Viral Video: નશામાં ધૂત બે મિત્રો ધડાકા સાથે લિફ્ટની નીચે પડ્યા, વીડિયો જોઈને ચોંકી ઉઠશો

Lift Accident Video: નશામાં ઘણી વખત વ્યક્તિને ભાન રહેતું નથી અને ન કરવા જેવું કરી બેસે છે અવે પસ્તાવવાનો વારો આવે છે. પોતે તો નશામાં ધૂત હેરાનગતિનો સામનો કરવો પડે છે સાથે સાથે જ આજુબાજુના લોકોને પણ હેરાન થવું પડે છે. દારૂ, તમાકુ, સિગારેટ વગેરે જેવા નશાનું સેવન સ્વાસ્થ્ય માટે હાનિકારક છે એ તો બધા જાણે છે, છતાં લોકો માનતા નથી અને નશો કરે છે.

આલ્કોહોલનું વધુ પડતું સેવન માત્ર શરીરને જ નુકસાન પહોંચાડતું નથી, પરંતુ અકસ્માતનો શિકાર બનવાની શક્યતાઓ પણ વધી જાય છે. તમે ઘણા દારૂડિયાઓને દારૂ પીધા પછી અહીં-તહીં લથડિયા જોયા હશે, જેઓ બેકાબૂ થઈ જાય છે અને વાહનો સાથે અથડાય છે અને ક્યારેક ગટરમાં પણ પડી જાય છે.

સમગ્ર ઘટના સીસીટીવી કેમેરામાં કેદ થઈ

સોશિયલ મીડિયા પર બે નશામાં ધૂત લોકોનો એક વીડિયો હાલમાં વાયરલ થઈ રહ્યો છે, જેને જોઈને લોકો દારૂ પીતા પહેલા બે વાર વિચારશે. દારૂ પીને અહીં-તહીં રખડતા બે મિત્રો લિફ્ટનો દરવાજો તોડી પડી ગયા હતા. આ વિડિયો ચોક્કસપણે તમને ચોંકાવી દેશે.

drunk mens with elevator pic.twitter.com/HLHfjMKvLJ

— captured by CCTV (@CapturedCctv) January 23, 2023

આ પણ વાંચો: આ રેલ્વે ટ્રેક બનાવવામાં પાર થઈ હતી ક્રૂરતાની તમામ હદ, 1.20 લાખથી વધુ લોકોનો ગયો જીવ

વીડિયોમાં એક ફ્લોર પર બે લિફ્ટ જોવા મળી રહી છે, જેમાંથી એક છોકરો લિફ્ટમાંથી બહાર નીકળતો જોવા મળી રહ્યો છે. ત્યારે જ બે નશામાં ધૂત લોકો બીજી લિફ્ટ તરફ નાચતા જોવા મળે છે. તેઓ લિફ્ટનું બટન દબાવતા પહેલા જ બેકાબૂ બનીને લિફ્ટનો દરવાજો તોડીને ધડાકા સાથે નીચે ઉતરી ગયા હતા. આ સમગ્ર ઘટના ત્યાં લાગેલા સીસીટીવી કેમેરામાં કેદ થઈ ગઈ છે.

આ પણ વાંચો: આંખોમાં કરાવ્યું ટેટૂ, બીજી જ ક્ષણે ગઈ રોશની, જાણો આ લોકોએ કર્યા કેવા કાંડ?

આ ભયાનક અકસ્માતનો વીડિયો વાયરલ થયો

વીડિયોમાં આગળ લોકો તેની મદદ કરતા જોઈ શકાય છે. ગાર્ડની સાથે કેટલાક પોલીસકર્મીઓ પણ થોડીવાર પછી ત્યાં પહોંચી જાય છે અને બંને નશામાં ધૂત મિત્રોને ભારે મુશ્કેલીથી બહાર કાઢવામાં આવે છે. અકસ્માતમાં બંને બચી જાય છે, નહીંતર તેમનો નશો તેમના માટે જીવલેણ સાબિત થઈ શક્યો હોત. આ ઘટનાનો આ હૃદયદ્રાવક વીડિયો સોશિયલ મીડિયા પર ખૂબ જ વાયરલ થઈ રહ્યો છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: OMG VIDEO, Trending, Viral videos