URIની રેકોર્ડ બ્રેક કમાણી, રાજીથી આગળ નીકળી, હવે તૂટી શકે આ રેકોર્ડ

ન્યૂઝ18 ગુજરાતી: બોલિવૂડ અભિનેતા વિક્કી કૌશલની ફિલ્મ 'ઉરી' બોક્સ ઓફિસ પર કરોડોની કમાણીની સાથે અનેક રેકોર્ડ પણ બનાવી રહી છે. સેકન્ડ વીકમાં પણ દર્શકો ફિલ્મને જોવા થિયેટર પહોંચી રહ્યાં છે. સેકન્ડ વીકમાં 13માં દિવસે પણ ફિલ્મે સારી કમાણી કરી હતી. રિપોર્ટ્સ પ્રમાણે, 11 જાન્યુઆરીએ રીલિઝ થયેલી આ ફિલ્મે 13માં દિવસે બુધવારે 6 કરોડની કમાણી કરી હતી. આ સાથે જ 'ઉરી' ફિલ્મ 'રાજી'ના લાઇફ ટાઇમ કલેક્શનથી આગળ નીકળી ગઇ છે.

'ઉરી' વિક્કી કૌશલની હિટ ફિલ્મ હોવાની સાથે જ તેના કરિયરની પહેલી સોલો બ્લોક બસ્ટર છે. ટ્રેડ એનાલિસ્ટ તરણ આદર્શે ફિલ્મના કલેક્શનના આંકડા શેર કર્યા હતા. તરણ આદર્શ પ્રમાણે, ઉરીએ સેકન્ડ વીકમાં શુક્રવારે 7.70 કરોડ, શનિવારે 13.35 કરોડ, રવિવારે 17.17 કરોડ, સોમવારે 6.82 કરોડ, મંગળવારે 6.30 કરોડ અને બુધવારે 6 કરોડની કમાણી કરી હતી. આ સાથે જ ફિલ્મે કુલ 128.59 કરોડનું કલેક્શન કર્યું છે.

Because in the end it’s your love that makes it all worth it. Thank You for embracing #URITheSurgicalStrike whole heartedly. pic.twitter.com/c2Wl0fKuZi

— Vicky Kaushal (@vickykaushal09) January 21, 2019

આ ફિલ્મ્સના રેકોર્ડ તૂટી શકે

લાઇફ ટાઇમ કલેક્શનની દ્રષ્ટિએ ઉરી કેટલીક ફિલ્મ્સને પાછળ કરવા આગળ વધી રહી છે. 13માં દિવસે કુલ લાઇફટાઇમ કલેક્શન મામલે 'ઉરી'એ 'રાજી'ને પછાડી દીધી છે. હવે ઉરીની આગળ અન્ય ત્રણ ફિલ્મ્સ છે, જેના રેકોર્ડ પણ તૂટી શકે છે. ઉરી રીલિઝના 14માં દિવસે ફિલ્મ 'સ્ત્રી' અને ત્રીજી વીકેન્ડમાં 'બધાઇ હો'થી આગળ નીકળી શકે છે.

#UriTheSurgicalStrike crosses *lifetime biz* of #Raazi yesterday [Day 13], will cross #Stree today [Day 14] and #BadhaaiHo in Weekend 3... [Week 2] Fri 7.70 cr, Sat 13.35 cr, Sun 17.17 cr, Mon 6.82 cr, Tue 6.30 cr, Wed 6 cr. Total: ₹ 128.59 cr. India biz... #Uri #HowsTheJosh

— taran adarsh (@taran_adarsh) January 24, 2019

How’s the Josh ? High Sir.
Simply loved #UriTheSurgicalStrike ! pic.twitter.com/L3V3sDM7m6

— Virender Sehwag (@virendersehwag) January 16, 2019

આ પણ વાંચો:  ઉરીની સક્સેસ પાર્ટીમાં આવ્યા સ્ટાર્સ, રાધિકાનો બોલ્ડ અંદાજ

ઉલ્લેખનીય છે કે, ફિલ્મ 'ઉરી'માં વિક્કી કૌશલ ઉપરાંત યામી ગૌતમ, મોહિત રૈના અને પરેશ રાવલ પણ મહત્વની ભૂમિકામાં છે. ફિલ્મની કહાણી વર્ષ 2016માં ભારતીય સેના દ્વારા હાથ ધરવામાં આવેલી સર્જિકલ સ્ટ્રાઇક પર આધારિત છે.

ગુજરાતી સમાચાર નો ખજાનો એટલે News18 ગુજરાતી. ગુજરાત, દેશ વિદેશ, બોલીવુડ, સ્પોર્ટ્સ, બિઝનેસ, મનોરંજન સહિત વધુ સમાચાર વાંચો ન્યૂઝ18 ગુજરાતી પર

Tags: Alia Bhatt, Box office Collection, Film uri