‘મારું નામ Kovid છે અને હું વાયરસ નથી’, Kovid Kapoor નામનો ભારતીય આંત્રપ્રિન્યોર બન્યો ઇન્ટરનેટ સેન્સેશન, જાણો તેમના નામનો અર્થ

Indian entrepreneur Kovid Kapoor: ‘વોટ્સ ઇન અ નેમ?’ એવું વિલિયમ શેક્સપિયર (William Shakespeare) ભલે કહેતા હોય, પણ નામમાં ઘણું બધું છે એ સૌથી વધુ ભારતીય આંત્રપ્રિન્યોર (Indian entrepreneur) સિવાય કોઈને નહીં સમજાય કારણ કે, તેનું નામ Kovid છે. જી હા, તમે સાચું સાંભળ્યું. કોવિડ (Covid) બાદથી દુનિયામાં ઘણું પરિવર્તન જોવા મળ્યું છે. આપણે સોશિયલ ડિસ્ટન્સ, માસ્ક, હાઇજીન સાથે જીવવાનું શીખી લીધું છે. છેલ્લા બે વર્ષોમાં દરેકની જિંદગીમાં ફેરફાર થયા છે, પણ Kovid Kapoor નામની વ્યક્તિના જીવનમાં શું પરિવર્તન આવ્યું કે મુશ્કેલી થઈ, એ અનુભવ ખુદ Kovidએ શેર કર્યો છે.

બેંગલુરુ સ્થિત આંત્રપ્રિન્યોર Kovid Kapoor Holidify નામની એક કંપનીના કો-ફાઉન્ડર છે. તેમણે તાજેતરમાં જ કોવિડ બાદ તેમના નામને લઈને દુનિયા શું વિચારવા લાગી એ અંગે ટ્વિટ કરી.

તેમણે પોતાના બાયોમાં પણ લખ્યું છે કે, ‘મારું નામ Kovid છે, અને હું વાયરસ નથી.’ (My name is Kovid and I'm not a virus) આ શાહરુખ ખાનના ‘મારું નામ ખાન છે, અને હું આતંકવાદી નથી’ ડાયલોગની યાદ અપાવે છે.

Went outside India for the first time since COVID and got a bunch of people amused by my name. 😂

Future foreign trips are going to be fun!

— Kovid Kapoor (@kovidkapoor) January 4, 2022

કપૂર પોતાની ટ્વિટમાં લખે છે કે જ્યારે તેઓ ભારતમાં પહેલી વખત કોવિડ બાદ બહાર ગયા તો ઘણાં બધા લોકો તેમનું નામ જાણીને આશ્ચર્ય વ્યક્ત કરતા હતા. તેમણે ઉમેર્યું કે, ભવિષ્યની વિદેશની ટ્રીપ પણ મજેદાર રહેવાની છે!

At Starbucks, the guy handing me the coffee pointed out the name to everyone else and they burst out laughing - I mostly use a fake name now. ☕️ pic.twitter.com/79STYv2uG6

— Kovid Kapoor (@kovidkapoor) January 5, 2022

પોતાના નામનો અર્થ જણાવ્યો

એ પછી તેમણે પોતાના નામનો અર્થ પણ જણાવ્યો. તેમણે ટ્વિટર પર લખ્યું કે તેમનું નામ ‘કોવિદ’ છે, ના કે કોવિડ. આ શબ્દ હનુમાન ચાલીસામાંથી લેવામાં આવ્યો છે. જેનો મતલબ થાય છે ‘વિદ્વાન’.’

Yes! The only good "positive" news that I could get right now. https://t.co/kWrHuZH4Z3

— Kovid Kapoor (@kovidkapoor) January 7, 2022

યુઝર્સે આવી કમેન્ટ કરી

એક યુઝરે લખ્યું કે કેવું લાગશે જ્યારે કોઈ એવું કહેશે કે Kovidજી તમને મળીને બહુ સારું લાગ્યું. તો અન્ય યુઝર્સે લખ્યું કે, ‘તમે તો બહુ ફેમસ થવાના છો’, ‘વર્ષ 2020થી બધા તમારા નામનો જાપ કરી રહ્યા છે.’

આ પણ વાંચો: Viral Video: જાવેદ હબીબે થૂંક નાખીને મહિલાના વાળ કાપ્યા! ટ્રોલ થતાં આવો જવાબ આપ્યો

જણાવી દઈએ કે આ પહેલા વર્ષ 2020માં એક સમાચાર હતા કે, યુકેમાં રહેતા એક માણસનું નામ ‘કોરોના’ (Corona) છે. જ્યારે તે વ્યક્તિ લોકોને પોતાનું નામ કહેતો ત્યારે તેમને થતું કે ‘કોરોના’ મજાક કરી રહ્યો છે. પછી તે લોકોને પોતાની આઈડી કાર્ડ બતાવતો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Ajab Gajab, COVID-19, Trending news, Twitter