Home /News /explained /

Climate change: શું વાયુમંડળની ઉપરની સપાટી ઠંડી થઈને સંકોચાઈ રહી છે?

Climate change: શું વાયુમંડળની ઉપરની સપાટી ઠંડી થઈને સંકોચાઈ રહી છે?

પ્રતીકાત્મક તસવીર

તમામ સ્ટડી અને રિસર્ચ પરથી જાણવા મળે છે કે, પર્યાવરણને સુરક્ષિત રાખવા માટે જે પણ પ્રયાસ કરવામાં આવી રહ્યા છે તેટલા પૂરતા નથી

જળવાયુ પરિવર્તનના દુષ્પ્રભાવને દૂર કરવા માટે સમગ્ર દુનિયાએ હવે આગળ આવવાની જરૂર છે. તમામ સ્ટડી અને રિસર્ચ પરથી જાણવા મળે છે કે, પર્યાવરણને સુરક્ષિત રાખવા માટે જે પણ પ્રયાસ કરવામાં આવી રહ્યા છે તેટલા પૂરતા નથી. અત્યાર સુધીના સંશોધનમાં મહાસાગર અને વાયુમંડળની નિચલી સપાટી પરના દુષ્પ્રભાવ પર ધ્યાન આપવામાં આવ્યું છે પરંતુ હાલમાં થયેલ સ્ટડી પરથી જાણવા મળ્યું છે કે ઉપરના ભાગ પણ સંકોચાવા લાગ્યા છે. સંશોધનમાં જાણવા મળ્યું છે કે, મધ્યમંડળ ઠંડુ થવાની સાથે સતત સંકોચાઈ રહ્યું છે.

ગ્રીન હાઉસ ઉત્સર્જન

દુનિયાના તમામ દેશ પેરિસ સમજૂતીના લક્ષ્યાંકોને પ્રાપ્ત કરવા માટે તેમના પ્રયાસોને ઝડપી કરવા માટે ચર્ચા કરશે તે સમયે આ રિપોર્ટ સામે આવ્યો છે. વૈજ્ઞાનિક જળવાયુ પરિવર્તનની અસર વિશે જણાવી રહ્યા છે અને આર્થિક સ્તર પર થનાર નુકસાન પણ સ્પષ્ટ રૂપે જોવા મળી રહ્યા છે. ગ્લોબલ વોર્મિંગ માટે ગ્રીન હાઉસ ગેસનું ઉત્સર્જન જવાબદાર છે. સાયન્સ ડાયરેક્ટર જર્નલમાં પ્રકાશિત થયેલ સ્ટડીમાં વૈજ્ઞાનિકોએ જણાવ્યું છે કે વાયુમંડળમાં 50 કિમીથી 80 કિમી સુધીની મધ્યમંડળ સપાટી ઠંડી થઈને સંકોચાઈ રહી છે. વૈજ્ઞાનિકોએ ગ્રીનહાઉસ ગેસની અસરો અંગે પહેલેથી જણાવ્યું હતું, પરંતુ આ પ્રકારની અસર પહેલીવાર જોવા મળી રહી છે.

ખેડૂતો ખેતરમાં ખેતીની સાથે 'સોલર પેનલ' લગાવીને સરળતાથી કરી શકે છે વધારાની કમાણી, આ છે સરકારી યોજના

કેવી રીતે સ્ટડી કરવામાં આવી

વૈજ્ઞાનિકોએ નાસાની ત્રણ સેટેલાઈટના આંકડાઓ અને 30 વર્ષ સુધીના નોંધાયેલ આંકડાઓની સરખામણી કરી. આ સરખામણી પરથી જાણવા મળ્યું કે પૃથ્વીના ધ્રુવ ઉપર મધ્યમંડળ ચારથી પાંચ ડિગ્રી ફેરનહેટ સુધી ઓછું થયું છે. જેની સાથે 500થી 650 ફૂટ પ્રતિ દશકના દરથી સંકોચાઈ રહ્યો છે. વર્જીનિયા ટેકમાં વાયુમંડળ વૈજ્ઞાનિક અને આ સ્ટડીના પ્રમુખ લેખ સ્કૉડ બેલીએ આ અંગે નિવેદન આપ્યું છે. તેમણે નિવેદન આપતા જણાવ્યું કે આ બાબતને સમજવા અને જાણવા માટે દાયકાઓનો સમય લાગી શકે છે કે આમાં ગ્રીન હાઉસ ગેસ ઉત્સર્જન, સૌરચક્રમાં ફેરફાર અને અન્ય પ્રભાવની શું અને કેટલી અસર થઈ છે.

