Holi 2021: નવાબોના શહેરમાં ‘બાહુબલી ગુજિયા’ છવાયા, વજન અને કિંમત જાણીને રહી જશો હેરાન

લખનઉ. ઉત્તર પ્રદેશ (Uttar Pradesh)માં ગુજિયાની મીઠાશ વગર હોળીનો ઉત્સવ (Holi 2021) અધૂરો માનવામાં આવે છે. આ જ કારણ છે કે નવાબોના શહેર લખનઉ (Lucknow)માં હોળીના તહેવાર પર બાહુબલી ગુજિયા આકર્ષણનું કેન્દ્ર બની ચૂક્યા છે. હોળી પર ઉત્તર પ્રદેશના પાટનગર લખનઉની જાણીતી દુકાન ‘છપ્પન ભોગે’ અનોખા ગુજિયાની રજૂઆત કરી છે. આ ગુજિયાનું વજન 1.5 કિલોગ્રામ છે અને તે 14 ઇંચ જાડું છે. દુકાને આ અનોખા ગુજિયાનું નામ ‘બાહુબલી ગુજિયા’ (Bahubali Gujiya) રાખ્યું છે.

આ વિશાળ ગુજિયા ખોઆ, કેસર, બદામ, પિસ્તા અને ખાંડથી ભરપૂર છે અને આ મીઠાઈ (એક ગુજિયા)ને ડીપ ફ્રાય કરવામાં લગભગ 20-25 મિનિટ લાગે છે. આ એક બાહુબલી ગુજિયાની કિંમત 1200 રૂપિયા છે.

View this post on Instagram

A post shared by Chhappan Bhog (@chhappan_bhog)

આ પણ વાંચો, ફિલ્મી સ્ટાઇલમાં હૉસ્પિટલથી ભાગેલો ગેંગસ્ટર કુલદીપ ઉર્ફે ફજ્જા એન્કાઉન્ટરમાં ઠાર, જાણો પોલીસને કેવી રીતે મળી સફળતા

છપ્પન ભોગના માર્કેટિંગ હેડનું કહેવું છે કે અમારી ઈચ્છા દર વર્ષે કંઈક નવું અને પરંપરાગત રીતથી હટીને કરવાની હોય છે. તેઓએ કહ્યું કે અમને ગ્રાહકો તરફથી સારો રિસ્પોન્સ મળી રહ્યો છે અને લોકો બાહુબલી ગુજિયાને જોવા માટે ઘણા ઉત્સાહિત છે. જોકે, ગ્રાહકોની મનપસંદ સામગ્રીના આધાર પર ગુજિયાની કિંમત અલગ હોઈ શકે છે.

આ પણ વાંચો, Jio, Airtel, VIના બેસ્ટ રિચાર્જ પ્લાન, અનલિમિટેડ કોલિંગની સાથે બમ્પર ડેટા

નોંધનીય છે કે, આવતીકાલ સોમવારે ધૂળેટીની ઉજવણી કરવામાં આવશે. આ દિવસે ઘરોમાં પણ ગુજિયા બનાવવામાં આવે છે અને લોકો ખૂબ જ ચટકારા લઈને તેનો સ્વાદ માણે છે. અહીં જણાવવું જરૂરી છે કે મીઠાઈઓ ભારતમાં દરેક પર્વ-તહેવારોનું અગત્યનો હિસ્સો છે. હોળી પણ મોટાપાયે ઉજવાતા ઉત્સવો પૈકીનો એક છે. આ દિવસે લોકો રંગ-ગુલાલથી રમે છે અને ગુજિયાનો આનંદ ઉઠાવે છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Bahubali Gujiya, Holi 2021, Lucknow, OMG, Viral news, ઉત્તરપ્રદેશ, વાયરલ વીડિયો