Exclusive! નેપોટિઝમની ચર્ચાઓ ટાળવા "અંતિમ"માં સલમાન ભાઈ કામ કરે તેવું નહોતો ઈચ્છતો આયુષ શર્મા

અભિનેતા આયુષ શર્માનું કહેવું છે કે તેણે સલમાન ખાનને એન્ટીમઃ ધ ફાઈનલ ટ્રુથમાં કામ ન કરવા માટે સમજાવવાનો પ્રયાસ કર્યો હતો.

આયુષ શર્માનો બ્રધર ઈન લો સલમાન ખાને પણ આ ફિલ્મમાં કામ કર્યું છે. મહેશ માંજરેકર દ્વારા દિગ્દર્શિત ફિલ્મ 26 નવેમ્બર, શુક્રવારના રોજ રિલીઝ થશે.

  • Share this:
અભિનેતા આયુષ શર્માએ ફિલ્મ લવયાત્રીથી બોલીવુડમાં એન્ટ્રી કરી હતી. લવયાત્રી રિલીઝ થયાના ત્રણ વર્ષ બાદ તેમની બીજી ફિલ્મ અંતિમ: ધ ફાઇનલ ટ્રુથ (Antim: The Final Truth) રિલીઝ થવા જઈ રહી છે. આયુષ શર્માનો બ્રધર ઈન લો સલમાન ખાને પણ આ ફિલ્મમાં કામ કર્યું છે. મહેશ માંજરેકર દ્વારા દિગ્દર્શિત ફિલ્મ 26 નવેમ્બર, શુક્રવારના રોજ રિલીઝ થશે. News18.com સાથેની વાતચીતમાં આયુષ શર્માએ સલમાન ખાન પણ આ ફિલ્મનો ભાગ હોવા અંગે કેટલીક વાત જણાવી છે. જેનાથી નેપોટીઝમ પર ચર્ચા થઈ શકે છે. તેમણે સુપરસ્ટાર સાથે કામ કરવાનો અને તેમના ફિલ્મ કરિઅર અંગે કેટલીક વાતો જણાવી છે.

ફિલ્મ અંતિમમાં તમારો લુક તમારી ડેબ્યૂ ફિલ્મ લવયાત્રી કરતા એકદમ અલગ છે. આ અંગે તમને કેવો રિસ્પોન્સ મળ્યો છે?

આ ફિલ્મ રિલીઝ થવા અંગે હું ખરેખર ઉત્સાહિત છું અને ખૂબ જ પોઝિટીવ રિસ્પોન્સ મળ્યો છે. લવયાત્રી રિલીઝ થઈ તે સમયે દર્શકોને મારું કામ ખૂબ જ પસંદ આવ્યું હતું અને મને ચોકલેટ બોય પણ કહ્યો હતો. હું મારી પ્રતિભા બતાવવા ઈચ્છતો હતો, ફિલ્મ અંતિમથી મને મારી પ્રતિભા દર્શાવવાનો મોકો મળ્યો છે. મેં આ ફિલ્મમાં ગ્રે પાત્ર ભજવ્યું છે. અમે ત્રણ વર્ષથી મારા લુક પર કામ કરી રહ્યા છીએ અને હું ખુશ છું કે, મને મારી મહેનતનું ફળ મળ્યું છે.

દિગ્દર્શક મહેશ માંજરેકરે તેમના એક ઈન્ટરવ્યુમાં જણાવ્યું હતું કે, તેમને લાગ્યું હતું કે તેમને તમારા પર ખૂબ જ કામ કરવું પડશે. તમે સંપૂર્ણપણે તૈયાર થઈ ગયા, તે જોઈને ખૂબ જ નવાઈ લાગી.

મારા પાત્ર માટે મારે ઈન્ટર્નાલાઈઝ થવું પડ્યું. અનેક લોકોએ પરિવર્તન અંગે જણાવ્યું છે, તે અંગે હું વધારે વિચારતો નથી. બોડી બનાવવી તે માત્ર સિનેમેટિક હેતુસર હોય છે, જેથી પાત્ર ખૂબ જ બિલીવેબલ લાગે છે. અનેક લોકોએ મને જણાવ્યું છે કે, હું આ ફિલ્મમાં કામ કરી શકીશ કે નહીં. આ ફિલ્મમાં તમામ પાત્ર ગ્રે છે અને મારું પાત્ર ખૂબ જ ગ્રે છે. લોકોએ મારી બીજી ફિલ્મ અંતિમમાં નકારાત્મક પાત્ર ભજવવાની મારી ચોઈસ પર સવાલ ઉઠાવ્યા હતા. હું ફિલ્મ લવયાત્રી સાથે લવર બોય તરીકે સ્ટીરિયોટાઇપ થયો નથી. મારે મારા મગજમાં ખૂબ જ કેયોસ ઊભો કરવો પડ્યો હતો કે, તે કેટલીક પરિસ્થિતિઓમાં કેવી રીતે રિએક્ટ કરે છે. સામાન્ય રીતે આપણે આ પ્રકારનું કરતા નથી. મહેશ સર એક અનુભવી દિગ્દર્શક છે, તેઓ આ શૈલીમાં માસ્ટર છે. મને ખબર હતી કે, હું ભૂલ કરીશ તો તેઓ મને સાચો રસ્તો બતાવશે.

