુજરાત કેડરના 1988 બેચના IPS અને હાલમાં કેન્દ્રીય પ્રતિનિયુક્તિ પર NDRFના DG

આ પણ વાંચોઃ મોરબી પુલ દુર્ઘટનાના મુખ્ય આરોપી જયસુખ પટેલની ધરપકડ

અન્ય નામો છેઃ 1989 બેચના ચાર અધિકારીઓ

2. વિવેક શ્રીવાસ્તવ - સેન્ટ્રલ ઇન્ટેલિજન્સ બ્યુરોના (IB) વિશેષ નિર્દેશક

3. વિકાસ સહાય - ADGP

4. અનિલ પ્રથમ - એડીજીપી

5. અજય તોમર - પોલીસ કમિશનર, સુરત

6. શમશેર સિંઘ - 1991 બેચના IPS અને હાલમાં વડોદરાના પોલીસ કમિશનર તરીકે સેવા આપી રહ્યા છે

10 દિવસમાં નવા ડીજીપીની જાહેરાત થશે

ઇન્ચાર્જ ડીજીપીની જાહેરાત થયા બાદ આવનારા 10 દિવસમાં જ્યારે યુપીએસસીની બેઠક મળશે તેમાં નવા ડીજીપીની જાહેરાત કરવામાં આવશે. ત્યારે ગુજરાતને સત્તાવાર નવા કાયમી ડીજીપી મળશે. આ સાથે જ રાજ્યમાં અમદાવાદ શહેર પોલીસ કમિશનર સુરત શહેર પોલીસ કમિશનર અને વડોદરા શહેર પોલીસ કમિશનરની પણ બદલી થાય તેવી શક્યતાઓ લાગી રહી છે.