Viral Video: સ્કૂલ બસ ચલાવતા ડ્રાઈવરને આવ્યો હાર્ટ એટેક, બાળકે સ્ટિયરિંગ સંભાળ્યું તો...

માર્ગ અકસ્માત ગમે ત્યાં અને ગમે ત્યારે થઈ શકે છે. ઘણીવાર લોકો કહે છે કે, સામેની વ્યક્તિની ભૂલને કારણે અકસ્માતો થાય છે, આ પણ સંપૂર્ણ રીતે સાચું નથી. ક્યારેક એમાં પોતાની ભૂલ પણ હોય છે અને ક્યારેક કોઈની પણ ભૂલ હોતી નથી, છતાં અકસ્માતો થાય છે. તાજેતરમાં, જો એક નાનું બાળક મદદ માટે આગળ ન આવ્યું હોત તો, આ બસ પણ અકસ્માતનો ભોગ બની હોત! જ્યારે તમે આ ઘટનાનો વિડિયો જોશો (Bus driver heart attack video) , તો તમે સમજી શકશો કે, આમાં બસ ડ્રાઈવરની જરા પણ ભૂલ નહોતી.

આ પણ વાંચો: ઓનલાઇન કોર્ટમાં અર્ધનગ્ન હાલતમાં પહોંચી જજ, સજા સંભળાવતા પહેલાં જ સસ્પેન્ડ

ટ્વિટર એકાઉન્ટ @Enezator પર ઘણી વાર અજીબોગરીબ વીડિયો (weird videos) પોસ્ટ કરવામાં આવે છે. હાલમાં જ એક એવો વીડિયો શેર કરવામાં આવ્યો છે જે લોકોને ચોંકાવી રહ્યો છે. આ વીડિયોમાં એક સ્કૂલ બસની અંદરનો સીન (School bus driver heart attack in bus video) જોવા મળી રહ્યો છે. કોઈપણ જાહેર પરિવહન સંબંધિત માધ્યમોના ડ્રાઈવરોનું કામ ખૂબ જ પડકારજનક છે કારણ કે, તેમની પાસે મુસાફરોની જવાબદારી છે, પણ અચાનક ડ્રાઇવરને કંઇક થઇ જાય તો શું થાય!

School bus driver suffers heart attack and 13-year-old gets behind the wheel and saves all children's lives pic.twitter.com/V0hoandvnt

— Great Videos (@Enezator) March 22, 2023

બાળકે બધાનો જીવ બચાવ્યો

આ વીડિયોમાં પણ એવું જ થયું છે. બસની અંદર લાગેલા કેમેરાથી જોઈ શકાય છે કે, બસમાં ઘણા નાના બાળકો બેઠા છે અને ડ્રાઈવર બસ ચલાવી રહ્યો છે. અચાનક ડ્રાઈવરને હાર્ટ એટેક આવે છે. હવે એવી સ્થિતિ છે કે, આમાં ડ્રાઇવરની ભૂલ છે તે કહી શકાય નહીં. તે બેભાન થતાંની સાથે જ નજીકમાં બેઠેલો 13 વર્ષનો બાળક સ્ટીયરીંગ વ્હીલ તરફ દોડે છે અને બસ જાતે ચલાવવાનું શરૂ કરે છે. બધા બાળકો ગભરાટની સ્થિતિમાં આવી જાય છે, પરંતુ સ્ટિયરિંગ ચલાવતું બાળક શાંત રહે છે અને બસને સાચી દિશા બતાવે છે. પછી તે સ્ટીયરીંગ વ્હીલ પરથી પોતાનો હાથ હટાવીને ડ્રાઈવરની છાતી દબાવવા લાગે છે. બસ ચાલતી જોવા મળે છે. પછી બીજું બાળક આવે છે અને કોઈક રીતે બસ રોકે છે. આ રીતે બાળકોનો જીવ બચી જાય છે.


વિડિયો વાયરલ થઈ રહ્યો છે

આ વીડિયોને 95 લાખથી વધુ વ્યૂઝ મળ્યા છે અને ઘણા લોકોએ કોમેન્ટ કરીને પોતાનો પ્રતિભાવ આપ્યો છે. એકે કહ્યું કે, અચાનક હાર્ટ એટેકના કેસ વધી રહ્યા છે, બાળકે મદદ કરી તે સારું છે. બીજાએ કહ્યું કે, બાળક હીરો છે, તેના કારણે લોકો બચી ગયા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Interesting News, OMG VIDEO, Viral videos