આ પાત્ર ભજવવા માટે તમે કેયોસ કેવી રીતે ઊભો કર્યો?

મારે મારી અનેક બાબતો બદલવી પડી. સામાન્ય રીતે આપણે આપણી આસપાસના લોકો સાથે નમ્રતાથી વર્તતા હોઈએ છીએ. મારે એવો અભિગમ લાવવાનો હતો કે, જો તમે મને પસંદ કરો છો તો સારી વાત છે અને જો તમને હું નથી ગમતો તો તે તમારી સમસ્યા છે. મેં લોકો પાસેથી સલાહ લેવાની બંધ કરી અને રાહુલિયાનું પાત્ર બનવાનો તે પ્રથમ સ્ટેજ હતો. મેં એક નાનકડી કસરત કરી હતી જેમાં, તમે કાચ તોડી નાખો છો, પ્રથમ વખત તમે તમારી જાતને જજ કરો છો. ત્યારબાદ વારંવાર કરો છો, ત્યારે એક પોઈન્ટ પર તમે તમારી મેડનેસનો આનંદ લો છો. જ્યારે હું મારી મેડનેસ ક્રિએટ કરી રહ્યો હતો, ત્યારે મેં મારી એક્ટિવિટીઝને જજ કરવાનું બંધ કર્યું.

સલમાન ખાનના અનેક લોકો ફેન છે. શું તમે લાગી રહ્યું છે કે, તેમને મારવાથી તેમના ફેન ગુસ્સે થશે અને તમને નેગેટીવ રિસ્પોન્સ આપશે.

હું આ બાબતે ચિંતિત હતો. હું સલમાન ભાઈને પડદા પર પાછા લાવવાના વિચારનો સખત વિરોધ કરતો હતો. તે એક સિનિયોરિટી જમ્પ છે. આ ફિલ્મની શરૂઆતમાં હું આ બાબતે ચિંતિત હતો કે, તેઓ આ ફિલ્મમાં છે. અમે પરિવારના સભ્યો છીએ. અનેક લોકો માની રહ્યા હશે કે તેમણે મને કારકિર્દીમાં આગળ લાવવા માટે મદદ કરી છે. પહેલા હું સલમાન ભાઈને આ ફિલ્મનો ભાગ બનાવવાના વિચારની વિરુદ્ધમાં હતો. હું ઇચ્છતો નહોતો કે, તેઓ આ ફિલ્મ કરે અને મેં તેમને આ અંગે કહ્યું. હું પરિવારના તમામ લોકો પાસે ગયો હતો અને આ ફિલ્મ ના કરવા માટેનું કહ્યું હતું. કારણ કે હું ફિલ્મ લવયાત્રી કરતા એકદમ પાત્ર ભજવી રહ્યો હતો.

હું એક નવોદિત કલાકાર છું. તેઓ આ ફિલ્મ કરવા અંગે એકદમ ચોક્કસ હતા. તેમણે મને કહ્યું કે, ‘આયુષ તમારે એ જાણવાની જરૂર છે કે, તમે તમારા પાત્રને કેવી રીતે ન્યાય આપો છો. તમારે લોકોને સમજાવવાની જરૂર છે કે, તમે ફિલ્મમાં મારા પર હાથ કેમ ઉઠાવ્યો.’ હું તેમની હાજરી અંગે ખૂબ જ ચિંતિત હતો. મને યાદ છે કે, જ્યારે અમે ફિલ્મની જાહેરાત કરી ત્યારે મારું થોડું ટ્રોલિંગ થયું હતું. 'અમને આ ફિલ્મમાં આયુષ નથી જોઈતો.' આ બાબત મેં તેમને જણાવી. તેમણે જણાવ્યું કે, તેવી માત્ર 5000 ટ્વીટ્સ જ છે અને આ બાબતને ધ્યાને લેવાની જરૂર નથી.

શું તમે તમારી પત્ની અર્પિતાને કહ્યું હતું કે, તેઓ સલમાનને સમજાવે કે આ ફિલ્મ ન કરે?

