Viral: મરતા માણસના મૃત્યુ પહેલાં શું હોય છે વિચારો? નિષ્ણાતોએ કર્યો ચોંકાવનારો દાવો

મૃત્યુ આ દુનિયાનું સૌથી ભયાનક સત્ય છે, જેને લોકો જાણે તો છે પણ કોઈ સ્વીકારી શકતું નથી. દરેક વ્યક્તિ જાણે છે કે દુનિયાનો દરેક વ્યક્તિ આ દુનિયાને અલવિદા કહી દેશે, પરંતુ પોતાના પ્રિયજનોના અવસાન (death) પર તેને જે દુઃખ થાય છે તેની ગણતરી કરી શકાય તેમ નથી. પરંતુ શું તમે ક્યારેય વિચાર્યું છે કે મૃત્યુ પામેલા માણસના છેલ્લા વિચારો (Last thoughts of dying man) શું હોય છે? તાજેતરમાં, વૈજ્ઞાનિકોએ આ વાતનો ખુલાસો કર્યો છે જે ખૂબ જ ચોંકાવનારો છે (Thoughts right before death).

યુ.એસ.એ.ની યુનિવર્સિટી ઓફ લુઇસવિલેના ન્યુરોસર્જન ડો. અજમલ જેમારે એક અભ્યાસ હાથ ધર્યો છે જેના દ્વારા તેમણે ચોંકાવનારો દાવો કર્યો છે. તેમણે કહ્યું કે મૃત્યુની થોડી ક્ષણો પહેલા વ્યક્તિના મનમાં શું ચાલે છે, તે કેવી રીતે વિચારે છે. જો કે આ એક મોટો કોયડો છે કારણ કે એક વ્યક્તિ જે ખૂબ જ બીમાર છે, જે મૃત્યુના મુખની નજીક પહોંચી ગયો છે, તે કહી શકતો નથી કે તે મૃત્યુ સમયે કેવું અનુભવે છે. પરંતુ જો વૈજ્ઞાનિક દ્વારા કરવામાં આવેલા દાવા પર વિશ્વાસ કરવામાં આવે તો એક આશ્ચર્યજનક શોધ હોય શકે છે.

મૃત્યુ પહેલા શું વિચારે છે વ્યક્તિ?
ડેઈલી સ્ટારના અહેવાલ મુજબ, વાઈની સારવાર લઈ રહેલા 87 વર્ષીય વ્યક્તિનું હૃદયરોગના હુમલાથી મૃત્યુ થયું ત્યારે તેને ઈલેક્ટ્રોએન્સફાલોગ્રામ (ઈસીજી) (electroencephalogram) પર મૂકવામાં આવ્યો હતો. પરંતુ આ ડાયગ્નોસ્ટિક ટેસ્ટના કારણે અજાણતામાં તે વ્યક્તિનું બ્રેઈન મેપિંગ કરવામાં આવ્યું હતું,

આ પણ વાંચો: VIRAL: ચાલતી ફરતી મમીની તસવીરો વાયરલ! લોકો સાથે વાતો પણ કરે છે આ જીવતી જાગતી ‘લાશ’

જેના પરથી અંદાજ લગાવવામાં આવી રહ્યો છે કે તે છેલ્લી ક્ષણોમાં શું વિચારી રહ્યો હતો. આ રિસર્ચ મુજબ વ્યક્તિના અંતિમ સમયે તેના મગજમાં તેના જીવનની સારી અને સુંદર વાતો ચાલી રહી હતી. એટલે કે 15 મિનિટ પહેલા અને 15 મિનિટ પછીના છેલ્લા ધબકારા પછી તેનું મગજ જીવનની યાદો યાદ કરી રહ્યું હતું.

આ પણ વાંચો: Viral: શું બિલાડી જેવા દેખાવા લાગશે ઉંદર? ઉંદરોના શરીરનું કદ વધી રહ્યું છે ઝડપથી

ચોંકાવનારુ છે સંશોધન
તમને જણાવી દઈએ કે આ ટેસ્ટમાં મગજ પર ગામા ઓસિલેશન તરંગો મૂકવામાં આવે છે જે મેમરી પુનઃપ્રાપ્તિ, ધ્યાન અને સ્વપ્ન જોવા વિશે શોધે છે. આના પરથી જાણવા મળ્યું કે મૃત્યુ પહેલા મગજમાં એવી જ હિલચાલ થાય છે જે રીતે વ્યક્તિ આ બધી વસ્તુઓ કરે છે. ડોકટરોનું અનુમાન છે કે આ બન્યું હશે કારણ કે શરીર પીડા અને વેદનાનો સામનો કરવા માટે પોતાને તૈયાર કરે છે, મૃત્યુને સરળ બનાવે છે. વ્યક્તિ એક રીતે સપના જોવાનું શરૂ કરે છે. આ સંશોધન ફ્રન્ટિયર ઇન એજિંગ ન્યુરોસાયન્સ દ્વારા પ્રકાશિત કરવામાં આવ્યું છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: New Research, OMG News, Science News, Viral news, અજબગજબ