કોરોનાકાળમાં બેરોજગાર છો? તો પોતાનો ધંધો શરૂ કરવા આ યોજના આપશે 10 લાખ સુધીની લોન

હાલ કોરના મહામારીએ (Corona pandemic) અનેક લોકોની રોજગારી (Employment) છીનવી લીધી છે. પરંતુ કહેવાય છે ને કે, જો એક રસ્તો બંધ થઇ જાય તો તમારી પાસે અનેક રસ્તાઓ ખૂલી જાય છે. તો આજે આપણે જો રોજગારી તક ન હોય તો કોઇ ધંધો શરૂ કરવા માટે અહીં એક સરકારની લોનની વાત કરવાનાં છે. જેનાથી તમે તમારા સપના સાકાર કરી શકો છો. આજે આપણે ધંધો શરૂ કરવા માટેની સરકારી સહાય એટલે મુદ્રા લોન (Mudra - Micro Units Development & Refinance Agency Ltd) અંગે વાત કરવાના છીએ. પ્રધાનમંત્રી મુદ્રા લોન યોજનાનો શુભારંભ વર્ષ 2015માં કરાયો હતો. આ યોજના હેઠળ દેશના લોકોને પોતાનો નાનો ધંધો શરૂ કરવા માટે 10 લાખ રૂપિયા સુધીની લોન આપવામાં આવે છે. આ અંતર્ગત શિશુ, કિશોર અને તરુણ નામના ત્રણ પ્રકારની લોન આપવામાં આવે છે. મુદ્રા લોનની ચૂકવણી ઇએમઆઈ વિકલ્પો સાથે 3 વર્ષથી 5 વર્ષ સુધીની હોય છે.

બેંક અથવા નાણાકીય સંસ્થાઓ દ્વારા સુક્ષ્મ એકમોને આવક મેળવવા અને બિન કૃષિ પ્રવૃત્તિઓ માટે રૂ.10 લાખ સુધીની લોન માટેની જોગવાઇ. ઉત્પાદન, સેવા, નાના વ્યવસાય અને વેપાર હેઠળ આવનાર નાની બિઝનેસ પ્રવૃત્તિઓને લોન પ્રદાન કરવા માટે પ્રધાનમંત્રી મુદ્રા યોજના શરૂ કરવામાં આવી છે. આ યોજના અંતર્ગત લોન નીચે મુજબ ત્રણ વર્ગમાં ઉપલબ્ધ છે. આ લોન માટે કોઇપણ ભારતીય નાગરીક અરજી કરી શકે છે.

શિશુ લોન-રૂ.50,000/- સુધીની લોન
કિશોર લોન-રૂ.50,000/- થી રૂ 5 લાખ સુધીની
તરૂણ લોન-રૂ.5 લાખ થી રૂ.10 લાખ સુધીની

અમદાવાદ જ્વેલર્સમાં દંપતીનો લૂંટનો પ્રયાસ: પતિ સિલાઇકામ કરતો હોવાથી બાઇકની નંબર પ્લેટ છૂપાવવા માટે કર્યું ગજબનું તિકડમ

યોજનામાં લાભ

જામીન સિવાય લોનની સુવિધા ઉપલભ્ધ છે
મહિલાઓ દ્વારા આયોજિત ને 0.25 ટકા ઓછું વ્યાજ ચૂકવવું પડશે.

ઉત્પાદન, વ્યવસાય અરીસોર્ફોરા પ્રવૃત્તિઓ માટે લોનની સુવિધાઓ: વાહન વ્યવહાર પ્રવૃતિ માટે લોન: ઓટો રીક્ષા, નાના માલવાહક વાહનો, થી વ્હીલર્સ, પેસેનજર ખરીદવા માટે લોન.

સામૂહિક, સામાજિક અને વ્યક્તિગત સેવા પ્રવૃત્તિ માટે લોન: જેવી કે સલૂન, બ્યુટી પાર્લર જીમ બ્યુટીકસ , દરજીની દુકાન, ડ્રાય કિલનિંગ, સાયકલ અને મોટરસાયકલ રીપેરીગ દુકાન, ઝેરોક્ષ માટેની દુકાન, દવાની દુકાન, કુરિયર એજન્ટસ સેવાઓ વગેરે માટે લોન.

કઇ રીતે રસી મૂકાવશે ગુજરાત? ક્યાંક લાંબી કતારો તો ક્યાંક વેક્સિન સેન્ટરો જ બંધ

ફૂડ પ્રોડક્ટસ પ્રવૃત્તિ માટે લોન: ગૃહ ઉદ્યોગો જેવા કે પાપડ, અથાણાં, જામ કે જેલી બનાવવા, ગ્રામ્ય કક્ષાએ કૃષિ ઉત્પાદનોનું સંરક્ષણ, મીઠાઇની દુકાનો, નાના ફૂડ સ્ટોલસ અને કેન્ટીન સેવાઓ, આઇસ અને આઇસ્કીમ બનાવવાના એકમો, બિસ્કીટ, બ્રેડ બનાવવના એકમો વગેરે.

