માસ્ક વગર રસ્તે રખડતા બકરાને પકડીને લઈ ગઈ પોલીસ! જાણો સાચી હકીકત

News18 Gujarati
Updated: July 27, 2020, 8:57 AM IST
માસ્ક વગર રસ્તે રખડતા બકરાને પકડીને લઈ ગઈ પોલીસ! જાણો સાચી હકીકત
પોલીસની હાસ્યાસ્પદ સતર્કતાનો વીડિયો સોશિયલ મીડિયા પર વાયરલ થઈ રહ્યો છે

પોલીસની હાસ્યાસ્પદ સતર્કતાનો વીડિયો સોશિયલ મીડિયા પર વાયરલ થઈ રહ્યો છે

  • Share this:
શ્યામ તિવારી, કાનપુરઃ જનપદ પોલીસ (Police)ના કારનામા અનેકવાર અખબારોમાં પ્રકાશિત થતા જ રહે છે. અપરાધીઓ આગળ પસ્ત દેખાતી પોલીસ લૉકડાઉન (Lockdown)માં અજબ-ગજબ કારનામા કરતી જોવા મળી રહી છે. આવો જ એક મામલો કાનપુર (Kanpur)ના બેકનગંજ પોલીસનો સામે આવ્યો છે. વીકેન્ડ લૉકડાઉન (Weekend Lockdown)દરમિયાન માસ્ક વગર રખડતા એક બકરાને પોલીસે જીપમાં નાખીને પોલીસ સ્ટેશન લઈ આવી. ત્યારબાદ માલિકને બકરાને ઘરમાં રાખવાની કડક સૂચના આપીને છોડી મૂક્યો. બેકનગંજ પોલીસની આ હાસ્યાસ્પદ સતર્કતાનો વીડિયો હવે સોશિયલ મીડિયા પર વાયરલ થઈ રહ્યો છે.

વાયરલ વીડિયોમાં દાવો કરવામાં આવી રહ્યો છે કે, પોલીસકર્મી માસ્ક વગર ફરવાના અપરાધમાં બકરાને પકડીને પોલીસ સ્ટેશન લઈ ગઈ. જ્યારે બકરાનો માલિકને આ વાતની જાણકારી મળી તો તે પોલીસ સ્ટેશન પહોંચ્યો. જ્યાં તેણે પોલીસકર્મીઓને તમનો બકરો છોડી મૂકવા માટે વિનંતી કરી. મળતી માહિતી મુજબ, બકરાને રસ્તે રખડતો મૂકી ન દેવાની કડક સૂચના આપીને પોલીસકર્મીઓએ તેના માલિકના હવાલે કરી દીધો.

આ પણ વાંચો, દોસ્તોએ કર્યું હતું લૅબ ટેક્નીશિયનનું અપહરણ, 30 લાખ ખંડણી લઈને પણ હત્યા કરી લાશ નદીમાં ફેંકી

સીઓ અનવરગંજ સૈફુદ્દીન બૈગને જ્યારે આ મામલા અંગે પૂછવામાં આવ્યું તો તેઓએ જણાવ્યું કે, બેકનગંજ પોલીસ ક્ષેત્રમાં પેટ્રોલિંગ કરી રહ્યા હતા. આ દરમિયાન માસ્ક પહેર્યા વગરનો એક યુવક બકરાને લઈને જઈ રહ્યો હતો.

આ પણ વાંચો, તાંત્રિકના ઈશારે પિતાએ 5 સંતાનોની કરી ક્રૂર હત્યા, પંચાયતની સામે ગુનો કબૂલ્યો
જ્યારે તેણે પોલીસને જોઈ તો તે ડરીને બકરાને છોડીને ભાગી ગયો. રસ્તે રખડતા બકરાને જોઈ પોલીસે તેને જીપમાં નાખીને પોલીસ સ્ટેશન લઈ આવી. બાદમાં બકરાનો માલિક પોલીસ સ્ટેશન પહોંચ્યો તો બકરાને તેને હવાલે કરી દેવામાં આવ્યો.
Published by: Mrunal Bhojak
First published: July 27, 2020, 8:57 AM IST
વધુ વાંચો
अगली ख़बर

તાજેતરના સમાચાર

corona virus btn
corona virus btn
Loading