લો બોલો! યુનિવર્સિટીએ વિદ્યાર્થીઓને ‘ઓનલાઇન’ સ્વિમિંગ ટેસ્ટ આપવા કહ્યું, કેવી રીતે એ પણ જાણી લો!

Corona Virus in China: કોરોના મહામારી (Covid-19 Pandemic) આવ્યા બાદ દુનિયામાં ઘણી બધી ચીજો ઓનલાઇન (Online) થઈ ગઈ છે. જે વસ્તુની આપણે કલ્પના પણ કરી શકતા ન હતા, એ આરામથી ઘરે બેઠા થઈ જાય છે. બાળકોનો અભ્યાસ હોય, પરીક્ષા હોય કે પછી ફિઝિકલ એક્સરસાઇઝ, બધું જ ઓનલાઇન થઈ ગયું. પરંતુ, શું સ્વિમિંગ ઓનલાઇન થઈ શકે? આ સવાલ એટલા માટે કારણકે, ચીનમાં એક યુનિવર્સિટીએ વિદ્યાર્થીઓને ઓનલાઇન સ્વિમિંગ ટેસ્ટ (Online Swimming Test) આપવા માટે કહ્યું છે.

આ ઘટના ઇન્ટરનેટ પર ખૂબ ચર્ચાસ્પદ બની છે. ચીન (China)ના શાંઘાઈમાં આવેલી એક યુનિવર્સિટીએ પોતાના વિદ્યાર્થીઓને 50 મીટર એટલે કે 164 ફૂટની સ્વિમિંગ ટેસ્ટ ઓનલાઇન (Online Swimming Test in China University) V આપવા માટે કહ્યું. હા, 50 મીટરની સ્વિમિંગ ઓનલાઇન કરીને બતાવવાની વાત સાંભળીને તમને હસવું આવી ગયું હશે, પરંતુ યુનિવર્સિટીએ આવું જ કર્યું છે. વાત એમ છે કે ચીનમાં ગ્રેજ્યુએશન પૂરું થતા પહેલા દરેક વ્યક્તિને સ્વિમિંગ આવડે તે જરૂરી છે, જેથી તેમની ફિટનેસ સ્કિલમાં વધારો થાય.

આ પણ વાંચો: સોફામાં અચાનક થયો 'વિસ્ફોટ' અને વ્યક્તિ ઉછળ્યો હવામાં, જુઓ ચોંકાવનારો Video

ઓનલાઇન સ્વિમિંગ થશે કઈ રીતે?

South China Morning Post મુજબ, આ ટેસ્ટને કન્ડક્ટ કરવા માટે અમુક ખાસ અરેન્જમેન્ટ કરવામાં આવશે. ચીનમાં આ સમયે કોરોના વાયરસના કેસમાં ઉછાળો જોવા મળ્યો છે, જેથી ઓનલાઇન ટેસ્ટથી લઇને સ્ટડીને સ્મૂધ રાખવામાં આવી છે. તેનો જ ભાગ છે ઓનલાઇન સ્વિમિંગ ટેસ્ટ. જો કે, આ ટેસ્ટમાં પાણી અને પૂલ સિવાય બધું જ હશે. વાસ્તવમાં વિદ્યાર્થીઓને એક ક્વેશ્ચનેરમાં સ્વિમિંગથી જોડાયેલા દરેક પ્રશ્નોના જવાબ આપવાના રહેશે અને તેમની ટેસ્ટ પૂરી થઈ જશે. ન તો તેમને પૂલમાં જવાનું છે, કે ન તો તરવાનું છે.

આ પણ વાંચો: આખરે ડિશ ટીવીની એન્ટેના ત્રાંસી કેમ લગાવવામાં આવે છે? શું તમે જાણો છો તેનું કારણ

સોશિયલ મીડિયા પર ખૂબ મજાક ઉડી

ચીનની સોશિયલ મીડિયા સાઇટ Weibo પર આ ઘટનાને લઇને ખૂબ મજાક ઉડાવવામાં આવી છે. પોસ્ટને લગભગ 70 હજાર ઇન્ટરેક્શન્સ મળ્યા છે. એક યુઝરે લખ્યું- શું વિદ્યાર્થીઓએ ઘરના બાથટબમાં તરવાનું હશે? તો અન્ય એક યુઝરે લખ્યું કે, શું યુનિવર્સિટી પાણીને સ્વિમિંગથી અલગ કરવા માગે છે? તો બીજા એક યુઝરનું કહેવું હતું કે આ ખરેખર ઇન્ટરનેટ પર સર્ફિંગ કરવાનો મામલો છે.

ઉલ્લેખનીય છે કે, ચીનમાં હાલ ઓમિક્રોન વાયરસનું સંક્રમણ વધી ગયું છે અને પરિસ્થિતિ ઘણી બગડી ચૂકી છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Ajab Gajab, Ajab gajab news, Ccoronavirus, OMG News, Swimming, અજબ ગજબ સમાચાર, અજબગજબ, ચીન