Michiyo Tsujimura Google Doodle: જાપાની કેમિસ્ટ મિશિયો શૂજીમૂરાનો Green Tea સાથે શું છે સંબંધ, કેમ ગૂગલે આપ્યું સન્માન?

Michiyo Tsujimura Google Doodle Today: જો તમે ગ્રીન ટી (Green Tea) પીવાનું પસંદ કરો છો અને તેનાથી થતા લાભો વિશે જાણો છો તો તમારે મિશોયો શૂજીમૂરા (Michiyo Tsujimura) વિશે ચોક્કસથી જાણવું જોઈએ. શૂજીમુરા એક જાપાની કૃષિ વૈજ્ઞાનિક અને જૈવ રસાયણવિદ હતી. તેમના ગ્રીન ટી પર અભૂતપૂર્વ રીસર્ચે તેમને જાપાનમાં (Japan) પહેલી એગ્રીકલ્ચર ડૉક્ટરેટ પ્રાપ્ત કરનારી મહિલા બનાવી દીધી. તેમની ઉપલબ્ધીઓનું સન્માન કરવા માટે ગૂગલે (Google) આજે તેમની 133મી જન્મજયંતી પર (Michiyo Tsujimura 133th Birth Anniversary) પોતાનું ડૂડલ (Google Doodle) તેમને સમર્પિત કર્યું છે.

17 સપ્ટેમ્બર, 1888ના રોજ જાપાનના ઓકોગાવામાં જન્મેલી શૂજીમુરાએ પોતાની કારકિર્દીની શરૂઆત એક મહિલા હાઇસ્કૂલમાં વિજ્ઞાનનો વિષય ભણાવવાથી કરી હતી. વર્ષ 1920માં તેઓએ પોતાનું ધ્યાન એક વૈજ્ઞાનિક શોધકર્તા બનવા પર કેન્દ્રીત કર્યું અને હોક્કાઇડો ઇમ્પીરિયલ યુનિવર્સિટીમા; એક લેબ આસિસ્ટન્ટ તરીકે કામ શરુ કર્યું. તે સમયે સ્કૂલોએ મહિલા સ્ટુડન્ટ્સને પ્રવેશ આપવાનું શરૂ નહોતું કર્યું.

શરૂઆતમાં તેમણે રેશકના કીડાના પોષણ પર પોતાનું રિસર્ચ શરૂ કર્યું પરંતુ વર્ષ 1922માં તેમની બદલી ટોક્યો ઇમ્પિરિયલ યુનિવર્સિટીમાં વિટામીનના શોધકર્તા ઉમેતારો સુઝુકીની સાથે થઈ. અહીં મિશોયોએ ગ્રીનની બાયોકેમેસ્ટ્રી પર રિચર્ચ કર્યું. બે વર્ષ બાદ, તેઓએ અને તેમના સહયોગી સીતારો મિઉરાએ ગ્રીન ટીમાં વિટામીન સીની શોધ કરી, જેનાથી ઉત્તર અમેરિકામાં ગ્રીન ટીના નિર્યાતમાં વૃદ્ધિ થઈ.

આ પણ વાંચો, વાત એ ગુજરાતીની જે પાકિસ્તાનના વડાપ્રધાન બન્યા, પણ આ કારણે 55 દિવસમાં છોડવું પડ્યું પદ

પાંચ વર્ષ બાદ, તેમણે ગ્રીન ટીમાં કડવો સ્વાદ લાવનારા કેટેચિનને તેનાથી અલગ કરી દીધો. બીજા વર્ષે, તેઓ ગ્રીન ટીથી ક્રિસ્ટલ રૂપમાં ટૈટિન નીકાળવા લાગ્યા. ગ્રીન ટીના ઘટકો પર તેમની થિસીસે તેમને 1932માં ટોક્યો ઇમ્પીરિયલ યુનિવર્સિટીથી એગ્રીક્લ્ચરમાં ડૉકટરેટની ઉપાધિ અપાવી.

આ પણ વાંચો, Time Magazine List: દુનિયાના 100 પ્રભાવશાળી લોકોમાં PM મોદી, મમતા, પૂનાવાલાનો સમાવેશ

તેમણે પોતાના રિસર્ચ માટે વર્ષ 1956માં કૃષિ વિજ્ઞાનના જાપાનના પુરસ્કારથી સન્માનિત થતા પહેલા અનેક સ્કૂલો અને યુનિવર્સિટીઓમાં પ્રોફેસર અને લેક્ચરર તરીકે કામ કરવાનું ચાલું રાખ્યું. વર્ષ 1969માં 81 વર્ષની ઉંમરે તેમનું નિધન થયું. આજે ગૂગલ ડૂડલમાં તેમને પોતાની લેબોરેટરીમાં ગ્રીન ટી પર રિસર્ચ કરતા દર્શાવવામાં આવ્યા છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Google doodle, Green tea, Michiyo Tsujimura, જાપાન