કડકડતી ઠંડીમાં પણ હાફ ટી-શર્ટ પહેરીને કેવી રીતે ફરે છે લોકો, તેમને કેમ નથી લાગતી ઠંડી?

Why Some People Don't Feel Cold: ભારતમાં આ સમયે ઠંડીએ હાહાકાર મચાવી દીધો છે. લોકો જેકેટ અને જાડા સ્વેટર વગર ઘરની બહાર નીકળવાની હિંમત કરી શકતા નથી. જો કે, આ ઠંડીમાં પણ તમે કેટલાક લોકો જોશો કે જેઓ ઓછા કપડામાં ફરતા હોય છે. ઉદાહરણ તરીકે, આજકાલ કૉંગ્રેસના નેતા રાહુલ ગાંધીની દિલ્હીમાં ડિસેમ્બરની ઠંડીમાં માત્ર હાફ ટી-શર્ટમાં ખુલ્લા પગે ફરતા હોવાની તસવીરો વાયરલ થઈ છે. આવી સ્થિતિમાં સવાલ એ ઊભો થાય છે કે શું તેમને ઠંડી બિલકુલ નથી લાગતી કે પછી તેઓ સહન કરવાની ક્ષમતા ધરાવે છે.

તમે કેટલાક લોકોને જોયા જ હશે, જે કડકડતી ઠંડીમાં પણ ઉનાળાના કપડાં પહેરીને ફરતા હોય છે. આવી સ્થિતિમાં તમારા મનમાં પણ આ પ્રશ્ન આવ્યો જ હશે કે તેમને ઠંડી કેમ નથી લાગતી? આજે અમે તમારા આ પ્રશ્નનો જવાબ આપીશું. વૈજ્ઞાનિકોએ આ વિચિત્ર પ્રશ્ન પર લાંબા સમય સુધી સંશોધન કર્યું, ત્યારે જ ખબર પડી કે આપણી વચ્ચે કેટલાક લોકો એવા પણ છે જેમને શિયાળાની ઋતુમાં પણ ઠંડી કેમ નથી લાગતી.

સુપરપાવર નહિ વિજ્ઞાન છે

જો કે આપણા શરીરની નર્વસ સિસ્ટમમાં ચેતા કોષ રીસેપ્ટર્સનો એક વિશિષ્ટ સમૂહ છે, જે તેના શરીરને માત્ર પર્યાવરણમાં થતા ફેરફારોના આધારે જ કામ કરવાની સૂચના આપે છે, પરંતુ કેટલાક આનુવંશિક પરિવર્તન આ રીસેપ્ટર્સના કાર્યને અસર કરી શકે છે.

આ પણ વાંચો: સૌથી જૂનાથી લઈને સૌથી ઝેરી વૃક્ષો સુઘી, આ છે દુનિયાના સૌથી વિચિત્ર વૃક્ષો!

વર્ષ 2021 માં, એક સંશોધનમાં જાણવા મળ્યું હતું કે રીસેપ્ટર્સને અસર કરતા આનુવંશિક પરિવર્તનો ગરમ અને ઠંડા માટે સહનશીલતાની ડિગ્રી પેદા કરી શકે છે. અમેરિકન જર્નલ ઑફ હ્યુમન જિનેટિક્સમાં પ્રકાશિત થયેલ સંશોધન સૂચવે છે કે આ માનવ ફાસ્ટ-ટ્વીચ હાડપિંજરના સ્નાયુ તંતુઓમાં A-actinin-3 નામના પ્રોટીનની ગેરહાજરીને કારણે છે.

આ પણ વાંચો: આ છે 'મગજ ખાનારુ' જીવ, માત્ર 10 જ દિવસમાં એક વ્યક્તિનો લીઘો જીવ!

બહુ ઓછા લોકોમાં આવી ગુણવત્તા હોય છે

ACTN-3 પ્રોટીનને સ્પીડ જીન તરીકે પણ ઓળખવામાં આવે છે. તે પ્રોટીન આલ્ફા-એક્ટિનિન-3ને એન્કોડ કરે છે, જે શક્તિશાળી સ્નાયુ સંકોચનને પ્રોત્સાહન આપવામાં મુખ્ય ભૂમિકા ભજવે છે. તે માત્ર ઝડપી ટ્વિચ સ્નાયુ તંતુઓમાં જોવા મળે છે. આ પ્રોટીનની ઉણપથી સ્નાયુઓની બીમારી થતી નથી. કેરોલિન્સ્કા ઇન્સ્ટિટ્યૂટના ફિઝિયોલોજી અને ફાર્માકોલોજી વિભાગના સંશોધકો માને છે કે કેટલાક લોકોમાં ACTN-3 ની ઉણપ તેમના હાડપિંજરના સ્નાયુ થર્મોજેનેસિસમાં ફેરફાર કરે છે અને આ લોકો ઠંડી દરમિયાન તેમના શરીરનું તાપમાન જાળવી રાખે છે. જો કે વિશ્વની 800 કરોડની વસ્તીમાંથી 150 કરોડ લોકોમાં જ આવું થાય છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: COLD, Know about, Viral news