International Translation Day 2021: શા માટે ઉજવવામાં આવે છે આંતરરાષ્ટ્રીય અનુવાદ દિવસ? જાણો તેનું મહત્ત્વ અને ઇતિહાસ

વિશ્વભરમાં અનુવાદ સમુદાયની એકજૂથતા દર્શાવવા માટે FIT દ્વારા એક માન્યતા પ્રાપ્ત આંતરરાષ્ટ્રીય અનુવાદ દિવસની વર્ષ 1991માં શરૂઆત કરી હતી. (પ્રતીકાત્મક તસવીર- Shutterstock)

International Translation Day 2021: કોરોના મહામારીની પરિસ્થિતીને ધ્યાનમાં રાખીને આ વર્ષની થીમ United in translation છે

  • Share this:
International Translation Day 2021: દર વર્ષે 30 સપ્ટેમ્બરે સમગ્ર વિશ્વમાં આંતરરાષ્ટ્રીય અનુવાદ દિવસ (International Translation Day) મનાવવામાં આવે છે. અનુવાદ (Translation) દરેક માણસના જીવનનો એક મહત્ત્વપૂર્ણ ભાગ છે. અનુવાદ દ્વારા જ આપણે કોઈ પણ દેશની ભાષા સમજી અને જાણી શકીએ છીએ. તેથી આજે આ દિવસે અમે તમને તેની સાથે જોડાયેલ દરેક વાત જણાવશું.

આંતરરાષ્ટ્રીય અનુવાદ દિવસનું મહત્ત્વ (Importance of International Translation Day)

24 મે, 2017માં સંયુક્ત રાષ્ટ્ર મહાસભાએ (United Nations General Assembly- UNGA) 30 સપ્ટેમ્બરને આંતરરાષ્ટ્રીય અનુવાદ દિવસ (International Translation Day) તરીકે મનાવવાની જાહેરાત કરી હતી. સંયુક્ત રાષ્ટ્રનું (United Nations- UN) કહેવું છે કે આંતરરાષ્ટ્રીય અનુવાદ દિવસ ભાષા વિશેષકોના કામનું સન્માન અને સરાહના કરવાનો એક અવસર છે. જે આંતરરાષ્ટ્રીય સમજને વિસ્તૃત કરવા, સંચારમાં સુધાર લાવવા અને રાષ્ટ્રોની વચ્ચે સહયોગને વધારવાની સાથે વિશ્વભરમાં શાંતિ અને સુરક્ષામાં યોગદાન આપવામાં મહત્વપૂર્ણ ભૂમિકા નિભાવે છે. આજે પ્રગતિશીલ વૈશ્વીકરણ યુગમાં અનુવાદ વિશ્વભરના તમામ દેશો માટે એક અનિવાર્યતા બની ગયું છે.

ક્યારે થઈ આ દિવસની શરૂઆત?

આંતરરાષ્ટ્રીય અનુવાદ દિવસ(International Translation Day) દર વર્ષે 30 સપ્ટેમ્બરે સેંટ જેરોમ(St.Jerome) જે બાઇબલ ટ્રાન્સ્લેટર હતા અને જેને ભાષાવિદોના સંરક્ષક સંત માનવામાં આવતા હતા. તેમના માનમાં આ દિવસ મનાવવામાં આવે છે.

સંયુક્ત રાષ્ટ્રના જણાવ્યા અનુસાર, “સેંટ જેરોમ ઉત્તર-પૂર્વીય ક્ષેત્રના દેશના ઈટાલિયન સંત હતા, જે ગ્રીક લીપીઓમાંથી લેટિનમાં અનુવાદિત કરવામાં તેમના પ્રયાસો માટે સૌથી પ્રખ્યાત છે. જેરોમ 30 સપ્ટેમ્બર, 420ના રોજ બેથલહેમ નજીક મૃત્યુ પામ્યા હતા.”

આ પણ વાંચો, દુશ્મનો સામે બ્રહ્માસ્ત્ર સમાન છે Hypersonic Missile, જાણો શા માટે તેને વિકસાવવામાં લાગી છે હોડ?

વિશ્વભરમાં અનુવાદ સમુદાયની એકજૂથતા દર્શાવવા માટે FIT દ્વારા એક માન્યતા પ્રાપ્ત આંતરરાષ્ટ્રીય અનુવાદ દિવસની વર્ષ 1991માં શરૂઆત કરી હતી. ઈન્ટરનેશનલ ફેડરેશન ઓફ ટ્રાન્સલેટર્સ(FIT)ની સ્થાપના 1953માં થઇ હતી. વર્ષ 1991માં FITએ સમગ્ર વિશ્વમાં અનુવાદ સમુદાયની ઓળખને આગળ વધારવા માટે આંતરરાષ્ટ્રીય અનુવાદ દિવસ મનાવવાની શરૂઆત કરી હતી.

આ પણ વાંચો, ડિજિટલ હેલ્થ ID કેવી રીતે મેળવી શકાશે અને તેમાં શું સુવિધા મળશે, જાણો વિગતવાર

યુનાઇટેડ નેશન્સ જનરલ એસેમ્બલીએ મે, 2017માં 71/288 ઠરાવનો અમલ શરૂ કર્યો, જેમાં રાષ્ટ્રોને જોડવા અને શાંતિ, સમજણ અને ઉન્નતિને પ્રાત્સાહન આપવા માટે ભાષા નિષ્ણાંતોનું મહત્વ હતું અને 30 સપ્ટેમ્બરને આંતરરાષ્ટ્રીય અનુવાદ દિવસ તરીકે જાહેર કરવામાં આવ્યો હતો.

દર વર્ષે આ દિવસ માટે ખાસ થીમ નક્કી કરવામાં આવે છે. કોરોના મહામારીની પરિસ્થિતીને ધ્યાનમાં રાખીને આ વર્ષની થીમ “United in translation" છે.
Published by:Mrunal Bhojak
First published: