દુનિયાના સૌથી ખતરનાક પક્ષીને આવ્યો ગુસ્સો, પંજાથી ચીરી નાખ્યું માલિકનું પેટ

News18 Gujarati
Updated: April 15, 2019, 6:06 PM IST
દુનિયાના સૌથી ખતરનાક પક્ષીને આવ્યો ગુસ્સો, પંજાથી ચીરી નાખ્યું માલિકનું પેટ
ફાઈલ ફોટો

કેસોવરીના પગમાં અંદરની તરફ છરી જેવા પંજા હોય છે. જેથી તે કોઈ માણસનું પેટ પણ ચીરી શકે છે

  • Share this:
અમેરિકાના ફ્લોરિડામાં દુનિયાના સૌથી ખતરનાક પક્ષી કેસોવરી (શાહમૃગ પ્રજાતીનું પક્ષી)ને એટલો ગુસ્સો આવ્યો કે, તેણે પોતાના માલિકનો જીવ લઈ લીધો. તમને જણાવી દઈએ કે, કેસોવરી દુનિયાનું સૌથી ખતરનાક પક્ષી છે, જે ઓસ્ટ્રેલિયા અને પાપુઆ ન્યૂ ગિનીના જંગલોમાં મળી આવે છે. આકારમાં મોટુ અને ભારે હોવાના કારણે તે ઉડી નથી શકતું.

પ્લોરિડાના અલાચુઆ કાઉન્ટીમાં ફાયર રેસક્યૂ ડિપાર્ટમેન્ટના હેડ ગેનેસ્વિલેએ 'સન' સમાચારને આ જાણકારી આપી. તે અનુસાર, આ ઘટના શુક્રવારની છે. ઘટના તે સમયે ઘટી, જ્યારે કેસોવરીનો માલિક (જેનું નામ જાહેર નથી કરવામાં આવ્યું) પક્ષીઓને બ્રીડિંગ માટે લઈ જઈ રહ્યો હતો.

ફાયર રેસક્યૂ ડિપાર્ટમેન્ટના ડેપ્યુટી ચિપ જૈફ ટેલરે આને દુર્ઘટના જાહેર કરી સમાચારપત્રને કહ્યું કે, દેખરેખ રાખનાર વ્યક્તિ પક્ષીઓના વાડામાં હતો. કોઈ કારણવશ તેનું સંતુલન બગડ્યું અને તે પડી ગયો. આજ સમયે કેસોવરીએ પોતાના પંજાઓથી તેના પર હુમલો કરી દીધો. સમાચાર પત્રના રિપોર્ટ અનુસાર, કેસોવરીએ પંજાથી પોતાના માલિકનું પેટ ચીરી નાખ્યું હતું.

તમને જણાવી દઈએ કે, કેસોવરીના પગમાં અંદરની તરફ છરી જેવા પંજા હોય છે. જેથી તે કોઈ માણસનું પેટ પણ ચીરી શકે છે. તે હુમલો કરે તો બચવું મુશ્કેલ હોય છે. આ પક્ષી ઉડી તો નથી શકતું, પરંતુ દોડવામાં તેજ હોય છે. ઝાડીવાળા જંગલોમાં પણ તેની રપ્તાર 38 કિમી પ્રતિ કલાકની હોય છે.

કેસોવરીનું કદ 1.8 મીટર અને વજન 80 કિલો અથવા તેનાથી પણ વધારે હોઈ શકે છે. એક વખત ગુસ્સે થયા બાદ તે સીધો એટેક કરે છે. તે પોતાના દિશ્મનને પંજાથી ઘાયલ કરે છે, પછી પેટ ફાડી નાખે છે. પોતાના પગથી આવી રીતે એટેક કરી આ પક્ષીએ કેટલાએ લોકોનો જીવ લીધો છે.

જો શરીરના બનાવટની વાત કરીએ તો, તેનો ડાર્ક નીલો રંગ ખુબ સુંદર લાગે છે. તેના માથા પર હાડકાઓની બનેલી એક ટોપીનુમા વસ્તુ હોય છે, જે તેની રક્ષા કરે છે. તેનું શરીર પુરી રીતે ઢંકાયેલું રહે છે, જે પાંખો જેવું લાગે છે. પરંતુ તે ઉડી નથી શકતું.
Loading...

માદા કેસોવરી વર્ષમાં એક વખતમાં ત્રણથી છ ઈંડા આપે છે. ઈંડાનો આકાર 13 સેમી સુધી હોય છે. ઈંડાને સેવવાનું કામ નર શાહમૃગ કરે છે. શાહમૃગના બચ્ચા આચ્છા કથ્થઈ રંગના હોય છે. ફળ અને નાના જીવ જંતુ તેમનું પસંગીનો ખોરાક હોય છે.
First published: April 15, 2019
વધુ વાંચો
Loading...
अगली ख़बर
Loading...