Anxiety અને ડરથી છુટકારો મેળવવા લોકોને જીવતા દાટવા લાગી આ કંપની, 47 લાખમાં કરે છે વિચિત્ર થેરાપી

ચિંતા કે નર્વસનેસ નવી વાત નથી. મન પર કોઈ પણ ડરનું એટલુ પ્રભુત્વ કે તે તમને હમેશા સતાવે છે, જ્યારે આ ડર તમને લાંબા સમય સુધી છોડતો નથી, તો તે મોટી સમસ્યા ઉભી કરી શકે છે. તેનાથી બચવા માટે લોકો ઉપચાર અને દવાઓની ઘણી પદ્ધતિઓનો ઉપયોગ કરે છે. પરંતુ એક કંપની ગભરાટ માટે એવી ટ્રીટમેન્ટ લઈને આવી છે કે સાંભળીને તમારા હોશ ઉડી જશે. જે લોકો ગભરાટ અને ડરથી વધુ પરેશાન છે તેમના માટે કંપનીએ એવી થેરાપી શરૂ કરી છે જેમાં તે ચિંતાથી પીડાતા લોકોને જમીનમાં જીવતા દાટી દેવાની તૈયારી કરી રહી છે.

જો તમે પણ ચિંતા અને ડર જેવી સમસ્યાઓનો સામનો કરી રહ્યા છો, તો જીવતા દફન થવાની તૈયારી કરો. થેરાપીના નામે એક કંપની 47 લાખનું આવું પેકેજ લઈને આવી છે, જેમાં 60 મિનિટમાં નર્વસનેસથી છુટકારો મેળવવા માટે કબરમાં જીવતા દાટી દેવામાં આવશે. શું તમે ભયને દૂર કરવા માટે જીવનનું જોખમ લેવા તૈયાર છો?

જીવતા દાટી દેવાથી કંપની તમારી ગભરાટ દૂર કરશે!

પ્રિકેટેડ એકેડમી નામની કંપનીએ આવી જ વિચિત્ર થેરાપીની શોધ કરી છે. જેમાં ચિંતા અને ડરથી પીડિત લોકોને જીવતા દાટીને ઈલાજ કરવાનો દાવો કરવામાં આવી રહ્યો છે. આ થેરાપીનું નામ 'સ્ટ્રેસ થેરાપી' છે. જે ₹ 47,00,000 માં ઉપલબ્ધ છે. આ હેઠળ, દર્દીને 40-60 મિનિટ સુધી કબરમાં રહેવું પડશે.

આ પણ વાંચો: પરિવારની સામે જ 3 વર્ષના બાળકને જીવતો ઉઠાવી ગયો સિંહ

ડેઈલી સ્ટાર અનુસાર, આ અનોખી થેરાપીનું ઓનલાઈન વર્ઝન પણ ઉપલબ્ધ હશે. જેના માટે તમારે માત્ર ₹12,00,000 ચૂકવવા પડશે. સ્ટ્રેસ થેરાપી શરૂ કરનાર કંપનીનો દાવો છે કે તેમનું આ પેકેજ લોકોને ભય અને ચિંતાનો સામનો કરવામાં ઘણી મદદ કરી શકે છે. તેણે તેના સોશિયલ મીડિયા એકાઉન્ટ પર આ વિશે વિગતવાર માહિતી આપી છે.

આ પણ વાંચો: હેર ટ્રાન્સપ્લાન્ટ ન થયું સફળ, તો વ્યક્તિએ પરેશાન થઈને કરી લીઘી આત્મહત્યા!

'સ્ટ્રેસ થેરાપી લેનારાઓએ કબરમાં 1 કલાક પસાર કરવો પડશે'

કંપનીનો દાવો છે કે આ 'સ્ટ્રેસ થેરાપી' સંપૂર્ણપણે સુરક્ષિત છે. જીવતા દફનાવવામાં આવ્યા હોવા છતાં, માનવીના જીવન માટે કોઈ જોખમ રહેશે નહીં. આ થેરાપીની માહિતી ફેલાતા જ ઘણા લોકો સંપર્ક કરવા લાગ્યા. પરંતુ આ ઉપચાર દરેક માટે નહીં હોય. તમને ઘણા વિકલ્પોમાંથી એક પસંદ કરવાની તક આપવામાં આવશે. કંપનીનો દાવો છે કે કબરમાં દફનાવવામાં આવેલા દર્દીની સુવિધાનું ધ્યાન રાખવામાં આવશે. તેને સંગીત સાંભળવા મળશે. આ સાથે જ રોશની માટે મીણબત્તીઓ પણ આપવામાં આવશે. જેથી તે ત્યાં બેસીને પોતાનું વસિયતનામું લખવાનું કામ પૂરું કરી શકે. રશિયામાં આ વિચિત્ર થેરાપી શરૂ કરવામાં આવી છે. જેની પાછળ કંપનીની દલીલ છે કે આ થેરાપી લોકોને પોતાની સાથે લડવા માટે પ્રેરિત કરશે અને જીવનમાં ખુશ રહેવાનું કારણ આપશે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Trending, Viral news, અજબગજબ