Home /News /eye-catcher /

લગ્નેત્તર સમસ્યાથી પરેશાન વ્યક્તિએ પ્રાઇવેટ પાર્ટ કાપી નાખ્યો, પરિવાર કપાયેલા પાર્ટ સાથે પીડિતને લઈ હોસ્પિટલ પહોંચ્યો

લગ્નેત્તર સમસ્યાથી પરેશાન વ્યક્તિએ પ્રાઇવેટ પાર્ટ કાપી નાખ્યો, પરિવાર કપાયેલા પાર્ટ સાથે પીડિતને લઈ હોસ્પિટલ પહોંચ્યો

આવા કેસને ફાલસીસાઈડ તરીકે ઓળખવામાં આવે છે

પહેલા ડોક્ટરોએ તેના શિશ્નના તૂટેલા ભાગને જોડવાનો નિર્ણય કર્યો હતો. પરંતુ, કપાયેલા અંગને લાંબો સમય વીતી ગયો હોવાના કારણે અને વિચ્છેદિત અંગને યોગ્ય રીતે ન રાખવાને કારણે તેમણે પોતાનો નિર્ણય બદલવો પડ્યો

    નૈરોબી : કેન્યામાં, 45 વર્ષીય માનસિક રીતે બીમાર વ્યક્તિ (Schizophrenic Kenyan man) રસોડાની છરીથી પોતાનો પ્રાઈવેટ પાર્ટ કાપી નાખે છે. કહેવામાં આવી રહ્યું છે કે, આ વ્યક્તિએ લાંબા સમયથી દવાઓ લેવાનું પણ બંધ કરી દીધું હતું.

    એવું કહેવામાં આવી રહ્યું છે કે, પ્રાઇવેટ પાર્ટ કાપવા પાછળનું કારણ લગ્નની સમસ્યાઓ હતી. પરિવારને આ ઘટનાની જાણકારી લગભગ 16 કલાક બાદ થઈ. ત્યારબાદ પરિવાર પીડિતને હોસ્પિટલ લઈ પહોંચ્યો હતો. એવા કિસ્સાઓમાં મોટાભાગે કોઈ વ્યક્તિ આત્મહત્યા કરવાના ઈરાદાથી પોતાનું શિશ્ન કાપવાનો પ્રયત્ન કરે છે, આને ફાલસીસાઈડ તરીકે ઓળખવામાં આવે છે.

    સારવાર કરનારા ડોક્ટરોએ જણાવ્યું હતું કે, આ ઘટનાના 16 કલાક બાદ દર્દીને તેમની પાસે લાવવામાં આવ્યો હતો. તેમણે એમ પણ કહ્યું કે, પરિવારના સભ્યો પીડિતના કપાયેલા અંગને પણ સાથે લાવ્યા હતા. ડોક્ટરોએ કહ્યું કે, તે માણસ તેની પત્ની સાથે સેક્સ સમસ્યાઓથી પરેશાન હતો. જે બાદ માનસિક રીતે બીમાર વ્યક્તિએ તેનું શિશ્ન કાપી નાખવાનો નિર્ણય કર્યો. આવી ઇજાઓના કિસ્સાઓ દુર્લભ હોય છે. જે દર્દીઓ આવા કૃત્યો કરે છે તેઓ સામાન્ય રીતે માનસિક પરેશાનીવાળા, મતિભ્રમ અથવા ડ્રગના વ્યસની હોય છે.

    આ સમગ્ર ઘટના મેડિકલ જર્નલમાં પ્રકાશિત કરવામાં આવી છે. જોકે, આમાં પીડિતાનું નામ કે સરનામું જેવી માહિતી આપવામાં આવી નથી. આ રિપોર્ટમાં જણાવવામાં આવ્યું હતું કે, પહેલા ડોક્ટરોએ તેના શિશ્નના તૂટેલા ભાગને જોડવાનો નિર્ણય કર્યો હતો. પરંતુ, કપાયેલા અંગને લાંબો સમય વીતી ગયો હોવાના કારણે અને વિચ્છેદિત અંગને યોગ્ય રીતે ન રાખવાને કારણે તેમણે પોતાનો નિર્ણય બદલવો પડ્યો. ડોક્ટર્સ ફક્ત તેવા જ લીંગને ફરીથી જોડી શકે છે, જે સંક્રમિત ન થયા હોય.

    ડોક્ટરોએ જણાવ્યું હતું કે, તેનું કપાયેલું અંગ લગભગ 16 કલાક સુધી ખુલ્લામાં પડ્યું હતું. આવી સ્થિતિમાં, તેમાં સંક્રમણ લાગવાની શક્યતા ઘણી વધારે હતી. જો ડોક્ટર બળજબરીથી તે અંગ જોડે, તો પીડિતના બાકીના અંગોમાં પણ સંક્રમણ લાગી શકે છે. આવી સ્થિતિમાં, તેના મૂત્રમાર્ગને કાયમી નુકસાન થયું હોત, અને પછી યુરોસ્ટોમી બેગ લગાવવી પડી શકે છે. લોહીની ખોટ અથવા સેપ્સિસને કારણે દર્દીનું મૃત્યુ પણ થઈ શકે છે.

    આ પણ વાંચોસાત માળની બિલ્ડીંગ ઘરાશાયી LIVE Video, ગણતરીના સેન્ડમાં થઈ જમીન-દોસ્ત

    દર્દીના શરીરમાંથી કેટલું લોહી નીકળ્યું હતું અને રક્તસ્રાવ કેવી રીતે બંધ થયો તે ડોક્ટરોએ જણાવ્યું નથી. નાજોરોની એગર્ટન યુનિવર્સિટીના સર્જનોએ યુરોલોજી કેસ રિપોર્ટ્સમાં લખ્યું છે કે, દર્દી લાંબા સમયથી તેની દવા લેતો ન હતો. ડોક્ટરો તેને ઓપરેશન થિયેટરમાં લઈ ગયા. ત્યાં તેમણે તેના અંગને સંક્રમણથી બચાવવા માટે પહેલા તેને સાફ કર્યું અને વહેતા લોહીને બંધ કરવાનો પ્રયત્ન કર્યો.
    Published by:kiran mehta
    First published:

    Tags: Ajab Gajab, Ajab gajab news

    આગામી સમાચાર