Shocking : આયાના ભરોસે બાળકને છોડીને જતા હતા મા-બાપ, એકલામાં બાળક સાથે કરતી આ કામ

આજના સમયમાં મોટાભાગના કપલ કામ (Working Couple Problem) કરતા હોય છે. તેમને કામના કારણે બાળકોને ઘરે મુકવા પડે છે. પહેલાના સમયમાં સંયુક્ત કુટુંબ હતું. તે સમયે બાળકોની સંભાળ ઘણી સરળ હતી. પરંતુ ધીમે ધીમે લોકોની જીવનશૈલી બદલાઈ ગઈ અને હવે મોટાભાગના કપલ્સ ન્યુક્લિયર ફેમિલી બની ગયા છે. એટલે કે, યુગલો તેમના બાળકો સાથે જ રહે છે. આવી સ્થિતિમાં વર્કિંગ કપલ્સ માટે માત્ર આયા જ આશાનો છેલ્લો ઉપાય છે. તેઓ માતાપિતાની ગેરહાજરીમાં બાળકોની સંભાળ રાખે છે. જો કે, બેબી સીટર રાખવી એ સરળ કાર્ય નથી.

આ પણ વાંચો - One Kidney Village : જાણો ક્યાં છે 'એક કિડની' વાળું ગામ! અડધા અંગો સાથે જીવન જીવે છે લોકો

વર્કિંગ કપલ્સની જરૂરિયાતને કારણે માર્કેટમાં આયાઓનો ધસારો જોવા મળી રહ્યો છે. માતાપિતાના ગયા પછી, તેઓ તેમના બાળકોની સંભાળ રાખે છે. પરંતુ તમારા કાળજાનો ટુકડો બીજાના ભરોસે છોડી દેવો એ કોઈ ઓછું જોખમી કામ નથી. એક નાની ભૂલ અને તેની સજા બાળક અને માતા-પિતાને મળી શકે છે. આવી જ એક ઘટના એક મહિલા સાથે બની હતી જેણે પોતાના બાળકને આયાના ભરોસે છોડ્યુ  હતું, જ્યારે તે પાછી આવી ત્યારે તેને તેના બાળકના એક હાથમાં ફ્રેક્ચર જોવા મળ્યું હતું.

આ માતાએ પોતાના કામ પર ગયા પછી બાળકની સંભાળ રાખવા માટે એક આયા નક્કી કરી હતી. પરંતુ મહિલાએ જોયું કે જ્યારે તે પાછી આવે છે ત્યારે તેનું બાળક ખૂબ જ ડરેલું હોય છે. તે કારણ સમજી શકી નહીં. આવી સ્થિતિમાં તેણે આયાને જાણ કર્યા વિના ઘરમાં કેમેરા લગાવી દીધો. આ પછી તેણે જે જોયું તેનાથી તેના હોશ ઉડી ગયા. માતા-પિતાના જતાની સાથે જ આયાનો દેખાવ બદલાઈ જતો હતો. તેણે બાળકને નિર્દયતાથી મારવાનું શરૂ કર્યું.

આ પણ વાંચો - Crocodile video: શું મગર પણ બની ગયા શાકાહારી? મોં પર ઉછળતી માછલીને છોડીને પાણીમાં જતા રહ્યા પાછા

મહિલાએ જોયું કે તેના ગયા પછી આયા બાળક સાથે કડકાઈથી વાત કરતી હતી. તે પછી તેણે બાળકને નવડાવ્યું. જ્યારે બાળક કપડા પહેરીને રડવા લાગ્યો ત્યારે આયાએ પહેલા તેના ગાલ પર થપ્પડ મારી, આટલું જ નહીં, આ મહિલા બાળકને ખવડાવતી વખતે પણ મારતી જોવા મળી હતી. મહિલાએ આ તમામ ઘટના જોતા જ તેના હોશ ઉડી ગયા હતા. સોશિયલ મીડિયા પર શેર કરવાની સાથે તેણે પોલીસને પણ તેની જાણકારી આપી હતી. તપાસમાં જાણવા મળ્યું કે આ આયા માનસિક દર્દી છે. આવી સ્થિતિમાં આ માતાએ લોકોને અપીલ કરી છે કે બાળકને આયાના ભરોસે છોડતા પહેલા તેની સારી રીતે તપાસ કરી લો. પછી બાળકને અજાણ્યાના ભરોસે છોડી દો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Shocking news, Viral news, Viral Photos, વાયરલ વીડિયો