હૃદય ધબકારા ચૂકી જાય તેવો વીડિયો: છ હજાર ફૂટની ઊંચાઈ પર ઝૂલાનો આનંદ માણી રહી હતી મહિલાઓ, સાંકળ તૂટી અને...

મૉસ્કો: ડર અને સુરક્ષાને દાવ પર લગાવીને એડવેન્ટર (Adventure) કરનારા લોકો માટે આ સમાચાર કામના છે. રશિયામાં એક ઊંચા પહાડ (Russia High Cliff)ની ધાર પર લાગેલા ઝૂલાની ચેન તૂટી જતાં બે મહિલા હજારો ફૂટ ઊંડી ખીણમાં પડી ગઈ હતી. જોકે, રાહતના સમાચાર એ છે કે આ દુર્ઘટના બાદ બંને સુરક્ષિત છે. બંનેને થોડી ઈજા પહોંચી છે. હૃદય ધબકારા ચૂકી જાય તેવો આ વીડિયો સોશિયલ મીડિયામાં ખૂબ વાયરલ (Viral video) થઈ રહ્યો છે.

મીડિયા રિપોર્ટ્સ પ્રમાણે આ બનાવ રશિયાના દગિસ્તાન સ્થિત સુલાક કેન્યનનો છે. વાયરલ થઈ રહેલા વીડિયોમાં જોઈ શકાય છે કે આ બંને મહિલાઓ આશરે છ હજાર ફૂટની ઊંચાઈ પર એક ઝૂલાનો આનંદ માણી રહેલી છે. આ દરમિયાન આસપાસ અનેક લોકો પણ ઊભા છે. જ્યારે એક વ્યક્તિ બંને મહિલાઓને ઝૂલા પર બેસવામાં મદદ કરી રહ્યો છે. જે બાદમાં આ વ્યક્તિ ઝૂલાને ધક્કો મારતો નજરે પડે છે. ઝૂલો શરૂ થયાના થોડા સમયમાં એક બાજુની સાંકળ તૂટી જાય છે. જે બાદમાં બંને મહિલાઓ સીધી નીચે પડે છે.

આ પણ વાંચો: 53,000ની સપાટીએ Sensex: ઇક્વિટી ફંડના રોકાણકારોએ શું કરવું? નવું રોકાણ બંધ કરી દેવું કે ચાલુ રાખવું?- જાણો નિષ્ણાતોની સલાહ

કહેવામાં આવી રહ્યું છે કે પહાડના કિનારા પર લાકડાની એક પેનલ બનાવવામાં આવી હતી. જેના પગલે બંનેનો જીવ બચી ગયો હતો. ઝૂલાની બાજુમાં ઊભેલા લોકોએ બંને મહિલાઓને સુરક્ષિત બહાર કાઢી હતી. રિપોર્ટ્સ અનુસાર સ્થાનિક પોલીસે આ ઘટનાની તપાસ શરૂ કરી છે. આ ઉપરાંત સ્થાનિક અધિકારીઓએ પણ સુરક્ષા વગર લાગેલા આ ઝૂલાને હટાવવાની તૈયારી શરૂ કરી છે. સોશિયલ મીડિયા પર પણ લોકો આ ઘટના અંગે જોરદાર પ્રતિક્રિયા આપી રહ્યા છે.

આ પણ વાંચો: અજીબ કિસ્સો: અરવલ્લીમાં એસટી બસનો ડ્રાઇવર કુદરતી હાજતો ગયો અને અસ્થિર મગજનો યુવક બસ લઈને ભાગી ગયો! 

Moment two women fell off a 6000-Ft cliff swing over the Sulak Canyon in Dagestan, Russia.
Both women landed on a narrow decking platform under the edge of the cliff & miraculously survived with minor scratches.
Police have launched an investigation. pic.twitter.com/oIO9Cfk0Bx

— UncleRandom (@Random_Uncle_UK) July 14, 2021

ગત જાન્યુઆરીમાં ઑસ્ટ્રિયામાં પણ આ જ પ્રકારની ઘટના બની હતી. જ્યારે એક મહિલા 650 ફૂટની પહાડી પરથી નીચે પડી ગઈ હતી. જોકે, બરફને પગલે મહિલાને ફક્ત સામાન્ય ઈજા પહોંચી હતી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Adventure, Russia, મહિલા, વાયરલ વીડિયો