VIDEO: શું તમે આ શાકભાજીને તાજી તો નથી સમજતાને? વીડિયો જોઈને લોકો થયા ગુસ્સે

Viral Video: તાજી શાકભાજી કોને ખાવી નથી ગમતી. તાજી શાકભાજી ખાવાથી તબિયત સારી રહે છે, તેમ ડોકટરો પણ કહે છે. તેથી જ જ્યારે લોકો શાક માર્કેટમાં જાય છે, ત્યારે તેઓ તાજી શાકભાજીની જ શોધ કરતા રહે છે. લોકો એકદમ તાજું લાગે તે શાકભાજી ખરીદે છે. જો કે, ઘણી વખત એવું બને છે કે, તાજી દેખાતી શાકભાજી પણ સ્વાસ્થ્ય માટે હાનિકારક સાબિત થાય છે, કારણ કે તે શાકભાજી ખરેખર રસાયણોની મદદથી ઝડપથી ઉગાડવામાં આવ્યા છે અથવા તેને તાજી દેખાવા માટે રંગીન કરવામાં આવ્યા છે. આજકાલ આને લગતો એક વીડિયો સોશિયલ મીડિયા પર વાયરલ થઈ રહ્યો છે, જેણે બધાને ચોંકાવી દીધા છે.

આ પણ વાંચો: મનપાની શાળામાં અનોખી પહેલ, QR કોડ દ્વારા વિદ્યાર્થીઓને કરાવે છે અભ્યાસ

થોડા સમય પહેલા સોશિયલ મીડિયા પર એક વીડિયો જોવા મળ્યો હતો, જેમાં એક દુકાનદાર રીંગણ પર પર્પલ કલર છાંટતો જોવા મળ્યો હતો, જ્યારે અન્ય એક દુકાનદાર પાલકને લીલા રંગમાં ડુબાડીને તાજી રાખવાનો પ્રયાસ કરી રહ્યો હતો. આ વીડિયોએ લોકોના હોશ ઉડાવી દીધા હતા. આ સમયે જે વીડિયો વાયરલ થઈ રહ્યો છે, તે પણ કંઈ ઓછો નથી. આમાં પણ એક વ્યક્તિ રસાયણોની મદદથી વાસી શાકભાજીને તાજું કરતો જોવા મળે છે. વીડિયોમાં તમે જોઈ શકો છો કે, એક વ્યક્તિ સંપૂર્ણપણે સુકાઈ ગયેલી કોથમીરને કેમિકલવાળા પાણીમાં નાખે છે અને તેને બહાર કાઢે છે. આ પછી, થોડી જ વારમાં તે શાકભાજી સંપૂર્ણપણે તાજી થઈ જાય છે, જેને જોઈને કોઈ કન્ફ્યૂઝ થઈ જશે અને તે વિચારશે કે, તે શાકભાજી તાજી છે.

A two minute real life horror story. 😱 pic.twitter.com/gngzaTT56q

— Amit Thadhani (@amitsurg) March 17, 2023

આ ચોંકાવનારો વીડિયો સોશિયલ મીડિયા પ્લેટફોર્મ ટ્વિટર પર @amitsurge નામની આઈડી સાથે શેર કરવામાં આવ્યો છે અને તેને 'બે મિનિટની વાસ્તવિક જીવનની હોરર સ્ટોરી' તરીકે વર્ણવવામાં આવી છે. એક મિનિટ 42 સેકન્ડના આ વીડિયોને અત્યાર સુધીમાં 2 લાખ 60 હજારથી વધુ વખત જોવામાં આવ્યો છે, જ્યારે 3 હજારથી વધુ લોકોએ વીડિયોને લાઈક પણ કર્યો છે.



આ દરમિયાન, વીડિયો જોયા પછી લોકોએ અલગ-અલગ પ્રતિક્રિયાઓ પણ આપી છે. કેટલાક કહી રહ્યા છે કે, 'આ ખૂબ જ ભયાનક છે', જ્યારે કેટલાક કહી રહ્યા છે કે 'આનો કોઈ ઈલાજ નથી અથવા તેઓ લોકોને આ રીતે ઝેર આપતા રહેશે', જ્યારે કેટલાક યુઝર્સ એવું પણ પૂછી રહ્યા છે કે, આ કયું રસાયણ છે, જે શાકભાજીને સંપૂર્ણ રીતે તાજી બનાવે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Crime news, Health News, Vegetables, Viral videos