વ્યક્તિએ પોતાની નસમાં આપ્યું મશરુમના પાણીનું ઇન્જેક્શન, જાણો શું થયા હાલ

વ્યક્તિએ પોતાની નસમાં આપ્યું મશરુમના પાણીનું ઇન્જેક્શન, જાણો શું થયા હાલ
પ્રતીકાત્મક તસવીર

ડિપ્રેશનની સારવાર કરાવી રહેલા એક વ્યક્તિને ડૉક્ટરે સાઇકેડેલિક મશરુમ ખવાનું કહ્યું. મશરુમમાં સાઇલોસાઇબિન નામનું તત્વ હોય છે, જે વ્યક્તિના દિમાગને ખૂબ શાંત રાખે છે.

  • Share this:
    નેબ્રાસ્કા: બાળપણમાં જ્યારે આપણે કોઈ ફળના બીજ ગળી જતા ત્યારે મોટો લોકો એવું કહીને ચીડવતા હતા કે હવે પેટમાં ઝાડ ઊગશે. પ્રાથમિક શાળામાં 'પેટમાં બોરડી' નામનો એક પાઠ પણ આવતો હતો. આ પાઠમાં પણ કંઈક આવી જ વાત રજૂ કરવામાં આવી હતી. જોકે, બાળપણમાં આવું કહેવાથી બાળકો ડરી જતા હોય છે. આ વાત ભલે મજાકમાં કહેવામાં આવતી હોય પરંતુ એક વ્યક્તિએ આ વાત સાચી સાબિત કરી બતાવી છે. આવી હરકતથી વ્યક્તિએ એટલી મુશ્કેલીમાં મૂકાયો કે તેને હૉસ્પિટલમાં સારવાર માટે ખસેડવો પડ્યો છે. એક હરકતથી વ્યક્તિની નસોમાં મશરુમ ઊગડવા લાગ્યા હતા.

    અમેરિકાના નેબ્રાસ્કામાં એક 30 વર્ષીય વ્યક્તિએ મશરુમનો રસ કાઢીને તેને પોતાના શરીરમાં નાખ્યો હતો. આ વ્યક્તિએ પહેલા એક ઇન્જેક્શનમાં રસ ભર્યો હતો અને તેને નસ વડે શરીરમાં દાખલ કર્યો હતો. તમે ભલે સાચું નહીં માનો પરંતુ થોડા જ કલાકોમાં તેની નસોમાં મશરુમ ઊગવા લાગ્યા હતા. મશરુમને કારણે તેના શરીરના અનેક અંગોએ કામ કરવાનું બંધ કરી દીધું હતું. ખૂબ મહેનત પછી ડૉક્ટરે તેને બચાવ્યો હતો. ડૉક્ટરોએ વ્યક્તિને સલાહ આપી છે કે હવે તેણે ખૂબ લાંબા સમય સુધી એન્ટીફંગલ દવા ખાવી પડશે.



    આ પણ વાંચો: બાળકો માટે કોરોનાની વેક્સીન ક્યારે આવશે, શું તે સુરક્ષિત હશે? 

    કહેવામાં આવી રહ્યું છે કે અમેરિકામાં રહેતો આ વ્યક્તિ માનસિક બીમારીથી પીડિત છે. ડિપ્રેશનની સારવાર દરમિયાન આ વ્યક્તિને ડૉક્ટરોએ સાઇકેડેલિક મશરુમ ખાવાનું કહ્યું હતું. ઉલ્લેખનીય છે કે મશરુમમાં સાઇલોસાઇબિન નામનું તત્વ હોય છે, જે દર્દીના દિમાગને શાંત રાખે છે. વ્યક્તિએ વિચાર્યું કે મશરુમને ખાવાથી તેને સીધુ જ નસોમાં દાખલ કરવામાં આવે તો અસર સારી રહેશે. જે બાદમાં વ્યક્તિએ સાઇકેડેલિક મશરુમને પાણીમાં ઉકાળ્યું હતું, બાદમાં એક કપડામાં લઈને ગાળી લીધું હતું. જે બાદમાં તે પાણીને ઇન્જેક્શન મારફતે નસોમાં દાખલ કર્યું હતું. આવું કર્યાંના બે દિવસમાં તેને ખૂબ થાક લાગવા લાગ્યો હતો.

    આ પણ વાંચો: શા માટે USથી 13 હજાર કિલોમીટર ઉડીને આવેલા એક કબૂતરને મારવા માંગે છે ઓસ્ટ્રેલિયા?

    ડૉક્ટરના કહેવા પ્રમાણે થોડા સમય પછી તેને લોહીની ઉલટી શરૂ થઈ ગઈ હતી. ડૉક્ટરોએ તપાસ કરી તો ખબર પડે કે વ્યક્તિએ સાઇકેડેલિક મશરુમનું પાણી પોતાના શરીરમાં નાખ્યું હતું, આના કારણે નસોમાં મશરુમ થઈ રહ્યા હતા. ડૉક્ટરના કહેવા પ્રમાણે મશરુમે વ્યક્તિએ લિવરને નુકસાન પહોંચાડ્યું હતું. તેના અનેક અંગોએ કામ કરવાનું બંધ કરી દીધું હતું.

    આ પણ જુઓ-

    તપાસ બાદ તેને તાત્કાલિક હૉસ્પિટલમાં ખસેડવામાં આવ્યો હતો. તેના લોહીને બદલવામાં આવ્યું હતું. શરીરમાં બાકી રહી ગયેલા લોહીમાંથી ટૉક્સિન કાઢવા માટે તેને 22 દિવસ સુધી હૉસ્પિટલમાં દાખલ રાખવો પડ્યો હતો. ડૉક્ટરોએ કહ્યું કે તેને ભલે હૉસ્પિટલમાંથી રજા આપી દેવામાં આવી હોય પરંતુ તેણે વેર્ષો સુધી એન્ટીબાયોટિક અને એન્ટીફંગલ દવા ખાવી પડશે.
    Published by:Vinod Zankhaliya
    First published:January 15, 2021, 16:02 pm

    ટૉપ ન્યૂઝ