Home /News /explained /

'International Day for the Abolition of Slavery': ગુલામીના આધુનિક સ્વરૂપો ખતમ કરવા જરૂરી, આ છે 2021ની થીમ

'International Day for the Abolition of Slavery': ગુલામીના આધુનિક સ્વરૂપો ખતમ કરવા જરૂરી, આ છે 2021ની થીમ

પ્રાચીન કાળથી ચાલી આવતી ગુલામી પ્રથા આજે પણ કોઈ ને કોઈ સ્વરૂપે જોવા મળે છે. (Image- Shutterstock)

'International Day for the Abolition of Slavery': માનવ તસ્કરી અને વેશ્યાવૃત્તિને રોકવા માટે સંયુક્ત રાષ્ટ્ર જનરલ એસેમ્બલી દ્વારા એક ઠરાવ પસાર કરવામાં આવ્યો હતો, જેમાં 2 ડિસેમ્બરને ગુલામી નાબૂદી દિવસ તરીકે જાહેર કરવામાં આવ્યો.

    સમગ્ર વિશ્વમાંથી ગુલામીનો અંત લાવવા માટે દર વર્ષે 2 ડિસેમ્બરના આંતરરાષ્ટ્રીય ગુલામી નાબૂદી દિવસ (International Day Of Abolition For Slavery)ની ઉજવણી કરવામાં આવે છે. પ્રાચીન કાળથી ચાલી આવતી ગુલામી પ્રથા આજે પણ કોઈ ને કોઈ સ્વરૂપે જોવા મળે છે. યુનાઈટેડ નેશન્સે દર વર્ષે 2 ડિસેમ્બરને આંતરરાષ્ટ્રીય ગુલામી નાબૂદી દિવસ તરીકે જાહેર કર્યો છે. માનવ તસ્કરી અને વેશ્યાવૃત્તિને રોકવા માટે સંયુક્ત રાષ્ટ્ર જનરલ એસેમ્બલી દ્વારા એક ઠરાવ પસાર કરવામાં આવ્યો હતો, જેમાં 2 ડિસેમ્બરને ગુલામી નાબૂદી દિવસ તરીકે જાહેર કરવામાં આવ્યો.

    આંતરરાષ્ટ્રીય ગુલામી નાબૂદી દિવસનો ઉદ્દેશ

    આ દિવસ ઉજવવા પાછળનો ઉદ્દેશ ગુલામીના વર્તમાન સ્વરૂપોને ખતમ કરવાનો છે. તેમાં મનુષ્યોની તસ્કરી, યૌન શોષણ, બાળમજૂરી, બળજબરી લગ્ન, હથિયારોની સ્પર્ધામાં બાળકોની દબાણપૂર્વક ભરતી કરવી વગેરે બાબતો સામેલ છે. આ બધા જ આધુનિક યુગમાં ગુલામી પ્રથાના પ્રતિક છે.
    યુએન માને છે કે ગુલામીના આ પ્રકારો સમાજમાં સૌથી વધુ સંવેદનશીલ જૂથો, જેમ કે નીચલી જાતિ, આદિવાસી લઘુમતી લોકો તરીકે ગણવામાં આવતા લોકો સામે લાંબા સમયથી ચાલતા ભેદભાવનું પરિણામ છે.

    આ વર્ષની થીમ

    આંતરરાષ્ટ્રીય ગુલામી નાબૂદી દિવસ માટે આ વર્ષની થીમ છે ‘Ending Slavery's Legacy of Racism: A Global Imperative for Justice’ (જાતિવાદના ગુલામીના વારસાનો અંત: ન્યાય માટે વૈશ્વિક આવશ્યકતા).

    આંતરરાષ્ટ્રીય ગુલામી નાબૂદી દિવસનો ઇતિહાસ

    2 ડિસેમ્બર 1949ના રોજ સંયુક્ત રાષ્ટ્ર મહાસભામાં એક ઠરાવ પસાર કરવામાં આવ્યો હતો, જે અંતર્ગત આંતરરાષ્ટ્રીય ગુલામી નાબૂદી દિવસ અપનાવવામાં આવ્યો. આમાં મુખ્ય ઉદ્દેશ્ય માનવ તસ્કરી અને વેશ્યાવૃત્તિને રોકવાનો હતો. બંનેને ગુલામીના પ્રતીક તરીકે ધ્યાનમાં લેતા ઠરાવ 317 (IV) પસાર કરવામાં આવ્યો હતો. યુનાઈટેડ નેશન્સ અનુસાર, અંદાજિત 4 કરોડ 3 લાખ લોકો આધુનિક ગુલામીનો શિકાર છે. જેમાં 2 કરોડ 49 લાખ લોકો મજૂરીમાં અને 1 કરોડ 54 લાખ લોકો બળજબરીથી લગ્નમાં સામેલ છે. સૌથી મહત્વની વાત એ છે કે આધુનિક ગુલામીનો ભોગ બનેલા દર 4 લોકોમાંથી 1 બાળક છે.

    આ પણ વાંચો: રાષ્ટ્રીય પ્રદૂષણ નિયંત્રણ દિવસ 2 ડિસેમ્બરે જ શા માટે મનાવવામાં આવે છે? જાણો ઇતિહાસ, મહત્વ અને થીમ
    મહત્વ

    બંધુઆ મજૂરોની જેમ જીવતા બાળકોને મુખ્ય પ્રવાહમાં લાવવા માટે આંતરરાષ્ટ્રીય ગુલામી નાબૂદી દિવસથી જાગૃતિ લાવવી મહત્વપૂર્ણ છે. બાળકો અને વાલીઓને આ અંગે માહિતગાર કરીને તેને અટકાવવાના પગલાં લઈ શકાય છે. આ ઉપરાંત કામના નામે યૌન શોષણનો ભોગ બનેલી મહિલાઓના શોષણને રોકવા માટે પણ આ દિવસનું મહત્વ છે. મહિલાઓ અને બાળકોને સામાન્ય જીવન આપવા માટે કાર્યક્રમો યોજીને તેને રોકવા માટે સતત પ્રયાસો કરવા જરૂરી છે.

    આ પણ વાંચો: Photos: ભારત નહીં, આ દેશમાં છે દુનિયાનું સૌથી જૂનું શાકાહારી રેસ્ટોરન્ટ, 123 વર્ષથી ચાલી રહ્યું છે

    ગુલામી નાબૂદી દિવસ ઉજવવાની રીત

    આ દિવસે બુદ્ધિજીવીઓ તેમના સંશોધન અને ડેટા સેમિનારમાં રજૂ કરે છે અને લોકો પોતપોતાની રીતે લેખન સામગ્રી દ્વારા તેમના વિચારો વ્યક્ત કરે છે. સમયાંતરે ગુલામી પ્રથા કેવી રીતે બંધ થવી જોઈએ, તેના પર વાર્તાલાપ અને સમીક્ષા સત્ર યોજાય છે. વાદ-વિવાદ ઉપરાંત લોકોને જાગૃત કરવા માટે વક્તવ્ય અને સ્પીચ સેશનનું આયોજન પણ કરવામાં આવે છે.
    Published by:Nirali Dave
    First published:

    Tags: Explained, History, Human Trafficking, Prostitution, ભારત

    આગામી સમાચાર

    विज्ञापन
    विज्ञापन
    विज्ञापन