પતિ ઓનલાઈન માલિશ કરનારને શોધી રહ્યો હતો, ડેટિંગ સાઈટ પર અચાનક જોવા મળ્યો પત્ની અને બહેનનો ફોટો, પછી...

મુંબઈ: મુંબઈમાં એક ચોંકાવનારો કિસ્સો સામે આવ્યો છે. મિડ ડેના સમાચાર મુજબ ખાર વિસ્તારમાં રહેતો એક વ્યક્તિ ઓનલાઈન મસાજ શોધી રહ્યો હતો. ત્યારે અચાનક તેની નજર એક પોર્નોગ્રાફિક સાઈટ પર પડી હતી. ત્યા તેણે પોર્નોગ્રાફિક ડેટિંગ સાઇટ પર પોસ્ટ કરેલી તેની પત્ની અને બહેનની તસવીરો જોતા જ તેના પગ નીચેથી જમીન સરકી ગઈ હતી. આ બાદ તેણે સમગ્ર મામલાની પોલીસમાં ફરિયાદ કરી હતી. હાલ પોલીસે કાર્યવાહી કરતા આ કેસમાં એક મહિલાની ધરપકડ કરી છે. પોલીસનું માનવું છે કે, આ મહિલા કોઈ ગેંગનો ભાગ હોઈ શકે છે, જે સોશિયલ મીડિયા પરથી મહિલાઓ અને યુવતીઓના ફોટા લઈને આવી વેબસાઈટ પર અપલોડ કરે છે.

આ પણ વાંચો: OMG! જહાજના ભંગારમાંથી મળી જૂની ગંદી જીન્સ, 94 લાખ રૂપિયામાં વેચાઈ ગઈ

મહિલાએ મળવા બોલાવ્યો

પ્રાપ્ત માહિતી અનુસાર, ફોટો જોયા પછી, તેણે સાઇટ પર બતાવેલ ફોટો પર ક્લિક કર્યું. પછી તેને મોબાઈલ નંબર મળ્યો. જ્યારે તેણે તે નંબર પર મેસેજ કર્યો તો એક મહિલાએ જવાબ આપ્યો હતો. આ બાદ, ફરિયાદીએ પોલીસને જણાવ્યું કે, આ મહિલાએ તેને ખાર વિસ્તારની એક હોટલ પાસે મળવા બોલાવ્યો હતો. આ દરમિયાન તેની પત્ની અને બહેન પણ હાજર હતા.

આ પણ વાંચો: બર્ફીલા તળાવમાં ડૂબી જવાથી 10 વર્ષના બાળકનું મોત, મરતા પહેલા કર્યું એવું કામ કે બની ગયો 'હીરો'!


પોલીસે મહિલાની ધરપકડ કરી

પોલીસનું કહેવું છે કે, ફરિયાદ મળ્યા બાદ કેસ નોંધવામાં આવ્યો હતો. રેશ્મા નામની મહિલાની ધરપકડ કરવામાં આવી છે. પોલીસના મતે આ સંપૂર્ણ રેકેટ હોઈ શકે છે. ગેંગના સભ્યો આવી સાઇટ પર મહિલાઓ અને યુવતીઓની તસવીરો પોસ્ટ કરીને લોકોને આકર્ષવાનો પ્રયાસ કરતા હતા. આ સાથે પોલીસે લોકોને સોશિયલ મીડિયા પર તસવીરો પોસ્ટ કરતા પહેલા સાવધાન રહેવાની સૂચના આપી હતી.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Gujarat Crime News, Interesting News, OMG story