Home /News /explained /

Wi-Fiનું નામ તો સાંભળ્યું હશે, પરંતુ Li-Fi વિશે તમે કેટલું જાણો છો? આ રીતે ચલાવી શકો છો ઇન્ટરનેટ

Wi-Fiનું નામ તો સાંભળ્યું હશે, પરંતુ Li-Fi વિશે તમે કેટલું જાણો છો? આ રીતે ચલાવી શકો છો ઇન્ટરનેટ

Li-Fiની સિસ્ટમ અલગ હોય છે અને લાઇટના માધ્યમથી ડેટા ટ્રાન્સફર થાય છે.

Wi-Fi and Li-Fi Difference: લાઈફાઈનું ફુલ ફોર્મ લાઇટ ફિડેલિટી (Light Fidelity) છે. આ એક વાયરલેસ કમ્યુનિકેશન ટેક્નોલોજી છે, જેનો ડેટા ટ્રાન્સફર માટે ઉપયોગ થાય છે.

    Wi-Fi and Li-Fi Difference: ઇન્ટરનેટના યુગમાં વાઈ-ફાઈ (Wi-Fi) બહુ સામાન્ય થઈ ગયું છે. તમે પણ વાઈ-ફાઈ વિશે ઘણું બધું જાણતા હશો અને તેનો ઉપયોગ પણ કર્યો હશે. પરંતુ વાઈફાઈ જેવું જ એક નામ છે લાઈ-ફાઈ (Li-Fi). વાઈ-ફાઈનો તો તમે ઉપયોગ કર્યો હશે, પરંતુ શું તમે લાઈ-ફાઈ વિશે જાણો છો? લાઈફાઈ પણ ઇન્ટરનેટથી જ સંબંધિત છે, પરંતુ તેની કામ કરવાની રીત થોડી અલગ છે. જો તમે પણ લાઈ-ફાઈ વિશે જાણી લેશો તો તો તેનો ઉપયોગ જરૂરથી કરવા ઇચ્છશો.

    શું હોય છે લાઈફાઈ?

    લાઈફાઈનું ફુલ ફોર્મ લાઇટ ફિડેલિટી (Light Fidelity) છે. આ એક વાયરલેસ કમ્યુનિકેશન ટેક્નોલોજી છે, જેનો ડેટા ટ્રાન્સફર માટે ઉપયોગ થાય છે. લાઈફાઈ વિશે જાણતા પહેલા તમને જણાવી દઈએ કે ઇન્ટરનેટ પર જે પણ ડેટા ટ્રાન્સફર થાય છે, તે 1, 0ના રૂપમાં થાય છે, જેને બાઇનરી લેન્ગ્વેજ કહેવામાં આવે છે. તમે ઇન્ટરનેટ પર જે પણ રિઝલ્ટ ઇચ્છો છો, તે તમને 0, 1 દ્વારા મળે છે. એવામાં જ્યારે તમે વાઈફાઈથી ઇન્ટરનેટ ચલાવો છો તો આ ડેટા રેડિયો સિગ્નલના માધ્યમથી આવે છે. વાઈફાઈમાં કોઇપણ સિગ્નલ 0, 1 દ્વારા ટ્રાન્સફર થાય છે, પરંતુ લાઈફાઈની રીત અલગ છે.

    આ પણ વાંચો: Wi-Fi Calling: શું છે વાઇ-ફાઇ કોલિંગ, તેના ફાયદા શું છે અને તમારા સ્માર્ટફોનમાં કઈ રીતે કરશો સેટિંગ?

    લાઈફાઈ કઈ રીતે કામ કરે છે?