અમલીકરણ સંસ્થાઓ: કોઇ પણ બેંકની શાખા

અરજીમાં જરૂરી દસ્તાવેજો

1. ઓળખનો પુરાવો - મતદારના ID કાર્ડ / ડ્રાઇવિંગ લાઇસન્સ / પાન કાર્ડ / આધાર કાર્ડ / પાસપોર્ટની સ્વ પ્રમાણિત નકલ.
2. રહેઠાણનો પુરાવો - તાજેતરના ટેલીફોન બિલ, વીજળી બિલ, મિલકત કરની રસીદ (2 મહિના કરતાં જૂનું નહી), મતદારનું આઈડી કાર્ડ, આધાર કાર્ડ અને માલિક / પાર્ટનર્સ ના પાસપોર્ટ.
3. એસસી / એસટી / ઓબીસી / લઘુમતીનો પુરાવો.
4. બિઝનેસ એન્ટરપ્રાઇઝના ઓળખ / સરનામાનો પુરાવો - સંબંધિત લાઇસન્સ / નોંધણી પ્રમાણપત્રો / બિઝનેસની માલિકીના દસ્તાવેજ, ઓળખ અને સરનામા સંબંધિત અન્ય દસ્તાવેજો.
5. અરજદાર કોઈ પણ બેન્ક / નાણાકીય સંસ્થામાં ડિફોલ્ટર ન હોવો જોઈએ.
6. વર્તમાન બેન્કર, જો કોઈ હોય તો, એકાઉન્ટ્સનું નિવેદન (છેલ્લા છ મહિનાનું)
7. આવકવેરા / વેચાણવેરા વળતર વગેરે સાથે યુનિટની છેલ્લી બે વર્ષની બેલેન્સશીટ. (રૂ. 2 લાખથી વધુ અને તમામ કિસ્સાઓ માટે લાગુ)
8. કાર્યકારી મૂડી મર્યાદા અને ટર્મ લોનના કિસ્સામાં લોનની મુદત માટે એક વર્ષ માટે અંદાજિત બેલેન્સ શીટ્સ (રૂ. 2 લાખ અને ઉપરના બધા કિસ્સાઓ માટે લાગુ)
9. અરજીની રજૂઆતની તારીખથી ચાલુ નાણાંકીય વર્ષમાં મેળવેલી સેલ્સ.
10. તકનીકી અને આર્થિક વાતાવરણની વિગતો ધરાવતી પ્રોજેક્ટ રિપોર્ટ (સૂચિત યોજના માટે).
11. પાર્ટનરશીપ ડીડ (ભાગીદારી પેઢીના કિસ્સામાં) વગેરે
12. સંપત્તિ અને જવાબદારી નિવેદન (પક્ષની બાંયધરીની ગેરહાજરીમાં), લેનારાઓ સહિતના પાર્ટનર્સને નેટ-વર્થની જાણકારી માટે પૂછી શકાય છે.
13. માલિક / ભાગીદારોના ફોટા (બે કોપી)

એક સમયે પુરની ભયંકર આપત્તિથી પીડાતું હતું નેધરલેન્ડ, હવે બનાવી દીધા પાણીમાં તરતા ઘર!

લોન માટે ઓનલાઈન અરજી કરવાની પ્રક્રિયા

• સૌથી પહેલા તમારે મુદ્રા યોજનાની ઓફિશિયલ વેબસાઈટ https://www.mudra.org.in/પર જવુ પડશે.


• પ્રધાનમંત્રી મુદ્રા લોન યોજનાનું હોમ પેઈઝ ખુલશે. હોમમ પેઈઝ પર નીચે જશો તેમ શિશુ, કિશોર અને તરુણનો ઓપ્શન દેખાશે.


• આ પસંદ કર્યા પછી, તમારી સામે એક નવું પેજ ખુલશે. તમારે આ પેજ પરથી એપ્લિકેશન ફોર્મ ડાઉનલોડ કરવું પડશે.


• આ પછી તમારે આ એપ્લિકેશન ફોર્મની પ્રિન્ટ આઉટ લેવાની રહેશે. હવે તમારે અરજી ફોર્મમાં પૂછાયેલી બધી મહત્વપૂર્ણ માહિતી ભરવાની રહેશે.


• આ પછી તમારે બધા મહત્વપૂર્ણ દસ્તાવેજો જોડવા પડશે. હવે તમારે આ અરજી ફોર્મ તમારી નજીકની બેંકમાં સબમિટ કરવાની રહેશે.


• તમારી અરજીની ચકાસણી કર્યા પછી, તમને એક મહિનાની અંદર લોન આપવામાં આવશે.

કેવી રીતે કરશો અરજી

આ યોજના હેઠળ જે ઈચ્છુક લાભાર્થી લોન પ્રાપ્ત કરવા માટે અરજી કરવા માંગે છે. તે પોતાની નજીકની સરકારી બેંક, ખાનગી બેંક, ગ્રામીણ બેંક અને વાણિજ્ય બેંક વગેરેમાં પોતાના તમામ દસ્તાવેજો સાથે જઈને અરજી કરી શકો છો. જે બાદ જે બેંકથી તમે લોન લેવા માંગો છો ત્યાં જઈને એપ્લીકેશન ફોર્મ ભરો અને તેની સાથે પોતાના તમામ દસ્તાવેજને અટેચ કરી બેંકના અધિકારી પાસે જમા કરો.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Business, Employment, Mudra, Start up, ભારત