Viral Video: કૂતરાને બાઇક પાછળ બાંધી કલાકો સુધી ઘસડતો રહ્યો ક્રૂર શખ્સ

બીજિંગઃ કૂતરાનું માંસ ખાવા માટે જાણીતા ચીન (China)માં પશુઓ પ્રત્યે હિંસાના પણ મામલા સતત સામે આવી રહ્યા છે. આવો જ એક મામલો ચીનના સાઉથ-ઇસ્ટ પ્રોવિન્સ ફુજિયાનના શિશી શહેરમાં સામે આવ્યો છે. અહીં એક શખ્સ (Chinese motorcyclist) કૂતરાના એક નાના બચ્ચાને દોરડાથી બાઇક પાછળ બાંધીને કલાકો સુધી રસ્તા પર ઘસડતો રહ્યો અને લોકો આ સમગ્ર ઘટનાને વીડિયો (Viral Video) ઉતારવામાં જ લાગ્યા રહ્યા.

ડેઇલી મેઇલમાં પ્રકાશિત રિપોર્ટ મુજબ, આ બાઇકસવાર કૂતરાને પાળવા માટે ઘરે લઈ જવા માંગતો હતો પરંતુ જ્યારે તેણે કૂતરાને પકડવાનો પ્રયાસ કર્યો તો તે ભાગવા લાગ્યો. ત્યારબાદ આ શખ્સને ગુસ્સો આવી ગયો અને તેણે આ નાના કૂતરાના બચ્ચાને દોરડાના સહારે બાઇકથી બાંધી દીધું અને રસ્તા પર ઘસડીને લઈ જવા લાગ્યો. વીડિયોમાં સ્પષ્ટ જોવા મળી રહ્યું છે કે આ શખ્સની ક્રૂર હરકતને રોકવાને બદલે લોકો મોબાઇલ ફોનથી ઘટનાનો વીડિયો ઉતરવામાં મગ્ન રહ્યા. આ દરમિયાન આ બાઇકસવારે કલાકો સુધી કૂતરાના બચ્ચાને શહેરના રસ્તાઓ પર ઘસેડ્યું.

Shocking moment Chinese man drags a stray dog by its neck with a rope while riding on a motorbike https://t.co/7SmmIs9CCK

— Daily Mail Online (@MailOnline) August 26, 2020

આ પણ વાંચો, દીકરાએ માંગી Cycle, તો પિતાએ જુગાડથી ઘરે બેઠા બનાવી દીધી Scooter જેવી દેખાતી સાઇકલ

પોલીસે બાઇકસવારની કરી ધરપકડ

જોકે, બાદમાં એક પોલીસકર્મીની નજર આ શખ્સ પર પડી અને તેને પહેલા તો કૂતરાના બચ્ચાને આ ક્રૂરતાથી મુક્ત કરાવ્યું અને બાદમાં આ શખ્સની ધરપકડ કરી લીધી. પોલીસકર્મી કૂતરાને ડૉક્ટર પાસે લઈ ગયો જ્યાં હાલ તેની હાલત ઠીક હોવાનું કહેવાય છે.

આ પણ વાંચો, આ ટ્રેનની ટિકિટ છે 18 લાખ રૂપિયા, લોકોને મળે છે શાહી ઠાઠ

બાઇકસવારની ઓળખ 48 વર્ષીય વૂ કે રૂપે થઈ છે. આ વીડિયો સોશિયલ મીડિયા ઉપર પણ ઘણો વાયરલ થઈ રહ્યો છે જ્યાં લોકો આ શખ્સની ઘણી ટીકા કરી રહ્યા છે. વૂની ધરપકડ કરી લેવામાં આવી છે અને ચીનના કાયદા મુજબ તેને 3 વર્ષ જેલની સજા થઈ શકે છે.