ઉપગ્રહનું જોખમ

જળવાયુ પરિવર્તનથી સૌથી વધુ જોખમ સેટેલાઈટને છે, કારણ કે વાયુમંડળીય ગેસ સેટેલાઈટને ખેંચે છે. આ ઘર્ષણથી સેટેલાઈટ કક્ષાની બહાર જતા રહે છે અને વાયુમંડળથી અંતરિક્ષનો કચરો પણ બહાર રહે છે. ઉપરી વાયુમંડળ નીચે તરફ આવશે જેનાથી સેટેલાઈટ અને અંતરિક્ષ કચરા સાથે થતું ગેસનું ઘર્ષણ પણ ઓછુ થઈ જશે.

Maana Patelના ઘરમાં છે મેડલો અને વિજયી કપનો ઢગલો, ઘૂંટણમાં ઈજાના કારણે લાંબો સમય પાણીથી રહી હતી દૂર

વાયુમંડળ પર અસર

મધ્યમંડળ સમતાપમંડળની ઉપરની સપાટી છે, જેનું ઓઝોન લેયર જોખમી કિરણોથી આપણો બચાવ કરે છે. મધ્યમંડળના ભાગરૂપે ઓઝોનની સ્ટડી કરવી ખૂબ જ જરૂરી છે કારણ કે તે વાયુમંડળની સંરચના બદલાવ માટે જવાબદાર હોય છે. જેનાથી વૈજ્ઞાનિકોને સંકેત મળી શકે છે, જે જણાવે છે કે વધુ પડતું ગ્રીન હાઉસ ગેસ ઉત્સર્જન વાયુમંડળના તાપમાન અને પાણીમાં ફેરફાર લાવી શકે છે.

ધ્રુવ પર સૌથી વધુ અસર

મધ્યમંડળની ઉપરની સીમા પૃથ્વીથી 50 માઈલ ઉપર છે જે પૃથ્વીનું સૌથી ઠંડુ ક્ષેત્ર છે. જે ઉત્તરી અને દક્ષિણ ધ્રુવ બંને તરફ ફેલાયેલા છે. મધ્યમંડળમાં થતો ફેરફાર ધ્રુવને સૌથી વધુ અસર કરે છે. વૈજ્ઞાનિકોએ આ વાદળોમાં પણ ફેરફાર જોયા છે, તે વધુ ચમકીલા થઈ રહ્યા છે. જે ધ્રુવથી ખૂબ જ દૂર જઈ રહ્યા છે અને વાતાવરણ અનુસાર સમય પહેલા દેખાઈ રહ્યા છે. સંશોધનકર્તાઓ જણાવે છે કે, આ પ્રકારનો ફેરફાર ત્યારે જ જોવા મળે છે, જ્યારે તાપમાન વધુ ઠંડુ થઈ જાય અને બાષ્પીભવન થયેલ પાણીની માત્રામાં વધારો થાય.



ઠંડુ તાપમાન અને વધુ માત્રામાં પાણીની વરાળ બંને વાયુમંડળમાં જળવાયુ પરિવર્તનનું એક પરિબળ છે. મધ્યમંડળમાં થતો આ મોટો ફેરફાર દુનિયા માટે સૌથી મોટો એક પડકાર છે.
First published:

Tags: Climate change, Environment, અભ્યાસ

આગામી સમાચાર

विज्ञापन
विज्ञापन
विज्ञापन