    લાઈફાઈની સિસ્ટમ અલગ હોય છે અને લાઇટના માધ્યમથી ડેટા ટ્રાન્સફર થાય છે. તેમાં સિસ્ટમમાં એક એલઇડી બલ્બ લાગેલો હશે અને તેનાથી નીકળતા પ્રકાશના માધ્યમથી ડેટા ટ્રાન્સફર થશે. એટલે કે તેમાં એક એલઈડી દ્વારા ઇન્ટરનેટ મળશે. ઘણાં લોકોનું માનવું છે કે રેડિયો સિગ્નલ દ્વારા ડેટા મોકલી શકાય છે, પરંતુ લાઇટ હંમેશા બળતી રહે છે તો કઈ રીતે 1, 0 મોકલી શકાય છે. પરંતુ લાઈફાઈમાં એલઈડી બલ્બ ફ્લિકર કરશે અને તેના દ્વારા ડેટા મોકલવામાં આવશે. તે અમુક સેકન્ડમાં લાખો વખત ફ્લિકર કરશે એટલે કે ઝબૂક-ઝબૂક થશે અને તેના દ્વારા તમને ઇન્ટરનેટ મળશે. પરંતુ તેની તમને જાણ નહીં થાય.

    કઈ રીતે મળશે ઇન્ટરનેટ?

    સામાન્ય ભાષામાં સમજીએ તો લાઈફાઈમાં ઇન્ટરનેટ એક એલઇડી બલ્બ દ્વારા મળે છે. જેમ કે, એક એલઇડી તમારા ઘરમાં લગાવી દેવામાં આવશે, જેથી તમને લાઈટના માધ્યમથી ઇન્ટરનેટ મળશે. તેમાં પણ એક સિસ્ટમ લાગે છે અને એક લેમ્પ ડ્રાઇવર લાગેલું હોય છે, જેમાં ડેટા ટ્રાન્સફરનું મહત્વનું કામ હોય છે. ત્યારબાદ એલઈડીના પ્રકાશથી તમને ઇન્ટરનેટ મળે છે. પરંતુ તે બહુ ચલણમાં નથી અને તેને સામાન્ય થવામાં સમય લાગશે. આ માટે ખાસ પ્રકારના ડિવાઇસની જરૂર હોય છે અને તમારું ડિવાઇસ પણ લાઈફાઈને સપોર્ટ કરે તેવું હોવું જરૂરી છે.

    આ પણ વાંચો: Sim Card Rule: હવે આ લોકો નહીં ખરીદી શકે નવું સિમ કાર્ડ, જાણો સરકારના નવા નિયમ

    લાઈફાઈનો ફાયદો શું છે?

    માનવામાં આવે છે કે આવનારા સમયમાં આ ઘણું પ્રચલિત બની શકે છે અને લોકો લાઈટ દ્વારા ઇન્ટરનેટ મેળવી શકશે. જો તેના ફાયદાની વાત કરીએ તો તેની સ્પીડ વાઈફાઈથી ઘણી વધારે હશે, પરંતુ તે ઘણી બધી બાબતો પર નિર્ભર કરે છે. આ ઉપરાંત, તેને વધુ સિક્યોર માનવામાં આવે છે, કારણકે તેને અમુક મર્યાદા સુધી યુઝ કરી શકાય છે. જેમ કે, જ્યાં લાઈફાઈની લાઈટ પહોંચશે, ત્યાં જ ઇન્ટરનેટ ચાલશે. એટલે કોઇપણ તમારા ઇન્ટરનેટનો ઉપયોગ નહીં કરી શકે અને તે વીજળીની પણ બચત કરે છે.

    લાઈફાઈના ગેરફાયદા શું છે?

    લાઈફાઈનું એક નુકસાન એ છે કે તમે લાઇટ વગર તેનો ઉપયોગ નથી કરી શકતા અને તમે અંધારામાં તેનો ઉપયોગ નહીં કરી શકો. સાથે જ તે ઘણું મોંઘું માનવામાં આવે છે અને એક રૂમમાંથી બીજા રૂમમાં ઉપયોગ કરવા માટે પણ તેમાં મુશ્કેલી થશે. આ માટે બહુ મર્યાદિત ઝોન હશે, જ્યાં ઇન્ટરનેટ ચલાવી શકાશે.
    Published by:Nirali Dave
    First published:

    Tags: Gujarati tech news, Technology news, Wifi

    આગામી સમાચાર