DNA ટેસ્ટ બાદ ખુલ્યુ રહસ્ય! 38 વર્ષ સજા કાપ્યા બાદ હવે વ્યક્તિને જેલમાંથી કરાશે મુક્ત

કોઈએ સાચું કહ્યું છે.. ભગવાનના ઘરે મોડું છે, પણ અંધારું નથી. જો તમે નિર્દોષ છો તો આજે કે કાલે ન્યાય થશે જ. આવો જ એક ચોંકાવનારો કિસ્સો અમેરિકામાંથી સામે આવ્યો છે. નવેસરથી ડીએનએ ટેસ્ટ કરાવ્યા બાદ લગભગ ચાર દાયકા બાદ એક વ્યક્તિ જેલમાંથી મુક્ત થયો હતો. હત્યાના આરોપને કારણે આ વ્યક્તિ છેલ્લા 38 વર્ષથી સજા કાપી રહ્યો હતો. હવે ડીએનએ ટેસ્ટમાં ખુલાસો થયો છે કે હત્યા અન્ય કોઈએ કરી છે. અને આખરે શખ્સને ન્યાય મળ્યો.

બીબીસીના જણાવ્યા મુજબ, મૌરીસ હેસ્ટિંગ્સ 1983માં કેલિફોર્નિયામાં રોબર્ટા વિડરમીયરની હત્યા અને બે હત્યાના પ્રયાસ માટે 38 વર્ષ જેલમાં હતા. પરંતુ નવા ડીએનએ પુરાવા દર્શાવે છે કે તેની પાછળ અન્ય હત્યારો હતો. આટલું જ નહીં વર્ષ 2020માં હત્યારાનું મૃત્યુ થયું હતું. તે સમયે તે જેલમાં પણ હતો.

ડીએનએ ટેસ્ટ બાદ મુક્ત કરવામાં આવ્યો હતો

મોરિસ હેસ્ટિંગ્સે શરૂઆતથી જ પોતાને નિર્દોષ ગણાવ્યા. 2000 માં, ડીએનએ પરીક્ષણ માટેની તેમની વિનંતી જિલ્લા એટર્ની દ્વારા નકારી કાઢવામાં આવી હતી. આખરે તે 2021માં DNAના કન્વિક્શન ઈન્ટિગ્રિટી યુનિટમાં નિર્દોષતાનો દાવો કરવામાં સક્ષમ હતો અને જૂનમાં DNA ટેસ્ટમાં જાણવા મળ્યું કે વીર્ય તેનું નથી.

આ પણ વાંચો: પરિવારની સામે જ 3 વર્ષના બાળકને જીવતો ઉઠાવી ગયો સિંહ

તેના બદલે ડીએનએ પ્રોફાઈલ અપહરણ માટે દોષિત ઠરેલા વ્યક્તિ સાથે મેળ ખાતી હતી. એસોસિએટેડ પ્રેસ સાથે વાત કરતાં હેસ્ટિંગ્સે કહ્યું, 'મેં ઘણાં વર્ષોથી પ્રાર્થના કરી હતી કે આ દિવસો આવે. મારે ફક્ત મારા જીવનનો આનંદ માણવો છે.

આ પણ વાંચો: હેર ટ્રાન્સપ્લાન્ટ ન થયું સફળ, તો વ્યક્તિએ પરેશાન થઈને કરી લીઘી આત્મહત્યા!

શું છે સમગ્ર મામલો?

1983 માં, રોબર્ટા વિડર્મિયરની કારમાં હત્યા કરવામાં આવી હતી. માથા પર ગોળીના નિશાન મળી આવ્યા હતા. અગાઉ તેણીનું યૌન શોષણ થયું હતું. હેસ્ટિંગ્સ પર પાછળથી હત્યાનો આરોપ મૂકવામાં આવ્યો હતો અને ફરિયાદીઓએ મૃત્યુદંડની માંગણી કરી હતી. કોર્ટે તેને દોષિત ઠેરવ્યો અને 1988 માં પેરોલની શક્યતા વિના તેને આજીવન જેલની સજા ફટકારવામાં આવી. ત્યાર પછી પણ તેમની ન્યાયની લડત ચાલુ રહી અને મોડે મોડે પણ તેમને ન્યાય મળ્યો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: OMG News, Trending, Viral news