ભારે કરી ! ડેથ સર્ટિફિકેટ ખોવાઈ ગયું છે, કોઈને મળે તો આપી દેજો: જીવતા માણસે અખબારમાં છપાવી જાહેરાત

દુનિયામાં એકથી એક ચડિયાતા નમૂના આપના મળી જશે. જો આપ આવી કોઈ અજુગતી વસ્તુ શોધવા બેસશો તો આપને એક નહીં પણ હજારો મળી જશે. આમ તો લગ્નના કાર્ડને લઈને લોકોની ક્રિએટિવિટી સોશિયલ મીડિયા પર આપે ખૂબ જોઈ હશે. પણ શું અખબરમાં છપાતી જાહેરાત એવી પણ હોય છે, જે ઈન્ટરનેટ પર વાયરલ થઈ જાય. હાલમાં એક આવી જ જાહેરાત સોશિયલ મીડિયા પર વાયરલ થઈ રહી છે. જેને જોઈને આપનું મગજ ફરવા લાગશે.

આમ જોવા જઈએ તો, સોશિયલ મીડિયામાં ક્યારે શું વાયરલ થઈ જાય, કંઈ કહી શકાય નહીં. ઘણી વાર તો એવું જોવા મળે છે જેની આપે કલ્પના પણ ન કરી હોય. હાલમાં જ સોશિયલ મીડિયા પર વાયરલ થઈ રહેલી જાહેરાત જોઈને આપ વિશ્વાસ કરી શકશો નહીં. અખબારમાં  ડેથ સર્ટિફિકેટ ખોવાઈ જવા વિશે એક એડ છપાઈ છે. મજાની વાત તો એ છે કે, જેનું ડેથ સર્ટિફિકેટ ખોવાઈ ગયું છે, તે માણસ જીવતો છે અને તેણે પોતે જ આ એડ છપાવી છે.

It happens only in #India😂😂😂 pic.twitter.com/eJnAtV64aX

— Rupin Sharma (@rupin1992) September 18, 2022

મારુ ડેથ સર્ટિફિકેટ ખોવાઈ ગયું

વાયરલ થઈ રહેલ જાહેરાતમાં એક ડેથ સર્ટિફિકેટ ખોવાઈ જવા વિશે છે. મજાની વાત એ છે કે, આ છપાવનારા વ્યક્તિ પણ તે જ છે. જેનું સર્ટિફિકેટ ખોવાઈ ગયું છે. ટેકનિકલ રીતે જોવા જઈએ તો, આ વ્યક્તિને હાલમાં સ્વર્ગ કે નરકમાં હોવું જોઈએ, પણ ખુદ તેણે આ જાહેરાત છપાવી છે. એટલે કે એક જીવતા વ્યક્તિએ ખુદ પોતાનું ડેથ સર્ટિફિકેટ ખોવાઈ જવાની જાહેરાત અખબારમાં છપાવી છે. આ જાહેરાતમાં તેણે સર્ટિફિકેટ ખોવાની તારીખ, જગ્યા, સમય અને રજિસ્ટ્રેશન નંબર બધું જ લખ્યું છે. આ જાહેરાત આસામના એક શખ્સે છપાવી છે. મોટી વાત તો એ છે કે અખબારે તેને છાપી પણ દીધી છે.

આ પણ વાંચો: કેરળની દુલ્હને ખાડાથી ભરચક રોડ પર વેડિંગ ફોટોશૂટ કરાવ્યું

લોકોએ પૂછ્યું- સર્ટિફિકેટ મળી જાય તો ક્યાં મોકલવાનું

આ જાહેરાતને આઈપીએસ અધિકારી રુપિન શર્માએ પોતાના ટ્વિટર અકાઉન્ટ પર શેર કરી છે. તેમણે તેની સાથે કેપ્શનમાં લખ્યું છે, આવું ફક્ત ભારતમાં જ થઈ શકે. જીવતો શખ્સ ડેથ સર્ટિફિકેટ ખોવાઈ જવાની જાહેરાત આપવાનો કિસ્સો હવે સોશિયલ મીડિયા પર ઝડપથી વાયરલ થઈ રહ્યો છે. આ જાહેરાતમાં અસંખ્ય લોકો પસંદ કરી રહ્યા છે. ઘણા લોકો તેના પર પ્રતિક્રિયા પણ આપી રહ્યા છે. એક યુઝર્સે લખ્યુ છે કે, છપાવનારો તો મહાન છે જ , પણ છાપનારો પણ મહાન છે. બીજાએ લખ્યું કે, જો મળી જાય તો સર્ટિફિકેટ ક્યાં પહોંચાડવાનું છે સ્વર્ગ કે નર્કમાં.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Death certificate, Social media, આસામ