દાઢી કરવા માટે રેઝર ન મળતા કાકાએ કર્યો અનોખો જુગાડ, વીડિયો વાયરલ

દાઢી કરવા માટે રેઝર ન મળતા કાકાએ કર્યો અનોખો જુગાડ, વીડિયો વાયરલ
જુગાડનો વીડિયો વાયરલ.

વાયરલ થયેલા વીડિયોમાં જોઈ શકાય છે કે, એક કાકા કામચલાઉ રેઝર બનાવીને તેનાથી દાઢી કરી રહ્યા છે.

  • Share this:
નવી દિલ્હી: ભારતમાં કોઈપણ સમસ્યાનું સામાન્ય અને તાત્કાલિક સમાધાન 'જુગાડ' (Jugad) છે. લોકો પોતાના રોજિંદા કામો અને પોતાના શોખમાં જુગાડથી જ કામ ચલાવે છે. જેના કારણે કોઈ પણ કામ સરળતાથી અને ઝડપથી પૂર્ણ થઇ જાય. તાજેતરમાં જ એક આવો વીડિયો સોશિયલ મીડિયા (Social Media)માં વાયરલ થયો છે, જેમાં દાઢી (Beard) કરવા માટે રેઝર (Razor) ન મળતાં કાકા જુગાડ લગાવી કામચલાઉ રેઝરથી દાઢી કરી રહ્યા છે.

ઝી ન્યૂઝ દ્વારા શેર કરાયેલા આ વીડિયોમાં જોઈ શકાય છે કે, એક કાકા કામચલાઉ રેઝર બનાવીને તેનાથી દાઢી કરી રહ્યા છે. કાકાએ આ રેઝર એક નાની લાકડી અને દોરમાંથી બનાવ્યું છે. જેમાં બે નાની સળીઓ V શેપમાં એકબીજા સાથે જોડાયેલી છે. જેનાથી તેનો ઉપયોગ કરવો સરળ થઇ જાય. તો બ્લેડ મૂકવાની જગ્યાએ દોરાને એક બાદ એક એમ ઘણા લેયરમાં સેટ કરવામાં આવ્યો છે, જેનાથી દાઢી કરી શકાય.



આ પણ વાંચો: દુબઈ: મહિલાઓએ ઘરની બાલ્કનીમાં પબ્લિસિટી માટે કરી આવી ગંદી હરકત, પોલીસે કરી ધરપકડ

જોકે, આ વીડિયોમાં જોવા મળતા કાકા ક્યાં રહે છે અને કોણ છે તે અંગે પુષ્ટિ નથી થઇ શકી. ઉલ્લેખનીય છે કે, આ વીડિયોમાં જોવા મળેલી ટેક્નિક નવી છે, પરંતુ જુગાડથી કામ કરવું ભારતીયો માટે સામાન્ય બાબત છે.

આ પહેલા અન્ય એક વ્યક્તિનો વીડિયો વાયરલ થયો હતો, જેમાં તેઓ એક નવી ટેક્નિકથી પોતાના વાળ કાપી રહ્યા હતા. જોકે, નવાઈની વાતતો એ છે કે વાળ કાપવા માટે તેમણે તેઓ કોઈ ટ્રીમર કે કાતરની મદદ નહોતી લીધી. વીડિયોમાં જોઈ શકાય છે કે તેમણે વાળ કાપવા માટે એક કાસકો, બ્લેડ અને કલીપની મદદથી પોતાના વાળ સરળતાથી કાપ્યા હતા. સાથે જ તેમણે એક જૂના ન્યૂઝ પેપરની મદદથી એપ્રોન પણ બનાવ્યું હતું.

વીડિયોમાં જોઈ શકાય છે કે, તેઓ એક ક્લિપની મદદથી બ્લેડને કાસકા સાથે અટેચ કરી દે છે. જે બાદ તેઓ કાસકાને પોતાના વાળ પર ફેરવે છે, તેમ વાળ કપાય છે. ઉલ્લેખનીય છે કે, આ વીડિયો લૉકડાઉન દરમિયાન વાયરલ થયો હતો. તે સમયે દેશમાં સલૂન બંધ હતા. જેના કારણે ઘણા લોકો ઘરે વાળ કાપવા લાગ્યા હતા. આ દરમિયાન લોકો એક બીજાને વાળ કાપી આપતા હતા.
Published by:News18 Gujarati
First published:Invalid date

ટૉપ ન્યૂઝ