ભારતીઓને યુ.એસ વિઝા મેળવવામાં કેમ વિલંબ થાય છે? સરકારે રાજ્ય સભામાં કંઈક આવુ કારણ આપ્યું

નવી દિલ્હી : વિદેશ મંત્રાલયે ગુરુવારે રાજ્યસભામાં ભારતીયો માટે યુ.એસ વિઝા માટે લાંબા સમય સુધી રાહ જોવાની સમય અંગે જવાબ આપ્યો હતો. વિઝાની માહિતી આપતા મંત્રાલયે કહ્યું કે કોવિડ ઈફેક્ટને કારણે ભારતીયોને અમેરિકન વિઝા મળવામાં વિલંબ થઈ રહ્યો છે. જોકે, વિઝામાં વિલંબને લઈને ભારત યુ.એસ સત્તાવાળાઓ સાથે વાતચીત કરી રહ્યું છે. વિદેશ મંત્રાલયે રાજ્યસભામાં જણાવ્યું કે અમેરિકી સરકારના અધિકારીઓએ જણાવ્યું છે કે કોવિડની અસરને કારણે મોટી સંખ્યામાં વિઝા અરજીઓ પહેલેથી જ પેન્ડિંગ છે, જેના કારણે વધુ વિલંબ થઈ રહ્યો છે.

વિઝાનો રાહ જોવાનો સમય 1000 દિવસ જેટલો લાંબો

તમને જણાવી દઈએ કે થોડા દિવસો પહેલા એવા સમાચાર આવ્યા હતા કે જેઓ B1 (બિઝનેસ) અને B2 (ટૂરિસ્ટ) વિઝા પર અમેરિકા જવાનું વિચારી રહ્યા છે તેમને લગભગ ત્રણ વર્ષ જેટલી રાહ જોવી પડશે અને ભારતમાં અરજદારો માટે રાહ જોવાનો સમય લગભગ 1,000 દિવસનો છે. તે સમયે વિદેશ મંત્રાલયના પ્રવક્તા અરિંદમ બાગચીએ કહ્યું હતું કે અમે ઈચ્છીએ છીએ કે જ્યારે લોકો ક્યાંક જવા ઈચ્છે છે ત્યારે તેની વિઝા સિસ્ટમ સરળ હોવી જોઈએ. આ અમારી અપેક્ષા છે. આ બાબતે ઔપચારિક રીતે ચર્ચા કરવામાં આવી નથી કારણ કે અમે પણ ઈચ્છતા નથી કે કોઈ અમારી સિસ્ટમ પર ટિપ્પણી કરે.

આ પણ વાંચો : અહો આશ્ચર્યમ! ગેરેજના કામદારે જીતી 71 કરોડની લોટરી, સાત પેઢીની ગરીબી એક ક્ષણમાં જ થઈ દુર

યુ.એસ સ્ટેટ ડિપાર્ટમેન્ટે કહ્યું હતું કે રાહ જોવાની સમય ઘટાડવાનો પ્રયાસ કરવામાં આવ્યો હતો. અમેરિકી વિદેશ મંત્રાલયે એક ટ્વિટમાં કહ્યું હતું કે અમે શક્ય તેટલી વહેલી તકે રાહ જોવાનો સમય ઘટાડવા માટે પ્રતિબદ્ધ છીએ. વધતા બેકલોગને ઉકેલવા માટે, અમેરિકાએ વધુ અરજદારોને ઇન્ટરવ્યુ માફી માટે લાયક બનાવ્યા છે. ડ્રોપ બોક્સના કેસોને ચુકાદા માટે વિદેશ મોકલવામાં આવી રહ્યા છે અને હંગામી સ્ટાફ મેળવવામાં આવી રહ્યો છે.

ગયા વર્ષે 82 હજાર વિઝા આપવામાં આવ્યા હતા

અમેરિકાએ છેલ્લા એક વર્ષમાં લગભગ 82,000 વિઝા બહાર પાડ્યાં હતા. જેમાં ભારત અમેરિકી વિઝા માટે લાંબા વેઇટિંગ પિરિયડનો મુદ્દો અમેરિકા સમક્ષ ઉઠાવતું રહ્યું છે. અધિકારીએ કહ્યું હતું કે, "એવી અપેક્ષા છે કે અમે આવતા ઉનાળા સુધીમાં ભારતીયોની 11 થી 12 લાખ વિઝા અરજીઓ પર વિચાર કરીશું."

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Indian Government, US Visa, Visa