મેં અનેકવાર કહ્યું તું. મેં તેને કહ્યું કે સલમાન ભાઈને સમજાવવા તે ખૂબ જ અઘરી બાબત છે. અર્પિતાએ સલમાન ભાઈને સમજાવ્યો પરંતુ, તેઓ ફિલ્મ કરવા માંગતા હતા. અત્યારે હું આ બાબત પર વિચારું છું કે, ત્યારે હું ખરેખર તેમનો આભારી છું કે તેમણે મારા પર આ પ્રકારનો વિશ્વાસ મૂક્યો. મને યાદ છે કે, જ્યારે મેં ફિલ્મમાં મારો પહેલો સીન કર્યો ત્યારે મેં તેમને પૂછ્યું કે, શું હું સારું કામ કરી રહ્યો છું. તેમણે મને કહ્યું, ‘મારી સલાહ ન લો, હું પોતે એક એક્ટર છું. જો હું તમને કહું કે શું કરવું, તો તમે મારી નકલ કરવા લાગશો અને મારે એક જ ફ્રેમમાં બે સલમાન નથી જોઈતા.

સલમાન સાથે શુટીંગ કરવાનો અનુભવ કેવો રહ્યો?

મને ક્યારેય પણ તેમની સાથે સ્ક્રીન સ્પેસ શેર કરવાની આશા નહોતી. તેઓ અન્ય કોઈ અભિનેતાને લઈ શકતા હતા પરંતુ, તેમણે મારા પર વિશ્વાસ મૂક્યો. તે મારા પ્રત્યેના તેમના સ્નેહની સૌથી મોટી નિશાની હતી.

આ ફિલ્મને લઈને કેટલી અપેક્ષાઓ છે?

જ્યારે મને ખબર પડી કે સલમાન ભાઈ આ ફિલ્મ કરી રહ્યા છે, ત્યારે મને ખબર હતી કે આ ફિલ્મથી મને સફળતા મળશે અથવા હું નાદાર જાહેર થઈશ. આ ફિલ્મ મારા માટે નેશનલ સ્પોટલાઇટ છે. તેમણે મને કહ્યું હતું કે, આખી ફિલ્મ વિશે ન વિચારો. તેમણે કહ્યું કે જો હું એક સીન કરવા માટે મેનેજ કરું અને લોકો કહે કે મેં સારું કર્યું છે, તો તે મારી જીત હશે.

તમે જાણો છો કે આ સલમાન ખાનની ફિલ્મ છે.

જો તેઓ ફિલ્મમાં ન હોત તો મને થિયેટરમાં રિલીઝ મળી હોત તે વાત કહેવાથી હું મૂર્ખ સાબિત થઈશ. હું જાણું છું કે, એક અભિનેતા તરીકે મારી પાસે દર્શકોને થિયેટરોમાં લાવવાની ક્ષમતા નથી. વર્તમાન પરિસ્થિતિમાં, તેમની હાજરી વિના ફિલ્મ માત્ર OTT પર રિલીઝ થઈ શકી હોત. સુપરસ્ટાર સાથે કામ કરવાનો ફાયદો એ છે કે, આ ફિલ્મ થિયેટરમાં જોવા માટે અનેક દર્શકો આવશે.

જ્યારે લવયાત્રી રિલીઝ થઈ હતી, ત્યારે તમે જણાવ્યું હતું કે, કેવી રીતે ફિલ્મ નિર્માતાઓ તમારી સાથે કામ કરવાથી સાવચેત રહેતા હતા. કારણ કે તેઓ વિચારતા હતા કે, જો કંઈપણ ખોટું થશે, તો સલમાન ખાન તેમની સાથે કામ કરશે નહીં. શું આ પરિસ્થિતિ હવે બદલાઈ ગઈ છે?

એક પ્રકારનું આરક્ષણ ચોક્કસ છે જે હંમેશા રહેશે. કારણ કે હું તેમના પરિવાર સાથે જોડાયેલો છું. હું તમામ ફિલ્મ નિર્માતાઓ સાથે કામ કરવા માટે તૈયાર છું. સલમાન ભાઈએ મને એક પ્લેટફોર્મ આપ્યું છે અને મને ટ્રેનિંગ પણ આપી છે પરંતુ, તેનો અર્થ એ નથી કે, તેઓ હંમેશા મારા કરિઅરનું ધ્યાન રાખશે. હું જે પણ કામ કરું છું તે અંગે તેમની સલાહ લેવા માંગુ છું. હું ખરેખર બહાર કામ કરવા માંગુ છું અને એક અભિનેતા તરીકે ખુદને એક્સપ્લોર કરવા ઈચ્છું છું. હું હંમેશા કંઈક શીખવાની કોશિશ કરું છું.
First published: