દેશમાં કોરોના બેકાબૂ થવા પાછળ વાયરસનો ડબલ મ્યૂટેન્ટ જવાબદાર? જાણો તમામ માહિતી

વાયરસ સતત સ્વરૂપ બદલતો રહે છે અને મ્યૂટેશન બાદ વાયરસ ક્યારેક ખતરનાક થઈ જાય છે, ક્યારેક નબળો પડી જાય છે

વાયરસ સતત સ્વરૂપ બદલતો રહે છે અને મ્યૂટેશન બાદ વાયરસ ક્યારેક ખતરનાક થઈ જાય છે, ક્યારેક નબળો પડી જાય છે

  • Share this:
    નવી દિલ્હી. ભારતમાં કોરોના વાયરસ (Coronavirus)ના રોજ બે લાખથી વધુ કેસ સામે આવી રહ્યા છે. વિશેષજ્ઞો વધતા સંક્રમણ માટે વાયરસના ડબલ મ્યૂટેશન (Corona Double Mutation)ને જવાબદાર માની રહ્યા છે. જેના કારણે સંક્રમણના કેસ ભારત (India), બ્રાઝીલ (Brazil)ને પાછળ મૂકીને બીજા નંબર પર પહોંચી ગયું છે. ભારતમાં કોરોનાના એક કરોડ 40 લાખથી વધુ કેસ છે અને એક લાખ 75 હજારથી વધુ દર્દી સંક્રમણના કારણે મૃત્યુ પામ્યા છે. વિશ્વ આરોગ્ય સંગઠન (WHO)ની મારિયા વાન કરખોવેએ શુક્રવારે કહ્યું કે આ પ્રકારના મ્યૂટેશન દુનિયાના અન્ય દેશોમાં પણ જોવા મળ્યા છે, અને આ ચિંતાનો વિષય છે.

    ડબલ મ્યૂટેશનને ઓળખો

    કોરોનાના નવા વેરિયન્ટ B.1.617 ભારતમાં શરૂઆતના બે મ્યૂટેશન E484Q અને L452Rના રૂપમાં ઓળખાતો હતો. તેની ઓળખ ગયા વર્ષે એક ભારતીય વૈજ્ઞાનિકે કરી હતી. ગત સોમવારે આ વિશે WHOએ જાણકારી આપી. મૂળે વાયરસ સતત સ્વરૂપ બદલતો રહે છે અને મ્યૂટેશન બાદ વાયરસ ક્યારેક ખતરનાક થઈ જાય છે, ક્યારેક નબળો પડી જાય છે. ટાઇમ્સ ઓફ ઈન્ડિયાના રિપોર્ટ મુજબ માર્ચના અંતમાં સ્વાસ્થ્ય મંત્રાલયે કોરોનાના ડબલ મ્યૂટેશન હોવાનો સ્વીકાર કર્યો હતો, પરંતુ તેના પ્રભાવને નબળો આંકવામાં આવ્યો હતો.

    આ પણ વાંચો, અચાનક પાણીને બદલે નદીમાં વહેવા લાગ્યું દૂધ, તપેલી-ડોલ લઈને લોકો દોડી પડ્યા

    નવો વેરિયન્ટ વધુ ખતરનાક?

    શોધકર્તા એ વિશ હજુ તપાસ કરી રહ્યા છે. જોકે L452Rને લઈને અમેરિકાના અધ્યયનોમાં ઘણું બધું કહેવામાં આવ્યું છે. વિશેષજ્ઞો મુજબ આ મ્યૂટેશનથી સંક્રમણના દરમાં 20 ટકાનો વધારો થઈ જાય છે અને એન્ટી બોડીના પ્રભાવને 50 ટકાથી વધુ ઓછી કરી દે છે.

    આ પણ વાંચો, માણસાઈ લજવાઈ! અર્થીને ચાર કાંધ પણ ન મળી, લોડિંગ રિક્ષામાં શબ યાત્રા, જાણો શું છે કારણ

    હાવર્ડ મેડિકલ સ્કૂલના પૂર્વ પ્રોફેસર વિલિયમ એ. હસેલટાઇને 12 એપ્રિલે લખ્યું હતું કે કોરોનાના B.1.617 વેરિયન્ટના ખૂબ ખતર થવાના લક્ષણ મળ્યા છે. આપણે તેની ઓળખ કરવાની સાથે તેના સંક્રમણને રોકવા માટે તમામ પ્રયાસ કરવા પડશે.

    B.1.617ની વિરુદ્ધ વેક્સીન કારગર?

    અપર્ણા મુખર્જીએ કહ્યું કે, વેક્સીન B.1.617 વેરિયન્ટની વિરુદ્ધ કેટલી અસરકારક છે તે કહેવું ખૂબ જ મુશ્કેલ છે. નવા વેરિયન્ટને લઈને ભારતમાં રિસર્ચ ચાલી રહ્યું છે કે B.1.617 રોગપ્રતિકારક શક્તિને અવગણી શકે છે. તેનો અર્થ એ કે કે વાયરસના વેરિયન્ટ શરીરમાં હાજર એન્ટિ બોડીથી બચીને છટકી જવામાં સફળ તો નથી રહેતા ને.
    Published by:Mrunal Bhojak
    First published: