550 બાળકોનો પિતા છે સિરિયલ સ્પર્મ ડોનર! કોર્ટે કહ્યું, હવે બસ કર ભાઈ, ચોંકાવનારો કિસ્સો

550 બાળકોને જન્મ આપનાર સિરિયલ સ્પર્મ ડોનર (Serial Sperm Donor)ને કોર્ટમાં લઈ જવામાં આવી રહ્યો છે અને વારંવાર તેના સ્પર્મ ડોનેશન (Sperm Donation)થી આકસ્મિક વ્યભિચારનો ખતરો વધી રહ્યો હોવાના આક્ષેપો પર કેસ કરવામાં આવ્યો છે. ડેઇલી ટેલિગ્રાફના જણાવ્યા અનુસાર, જોનાથન જેકબ મેઇજર (Jonathan Jacob Meijer) સામે નેધરલેન્ડના ડોનરકાઇન્ડ ફાઉન્ડેશન (Netherlands’ Donorkind Foundation) દ્વારા કાર્યવાહી કરવામાં આવી છે, જેથી ધ હેગના 41 વર્ષીય આ વ્યક્તિને સ્પર્મ ડોનેટ કરતા અટકાવી શકે. ફાઉન્ડેશન તેમના પર તેમણે કેટલા બાળકોનો જન્મ આપ્યો છે તે વિશે જૂઠું બોલવાનો આરોપ પણ લગાવી રહ્યું છે. મેઇજર સામેનો સિવિલ કેસ તેના એક બાળકની ડચ માતા દ્વારા લાવવામાં આવ્યો છે. 2018માં તેને આ બાળક થયું હતું.

ડચ સ્પર્મ ક્લિનિકની માર્ગદર્શિકા અનુસાર, ડોનરે દાતા બાળકોમાં ઇનબ્રીડિંગ, વ્યભિચાર અથવા માનસિક સમસ્યાઓની શક્યતાને રોકવા માટે મહત્તમ 25 બાળકો અથવા એક ડઝન મહિલાઓને જ ડોનેશન આપવું જોઇએ. માતાએ કહ્યું: "જો મને ખબર હોત કે તેણે પહેલેથી જ 100થી વધુ બાળકોને જન્મ આપ્યો છે, તો હું તેને ક્યારેય પસંદ ન કરત. હું મારા બાળક માટે આના પરિણામો વિશે વિચારું છું તો મને ચિંતા થાય છે."

ડોનરકાઇન્ડ ફાઉન્ડેશન ઇચ્છે છે કે, કોર્ટ તેમણે કયા ક્લિનિક્સમાં દાન આપ્યું છે તેની તપાસ કરે. તે એવું પણ ઇચ્છે છે કે સ્ટોરેજમાં રાખેલા તેના તમામ સ્પર્મનો નાશ કરવામાં આવે, સિવાય કે તે એવી સ્ત્રી માટે બચાવવામાં આવે જેને પહેલેથી જ તેનું એક બાળક છે. ડોનરકાઇન્ડ ફાઉન્ડેશનના ચેરમેન ટાઇસ વેન ડેર મીરે જણાવ્યું હતું કે, "અમે આ વ્યક્તિ સામે પગલાં લઈ રહ્યા છીએ, કારણ કે સરકાર કશું જ કરી રહી નથી. ઇન્ટરનેટ દ્વારા તેની ગ્લોબલી પહોંચ છે અને તે મોટી આંતરરાષ્ટ્રીય સ્પર્મ બેંકો સાથે વ્યવસાય કરે છે."

ફાઉન્ડેશને જણાવ્યું હતું કે મેઇજર હાલમાં ડચ ડોનેશન બ્લેકલિસ્ટમાં છે, પરંતુ તે હજુ પણ ડેનમાર્ક અને યુક્રેન સહિત વિદેશમા ડોનેશન આપી રહ્યો છે. વધુમાં ઉમેરવામાં આવ્યું છે કે, 41-વર્ષીયે ઓનલાઈન, તેમજ સોશિયલ મીડિયા પર હોમ સેમિનેશન શોધી રહેલા ભાવિ માતાપિતાનો પણ સંપર્ક કર્યો છે, જ્યારે દેખીતી રીતે તેના વર્તનમાં ફેરફારના ઓછા સંકેતો દર્શાવવામાં આવ્યા છે.

આ પણ વાંચો: બાપે કેરોસીન છાંટી લીધુ, માં ભાગી ગઈ, ખજૂરભાઈએ જુઓ કેવી રીતે 5 અનાથ બાળકોની જિંદગી બદલી

એડી અખબારના જણાવ્યા અનુસાર, મેઇજર હાલ કેન્યામાં રહે છે, અને જ્યારે પ્રકાશન અને ડચ બ્રોડકાસ્ટર એનઓએસ દ્વારા પૂછવામાં આવ્યું ત્યારે તેમણે કોઇ પણ કમેન્ટ કરવાનો ઇનકાર કર્યો હતો. 2017માં ડચ ગાયનેકોલોજીસ્ટ એસોસિએશન એનવીઓજીને દેશભરમાં દસ જુદા જુદા ક્લિનિક્સ દ્વારા તેણે ઓછામાં ઓછા 102 બાળકોને જન્મ આપ્યો હોવાનું જાણવા મળ્યું હતું, ત્યારે જ મેઇજર વિશે એલર્ટ આપ્યું હતું. તાજેતરના મહિનામાં ડોનરકાઇન્ડે દસ ડોકટરોની ઓળખ કરી છે, જેમણે નેધરલેન્ડ્સમાં બાળકો માટે તેમના પોતાના સ્પર્મનો ગેરકાયદેસર રીતે ઉપયોગ કર્યો હતો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: OMG, Sperm, Sperm Donor