World Record: 45 વર્ષથી પ્લાસ્ટિક બેગ જમા કરતી હતી મહિલા, હજારો બેગ એકત્રિત કરીને બનાવ્યો ગિનિસ વર્લ્ડ રેકોર્ડ

દુનિયામાં એવા ઘણા લોકો છે જેમની પાસે અલગ અલગ પ્રકારની કુશળતા છે અને તેમના કારણે તેઓ પ્રખ્યાત થાય છે. કેટલીક વાર તેઓ તેમની પ્રતિભાના આધારે વર્લ્ડ રેકોર્ડ (Amazing World Records) પણ સ્થાપિત કરે છે. પરંતુ એવા ઘણા રેકોર્ડ છે જે પ્રતિભા ઓછી અને લોકોનો જુસ્સો વઘુ દેખાય છે. આવો જ એક વર્લ્ડ રેકોર્ડ બ્રિટનની એક મહિલાએ બનાવ્યો છે. મહિલાએ પ્લાસ્ટિકબેગ (Britain Woman Creates Record of Collecting Plastic bags) એકત્રિત કરીને ગિનિસ વર્લ્ડ રેકોર્ડ (Guinness World Record) બનાવ્યો છે.

વેલ્સના અબર્ડેર (Aberdare)માં રહેતી 55 વર્ષીય એન્જેલા ક્લાર્કએ અનોખો ગિનિસ વર્લ્ડ રેકોર્ડ બનાવ્યો છે. એન્જેલાએ 10,000થી વધુ પ્લાસ્ટિક બેગ એકત્રિત કરીને પ્લાસ્ટિક બેગનો રેકોર્ડ બનાવ્યો છે, પરંતુ એન્જેલાની મુસાફરી એટલી સરળ નહોતી, જોકે તે તેના માટે રોમાંચક હતી. તમને જણાવી દઈએ કે 1976થી એન્જેલા માત્ર 11 વર્ષની હતી ત્યારે પ્લાસ્ટિકની થેલીઓ એકઠી કરવાનો શોખ ધરાવે છે.

નાની ઉંમરે જ શરુ કરી દીઘુ હતુ બેગ એકત્રિક કરવાનુ
સન વેબસાઇટ અહેવાલ આપે છે કે તેનો પરિવાર તે સમય દરમિયાન રાણીની સિલ્વર જ્યુબિલીની ઉજવણીમાં વ્યસ્ત હતો. તે સમયે જલસા માટે ખાસ પ્લાસ્ટિકની થેલીઓ બનાવવામાં આવી હતી.

આ પણ વાંચો: Weird World Record: દુનિયાની સૌથી લાંબુ નામ ધરાવતી છોકરી, બોલાવતા છૂટી જશે પરસેવો, 2 ફૂટનું છે બર્થ સર્ટિફિકેટ!

પછી જ્યારે તેના પિતા જર્સીની સફરથી પાછા ફર્યા ત્યારે તેઓ તેમની સાથે એક સુંદર કાળી પ્લાસ્ટિકની થેલી લાવ્યા જેમાં તેમની સામે એક સ્ત્રીની આકૃતિ દર્શાવવામાં આવી હતી. એન્જેલાને બેગ ખૂબસૂરત લાગી અને તરત જ તેને તેના રૂમમાં ચોંટાડી દીધી. ત્યારથી તેમને બેગ એકત્રિત કરવાની મજા આવવા લાગી.

આ પણ વાંચો: World Record: 6000 ફૂટની ઊંચાઈએ બે balloons વચ્ચે દોરડું બાંધીને ચાલ્યો આ વ્યક્તિ!

22,000 રૂપિયાની કિંમતની પણ છે બેગ
એન્જેલાએ તે સમય દરમિયાન માત્ર 1 વર્ષ બેગ એકત્રિત કર્યા બાદ 200 બેગ એકઠી કરી હતી. તેમને બીબીસીના બાળકોના કાર્યક્રમમાં બોલાવવામાં આવ્યા હતા. આ કાર્યક્રમમાં પોતાના શોખ વિશે સાંભળીને લોકોએ તેને બેગ મોકલવાનું શરૂ કર્યું. જ્યારે કોઈ ઓલિમ્પિકમાં ગયું ત્યારે તેણે તેમને બેગ મોકલી અને કોઈ ચોક્કસ દુકાને ગયું અને બેગ પર સહી કરી અને તેમને મોકલ્યા. હવે તેની પાસે 10,000થી વધુ બેગ છે અને તેણે તેના પતિની ફેક્ટરીમાં તેના માટે એક વિશેષ સ્થાન બનાવ્યું છે. એન્જેલાના કલેક્શનમાં 1954ની બેગ પણ છે અને એક એવી બેગ છે જેની કિંમત 22,000 રૂપિયા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Guinness world Record, OMG News, Plastic bag, અજબગજબ