Viral Video: હાઇવે પર ડ્રાઇવર વગર દોડી રહી હતી કાર, લોકોએ પૂછ્યા આવા સવાલ

News18 Gujarati
Updated: October 14, 2020, 1:16 PM IST
Viral Video: હાઇવે પર ડ્રાઇવર વગર દોડી રહી હતી કાર, લોકોએ પૂછ્યા આવા સવાલ
સોશિયલ મીડિયામાં વાયરલ થયેલા વીડિયોમાં કાર હકીકતમાં કોણ ચલાવી રહ્યું હતું?

સોશિયલ મીડિયામાં વાયરલ થયેલા વીડિયોમાં કાર હકીકતમાં કોણ ચલાવી રહ્યું હતું?

  • Share this:
ચેન્નઈઃ દુનિયાભરમાં ટેસ્લા (Tesla) કાર ઓટોપાયલટ (Autopilot)ના કારણે જાણીતી છે. ભારતમાં હજુ સુધી આવી ટેક્નોલોજી વાળી કાર આવી નથી. આ દરમિયાન સોશિયલ મીડિયા પર ઓટોપાયલટ કારનો એક વીડિયો વાયરલ થઈ રહ્યો છે. વીડિયોમાં એક વ્યક્તિ જે સહચાલકની સીટ પર આરામથી બેઠેલો જોઈ શકાય છે, પરંતુ ડ્રાઇવરની સીટ પર કોઈ નથી. આ વીડિયો (Viral Video)ને જોઈ લોકો આશ્ચર્યમાં મૂકાઈ ગયા છે. સોશિયલ મીડિયા (Social Media) યૂઝર્સ પૂછી રહ્યા છે કે ડ્રાઇવર વગર આ કાર પોતાની મેળે કેવી રીતે ચાલી રહી છે.

આ વીડિયો તમિલનાડુનો છે, પરંતુ તેના ચોક્કસ લોકેશન વિશે માહિતી નથી. પ્રીમીયર પદ્મિની કારના આ વીઠિયોને ટૈગોર ચેરીન નામના એક ફેસબુક યૂઝરે શેર કર્યો હતો. ક્લિપની શરૂઆતમાં હાઇવે પર પ્રીમિયર પદ્મિની કાર પોતાની મેળે દોડતી જોવા મળી રહી છે. એક વ્યક્તિ સહ-ચાલકની સીટ પર બેઠેલો છે. તેને જોઈને એવું લાગે છે કે જાણે સીટ પર ડ્રાઇવર ન હોવાથી તેને કોઈ ફેર પડતો નથી. માસ્ક પહેરેલો આ વ્યક્તિ કારમાં બિલકુલ એકલો બેઠો છે.


આ વીડિયોને પદ્મિની પાછળ જઈ રહેલા એક અન્ય કાર ચાલકે ઉતાર્યો છે. જેમાં જોઈ શકાય છે કે ડ્રાઇવર વગર જ આ કાર સરળતાથી હાઇવે પર દોડી રહી છે અને હાઇવે પર લેન પર સરળતાથી બદલી રહી છે અને ઓવરટેક પણ કરી રહી છે.

આ પણ વાંચો, IPL 2020થી બહાર થઈ શકે છે ઋષભ પંત, આ ખેલાડીને દિલ્હી કેપિટલ્સ આપી શકે છે તક!

ટૈગોર ચેરીએ ફેસબુક પર આ વીડિયોની સાથે કેપ્શન લખ્યું છે- આજે કેટલાક લોકોએ એક વ્યક્તિને યાત્રીની સીટ પર બેસીને પોતાની પદ્મિની કાર ચલાવતો જોયો. લોકો અસમંજસમાં હતા કે તે આવું કેવી રીતે કરી રહ્યો છે? કાર પોતાની મેળે કેવી રીતે ચાલી શકે? તમે વીડિયો જોઈ શકો છો.હકીકતમાં કોણ કાર ચલાવી રહ્યું છે?

હકીકતમાં ડ્રાઇવરની બાજુની સીટમાં બેઠેલી વ્યક્તિ જ કાર ચલાવી રહી છે. તે પોતાનો જમણા હાથથી કારનું સ્ટીયરિંગ નિયંત્રિત કરી રહ્યો છે, આવું કરતી વખતે તે ખૂબ જ શાંત છે. જેનાથી તે સહજ દેખાઈ રહ્યો છે. સ્ટીયરિંગ વ્હીલની અંદર ગિયર લાગેલા છે. એક વાર જ્યારે આ વ્યક્તિ ટૉપ ગિયર પર હાઇવે પર પહોંચી ગયો તો તેણે ડ્રાઇવર સીટથી બાજુની સીટમાં જઈને બેસી ગયો અને એક્સલેરેશન પેડલનો ઉપયોગ કર્યો. જોનારા લોકોને એવું લાગ્યું કે કાર પોતાની મેળે ચાલી રહી છે.

આ પણ વાંચો, મળો ભારતના ટૉપ 10 અબજપતિઓને જેઓએ 40 વર્ષથી ઓછી ઉંમરે ઊભો કર્યો અબજોનો કારોબાર

વીડિયોમાં જોવા મળતો વ્યક્તિ સોશિયલ મીડિયા યૂઝર્સનું ધ્યાન પોતાની આકર્ષિત કરવામાં સફળ રહ્યો. જોકે આપને એ સલાહ આપવામાં આવે છે કે તમે એક જવાબદાર ચાલક બનો અને તમામ નિયમોનું પાલન કરીને વાહન ચલાવો.
Published by: Mrunal Bhojak
First published: October 14, 2020, 1:16 PM IST
વધુ વાંચો
अगली ख़बर

તાજેતરના સમાચાર

corona virus btn
corona virus btn
Loading