'પત્ની ગુસ્સે થઈ રહી છે...' સાહેબ મને રજા આપો, કોન્સ્ટેબલની રજા અરજી વાયરલ

ઉત્તર પ્રદેશ: મહારાજગંજ જિલ્લામાં, ડાયલ 100ના કોન્સ્ટેબલ દ્વારા એડિશનલ સુપરિન્ટેન્ડેન્ટ ઑફ પોલીસને આપેલો રજા અરજી પત્ર અત્યારે વાયરલ થઈ રહ્યો છે. કોન્સ્ટેબલે અરજી દ્વારા ઉપરી અધિકારીને રજા માટે માર્મિક અપીલ કરી છે. કોન્સ્ટેબલે તેના પત્રમાં લખ્યું છે કે, તેના લગ્ન ઉતાવળમાં થઈ ગયા છે અને ફોન કરવા પર પત્ની વારંવાર ફોન કાપીને માતાને આપી દે છે. રજા ન મળવાથી પત્ની ગુસ્સે છે. આ સિવાય સૈનિકે તેના રજા પત્રમાં લખ્યું છે કે, તેણે તેની પત્નીના ભત્રીજાના જન્મદિવસ પર જવાનું વચન આપ્યું છે.

મહારાજગંજ જિલ્લાના નૌતનવા પોલીસ સ્ટેશન વિસ્તારમાં તૈનાત ડાયલ 100 કોન્સ્ટેબલ ગૌરવ ચૌધરીએ અધિક પોલીસ અધિક્ષકને પત્ર મોકલ્યો છે. પત્રમાં લખ્યું છે કે, રજા ન મળવાથી પત્ની ગુસ્સામાં છે. આ સિવાય સૈનિકે પોતાનું દર્દ શેર કરતા લખ્યું છે કે, તેમના લગ્ન ઉતાવળમાં કરવામાં આવ્યા છે.

આ પણ વાંચો: OMG: આ દુર્લભ પક્ષીને જોઈને જટાયુની યાદ આવી જશે, લોકોની ભીડ જોવા ઊમટી; વીડિયો વાયરલ

તેણે પત્રમાં આગળ લખ્યું કે, ફોન કરવા પર પત્ની ફોન તેની માતાને આપે છે અને તેણે તેની પત્નીને ભત્રીજાના જન્મદિવસ પર આવવાનું વચન આપ્યું છે. આથી કોન્સ્ટેબલ દ્વારા રજાની માંગણી કરવામાં આવી છે. જો કે, અધિક પોલીસ અધિક્ષકે જણાવ્યું કે, કોન્સ્ટેબલ દ્વારા રજા માંગવામાં આવી હતી. તેને રજા આપવામાં આવી છે. જે પણ પોલીસ કર્મચારી રજા માટે અરજી આપે છે, તેની રજા મંજૂર કરવામાં આવે છે.

કોન્સ્ટેબલ દ્વારા રજાની અરજી હાલમાં વાયરલ થઈ રહી છે. રજા દરમિયાન પત્નીના ઉલ્લેખ વિશે લોકો ચટાકેદાર રમુજી કરી રહ્યા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Interesting News, Leave, OMG story, Viral Post