37,000 ફૂટની ઊંચાઈ પર સૂઈ ગયા પાયલોટ, પ્લેનને લેન્ડ કરાવવાનું ભૂલ્યા

જો તમે હાલમાં જ રિલીઝ થયેલી અજય દેવગનની ફિલ્મ 'રનવે 34' (Runway 34 movie) જોઈ હશે, તો તમને ફ્લાઈટના પાઈલટ અજય દેવગન પણ યાદ હશે જે ફ્લાઈટ દરમિયાન ઊંઘી ગયો હતો. જે બાદ જમીનથી લઈને હવા સુઘી હલચલ મચી ગઈ હતી. ફ્લાઈટમાં બે પાઈલટ હોવા છતાં, ATCની હાલત ખરાબ હતી કારણ કે એક પણ સાથે કોઈ સંપર્ક નહોતો. સાથે જ ફ્લાઈટમાં સવાર મુસાફરોના શ્વાસ અધ્ધર થઈ ગયા હતા. આ વાર્તા ફિલ્મની છે, છતાં ફિલ્મમાં જે ભયાનકતા દર્શાવવામાં આવી છે તે અનુભવી શકાય છે. પરંતુ જરા વિચારો કે જો આ ઘટના વાસ્તવિક જીવનમાં બને તો શું થશે. આવો જ એક કિસ્સો આફ્રિકા (Africa)ના એક દેશમાં બન્યો હતો.

આફ્રિકન દેશ ઈથોપિયામાં ઈથોપિયન એરલાઈન્સની ફ્લાઈટ દરમિયાન બંને પાઈલટ ઊંઘી ગયા હતા, જે સાંભળીને બાકીના લોકોની ઉંઘી ઉડી ગઈ હતી. એટીસી એટલે કે એર ટ્રાફિક કંટ્રોલ તરફથી પાયલોટનો સંપર્ક કરવાના અનેક પ્રયાસો કરવામાં આવ્યા, જે નિષ્ફળ ગયા. જ્યારે ફ્લાઇટ નિર્ધારિત રનવે છોડીને આગળ વધી ત્યારે હંગામો થયો હતો. ઘટના ફ્લાઈટ નંબર ET343ની છે. આ ફ્લાઈટ સુદાનની રાજધાની ખાર્તુમથી ઈથોપિયાની રાજધાની અદીસ અબાબા જઈ રહી હતી.

પાયલોટનો સંપર્ક કરવાના તમામ પ્રયાસો નિષ્ફળ રહ્યા હતા.
જમીનથી 37,000 ફૂટની ઊંચાઈએ ઉડતી ફ્લાઈટના બંને પાઈલટ સૂઈ જાય તો લોકોના શ્વાસ અટવાઈ જવાના છે. 3 કલાકની મુસાફરી દરમિયાન બંને પાઈલટ ફ્લાઈટને ઓટો મોડ પર મૂકીને સૂઈ ગયા હતા. પરંતુ જ્યારે ફ્લાઇટ નિર્ધારિત રનવે પરથી પસાર થઈ અને લેન્ડ થઈ શકી નહીં, ત્યારે ફ્લાઈટની અંદર એલાર્મ વાગ્યું અને પાઈલટોની ઊંઘ ઊડી ગઈ. તેમને પોતાની ભૂલનો અહેસાસ થતા જ શું ખબર તેમના હોશ પણ ઉડી ગયા છે.

Deeply concerning incident at Africa’s largest airline — Ethiopian Airlines Boeing 737 #ET343 was still at cruising altitude of 37,000ft by the time it reached destination Addis Ababa

Why hadn’t it started to descend for landing? Both pilots were asleep. https://t.co/cPPMsVHIJD pic.twitter.com/RpnxsdtRBf

— Alex Macheras (@AlexInAir) August 18, 2022

આ પણ વાંચો: Swiggy પરથી પ્રખ્યાત સિંગરે કર્યો ફૂડનો ઓર્ડર, શુદ્ધ શાકાહારી શખ્સને મળ્યા અંદરથી ચિકન પીસ

પરંતુ તેના કરતાં એટીસીમાં બેઠેલા સ્ટાફની હાલત વધુ ખરાબ હતી, જેઓ પાઈલટોની આવી બેદરકારીને કારણે બેચેન થઈ ગયા હતા અને ફ્લાઈટ નિર્ધારિત રનવે પર ઉતરી ન હતી. એવિએશન હેરાલ્ડ અનુસાર, આ ઘટના સોમવારે બની હતી. રિપોર્ટ અનુસાર, એટીસીએ એલર્ટ જારી કર્યું જ્યારે ફ્લાઈટ નંબર ET343 એરપોર્ટ પહોંચ્યા પછી પણ લેન્ડ ન થઈ. એવિએશન એક્સપર્ટ એલેક્સ માચેરાસે પણ ટ્વીટ કરીને આ ઘટના વિશે જાણકારી આપી હતી જ્યારે ફ્લાઇટ દરમિયાન બંને પાયલોટ ઊંઘી ગયા હતા.

આ પણ વાંચો: પ્રિયજનોના મૃત્યુ પર સ્ત્રીઓએ કાપવી પડે છે પોતાની આંગળીઓ!

નસીબદાર કે ફ્લાઇટ સુરક્ષિત રીતે લેન્ડ થઈ
એવિએશન હેરાલ્ડના અહેવાલ મુજબ, જ્યારે ફ્લાઇટ તેના નિર્ધારિત રનવેથી ઉપર ગઈ જ્યાં તેને લેન્ડ કરવાનું હતું, ત્યારે ઓટોપાયલટ મોડ આપમેળે ડિસ્કનેક્ટ થઈ ગયો. જે પછી એલાર્મ વાગ્યું અને પછી બંને પાઈલટની ઊંઘ ઉડી ગઈ. આ પછી, તેણે લગભગ 25 મિનિટ પછી રનવે પર ઉતરવાની કોશિશ શરૂ કરી અને ત્યાં સુધી પ્લેનને ફરતું રાખ્યું. સદનસીબે કોઈ જાનહાનિ થઈ ન હતી અને પ્લેન સુરક્ષિત રીતે લેન્ડ થઈ ગયું હતું, પરંતુ આ સંયોગ દરેક વખતે બની શકતો નથી. આવી જ એક ઘટના મે મહિનામાં પણ પ્રકાશમાં આવી હતી જ્યારે ન્યૂયોર્કથી રોમ જતી વખતે બંને પાઈલટ ઊંઘી ગયા હતા.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Viral news, Weird news, અજબગજબ